Te fundit
Kulluri: Rrënimi i Lulzim Bashës i parikuperueshëm, vetëm 1 në 6 demokratë e mbështet
18 Janar 2020, 16:54Politika
TEMA
“Një në gjashtë demokratë e mbështesin Lulzim Bashën si kryetar të Partisë Demokratike”-, tha ish-anëtari i Këshillit Kombëtar të PD-së, Edvin Kulluri gjatë një interviste televizive sot.
Sipas Kullurit, është urgjencë mbledhja e Kuvendit Kombëtar të PD-së për reformimin e partisë.
“Partia duhet të hyjë në Kuvend Kombëtar për tu reformuar, për ta nxjerrë partinë nga kriza, për të pasur një program elektoral për zgjedhjet e ardhshme, dhe dalja në një qasje krejtësisht të re. Humbja e 2017-s ja pamundëson fitoren e Lulzim Bashës në 2021-shin, është humbje e rëndë, dhe sjellje e papërgjegjshme pas asaj humbje, sa rrënimi i Bashës është i parikuperueshëm. Vetëm 1 në 6 demokratë e mbështesin Bashën, e kemi me sondazhe”, tha Kulluri.
Ish-anëtari i Këshillit Kombëtar të PD-së tha se protestat e opozitës gjatë 2019-s sollën dëme për vetë partinë, pasi janë arrestuar me qindra persona, është shkaktuar tension social dhe ka pasur kosto në ekonomi dhe turizëm. Ndërsa fitorja politike nga protestat, ishte zero, sipas Kullurit, pasi nuk prodhuan asgjë.
Sipas Kullurit, marrëveshja politike e arritur për reformën zgjedhore është produkt i krizës së vjetshme, dhe dakordësia sipas tij ka ardhur në fund të 2018-s, pasi ka pasur një komision të përbashkët parlamentar.
“Mazhoranca është në axhendën e saj normale, është një komision rutinë që do të reflektojë rekomandimet e OSBE/ODIHR”, tha ai.
Kulluri tha se nuk ka rëndësi nëse marrëveshjen politike për zgjedhoren e kanë ndërmjetësuar apo jo ndërkombëtarët, në politikë rëndësi ka rezultati.
1 komente në “Kulluri: Rrënimi i Lulzim Bashës i parikuperueshëm, vetëm 1 në 6 demokratë e mbështet”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Mo kullur mon,mos fol ashtu se Bash se nxjerr gazmut bardhin dhe publikon fakte se ti je i kriminelizuar,i ndaluar ne greqi apo serbi dhe ti merr fund pastaj me vidéo te publikuar, salianji edhe pse i denuar ai ka plot aktor, alibeaj,fllorenc hocha, palloka,dallapi e qershia mbi torte klirim gjata,sikur nuk e situé se basha ishte perkthyes i Karla pontes e Dick Laetitia qe boterisht Jane deklaruar avokat dhe shpetimtar te serbise,sikur nuk e ditke se fazlliq shkau fle me bashen e berishen dhe ta fabrikon menjeher dokumentin qe ti je i denuar ne serbi dhe i debuar ngagreqia se ke share “prêt” bashen klyshin e berishes qe mbane per dore fazlliq shkau.