Te fundit
"Taksa e Kosovës ndaj Serbisë", përfituesi kryesor nuk ishte Shqipëria
18 Janar 2020, 15:55Rajoni
TEMA
Në fund të vitit 2018, qeveria e Kosovës vendosi një tarifë doganore në masën 100% për importin e produkteve nga Serbia.
Taksa u bë objekt debatesh të ashpra politike që vazhdojnë ende, por nga këndvështrimi i Shqipërisë u pa mbi të gjitha si një mundësi për të rritur këmbimet tregtare me Kosovës dhe sidomos për shtuar praninë e produkteve tona në tregun kosovar.
Por, statistikat e tregtisë së jashtme për vitin e kaluar treguan se kjo pritshmëri është përmbushur vetëm pjesërisht. Për vitin e kaluar Shqipëria eksportoi drejt Kosovës mallra në vlerën e afërsisht 30 miliardë lekëve, në rritje me 10% krahasuar me vitin 2018. Në strukturën e eksporteve shqiptare drejt Kosovës dominojnë materialet e ndërtimit dhe metalet, që përbëjnë 46% të totalit.
Duke pasur parasysh se taksa doganore pothuajse e mbylli tregun kosovar për mallrat serbe, mendohej se rritja e eksporteve shqiptare do të ishte më e lartë.
Po të shohim statistikat e tregtisë së jashtme të publikuara nga Agjencia e Statistikave të Kosovës, rezulton se në fakt përfituesi kryesor mes fqinjve nga taksa kundër produkteve serbe ka qenë në fakt Maqedonia e Veriut. Importet maqedonase u rritën me 43% për 11 mujorin e vitit 2019, rritje kjo mbi katër herë më e lartë krahasuar me importet nga Shqipëria. Ndërkohë, jashtë rajonit, është vërejtur një rritje e ndjeshme e importeve nga vendet e Bashkimit Europian dhe nga Turqia.
Paaftësia e prodhimeve shqiptare për të “pushtuar” tregun kosovar mund të lidhet me arsye të ndryshme, që nga ato ekonomike e deri tek problemet politike dhe administrative. Industria prodhuese në Shqipëri duket se ngelet e dobët dhe pak konkurruese, sidomos kur bëhet fjalë për të shitur produktet e saj në tregjet e jashtme. Rasti në fjalë duket se e dëshmon më së miri këtë.
Përveç kësaj, sipas sipërmarrësve, mes dy vendeve ka ende barriera burokratike dhe procedurale, që nuk i shërbejnë rritjes së këmbimeve tregtare. Shembuj të sjellë nga bizneset janë taksa për kalimin në rrugën e kombit, tarifat në terminalet doganore dhe ato për skanimin e kontejnerëve, certifikatat fitosanitare, çmimet e referencës, tarifat e skanimit të kamionëve, etj. Së fundmi, ekziston edhe një ftohje e qartë mes qeverive të dy vendeve, çka sigurisht nuk ndihmon në përmirësimin e marrëdhënieve ekonomike dhe tregtare.
4 komente në ““Taksa e Kosovës ndaj Serbisë”, përfituesi kryesor nuk ishte Shqipëria”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
skiperia prodhon dhe eksporton vetem xhihadiste.
Embargoja per mallrat Serbe u be ne marveshje me Turqin vetem e vetem te influencohej exportet Turke.
Pse duhet te perfitonte Shqiperia nga taksa e Kosoves ndaj mallrave serbe?
Po te ishte per perfitime,kjo gje duhet te ishte bere qe ne fillim,pas shpalljes se Pavaresise se Kosoves,ku shumica e shkembimeve,tregetare,kulturore,sportive etj duhet e ishte midis dy shteteve tona e jo me Serbine!
por kjo gje nuk ndodhi se sulltanet e Shqiperise kane punuar me shume per Serbine se sa vendet tona!
Kjo tregon qarte qe me jugosllavie e re te rames sa shanse ka shqiperia te mbijetoj kur shihet qarte qe nuk arrin te pushtoj nje treg pa konkurent si ai i kosoves
Njelloj si zgjedhjet e fundit ku kandidatet pa konkurente humben zgjedhjet dhe po fshihen si mij