Te fundit
PËRPLASJET: Kush e nisi Luftën e Dytë Botërore? SHBA, Gjermania dhe Izraeli, krah Polonisë kundër Putinit
31 Dhjetor 2019, 21:40Bota
TEMA
Ambasadorët e Shteteve të Bashkuara, Gjermanisë dhe Izraelit në Varshavë kundërshtuan pohimin e presidentit rus Vladimir Putin se Polonia kishte fajin për shpërthimin e Luftës së Dytë Botërore.
Ajo amerikane, Georgette Mosbacher i dërgoi një mesazh Putinit duke thënë se drejtuesit e Gjermanisë naziste dhe BRSS, Adolf Hitler dhe Joseph Visarionovich Stalini, “ranë dakord për të filluar Luftën e Dytë Botërore”, se ky ishte një fakt dhe se “Polonia ishte një viktimë e këtij konflikti të tmerrshëm.”
Mesazhi i Mosbacher në anglisht dhe polonisht, por jo rusisht, morri përgjigje nga Ambasada Ruse në Varshavë.
“E dashur ambasadore, me të vërtetë mendoni se dini gjithçka më shumë rreth historisë sesa për diplomacinë?” pyeti ambasada ruse.
Lufta e Dytë Botërore filloi në 1939 me pushtimin e Polonisë nga Gjermanisë Naziste, e cila u sulmua nga BRSS dy javë më vonë. Pushtimi i dyfishtë i Polonisë erdhi menjëherë pasi Gjermania dhe BRSS hynë në një pakt jo-agresiviteti, i njohur si Pakti Robbentrop-Molotov, i cili përmbante një seksion sekret për ndarjen e Polonisë dhe vendeve të Balltikut.
Gati gjashtë milion qytetarë polakë u vranë në luftë.
Putin kohët e fundit pohoi se përplasja e forcave perëndimore me diktatorin e atëhershëm nazist Adolf Hitler hapi rrugën për luftë, dhe posaçërisht kritikoi Poloninë si një vend antisemitik që mirëpriti planet e Hitlerit për të shfarosur hebrenjtë në Evropë.
Ambasadorët gjermanë dhe izraelitë në Poloni, Rolf Nickel dhe Alexander Ben Zvi, fajësuan gjithashtu paktin gjermano-sovjetik të gushtit 1939 për shpërthimin e Luftës së Dytë Botërore.
Historiani polak Mariusz Wolos i tha portalit Onet se Putini dëshiron të “krijojë një përçarje midis Polonisë, SHBA dhe diasporës hebreje ndërkombëtare”.
Ai tha se Putini po përpiqet të fshijë aleancën e Stalinit me Hitlerin nga historia.
Kryeministri polak Mateusz Morawiecki akuzoi Putinin si gënjeshtër kur fajësoi Poloninë për shpërthimin e Luftës së Dytë Botërore dhe tha se kreu i shtetit rus po e bënte këtë për të tërhequr vëmendjen nga dështimet e fundit politike të Moskës.
Marrëdhëniet midis Moskës dhe Varshavës janë tensionuar 30 vjet më parë në Poloni, kohë kur regjimi komunist mbi të cilin Rusia kishte kontroll, u përmbys dhe vendi u kthye në Perëndim, duke u bërë një anëtar i Bashkimit Evropian dhe NATO-s.
Polonia po bën përpjekje për të zvogëluar varësinë nga gazi dhe nafta ruse dhe me zë të lartë është kundër tubacionit ruso-gjerman North Stream 2, i cili, kur të përfundojë, do të dërgojë gaz rus në Evropën Perëndimore përmes Detit Balltik, duke anashkaluar Poloninë dhe Ukrainën.
7 komente në “PËRPLASJET: Kush e nisi Luftën e Dytë Botërore? SHBA, Gjermania dhe Izraeli, krah Polonisë kundër Putinit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Eshte e verrete se trupat sovjetike u futen ne Poloni ne 17 shtator te 1939 dhe okupuan pa rezistence pjesen e ish perandorise cariste.Por ne kete moment ushtria polake ishte shpartalluar ,pavaresisht heroizmin e njesive te vecanta,gjithesesi inferiore perballe makines me te tmerrshme ushtarake te kohes ,Verhmatit nazist.Por perpara paktit Molotov-Ribentrop kishte ndodhur puashtimi italian i Etiopise dhe Shqiperise,kapitullimi i turpshem i Frances dhe Britanise ne Munih qe i dhuruan Hitlerit Cekosllovakine dhe Austrine,nderhyrja e Gjermanise dhe Italise ne Spanje ne favor te pucit te Frankos ..Nderkohe sovjetiket kerkonin nje marreveshje te qarte me Britanine dhe Francen per te bllokuar synimet e Hitlerit,Polonia nuk pranonte hyrjen e ushtrise sovjetike per tu mbrojtur nga Gjermania ne rast sulmi.Por edhe Franca dhe Britania benin loje dyfishte ,duke derguar per bisedime ne Moske zyrtare te tangut te ulet , pa asnje kopetence vendimarrese.Ne keto kushte BS u detyrua te bente marreveshje me Gjermanine ,duke zgjeruar kufirin me perfshirjen brenda BS te vendeve balltike,Bukovines,dhe me lufte nje pjese te Finlandes.Eshte e thjeshte,ne se polaket do te pranonin Ushtrine e Kuqe ne vijen e kufirit me Gjermanine,nazistet nuk do te guxonin kurre te sulmonin.Kjo eshte e verrete,te tjerat Jane perralla.
E vërtetë!
Respekte Olimpia per komentin dhe te vertetat qe shkruan te cilat jane reale ,por qe propoganda antiruse perendimore kerkon tia faturoje si gjithmon Rusise .
Nazistet nuk do guxonin te sulmonin hahah.Nazistet sulmuan dhe vet Bashkimin Sovjetik.Mos te ishte per amerikanet sot do flitej kudo gjermanisht
LB2 u nis nga ekipi luftarak i gazets “Tema” dhe po pregatiten per LB3, LB4
Olimpia, po ti do e pranoje Serbine te vinte ne Durres te luftonte Italine? Sa garanci do te kishe se ajo do te ikte prape ne veri?
Pakti i 23 gushtit te1939 teatri me i madh i shekullit i nenshkruar midis Rusise dhe Gjermanise ku neshkruhesh mos sulmimi i dy vendeve qe firmosnin kete marreveshje ne ate kohe shume sekrete, ku fshihesh aleanca midis Hitlerit dhe Stalinit si edhe nisja e luftes se dyte boterore qe do te shkaktonte miliona deme njerezore .