Flamur Noka: Ulja në tryezë me Damian Gjiknurin, fitore e madhe për opozitën e bashkuar. Sondazhet na nxjerrin parti e parë

Flamur Noka nga PD u shpreh në A2 se paketa anti-KÇK bëhet vetëm për show propagandistik. Sipas tij, nëse do të kishte vullnet, ligji anti-mafie është i duhuri për të luftuar krimin dhe korrupsionin.

Noka foli edhe për reformën zgjedhore, duke e vlerësuar si fitore të opozitës uljen në tryezë, pasi sipas tij, reforma tashmë ka dalë nga parlamenti i korruptuar.

“KÇK-ja nis me kryeministrin dhe të gjithë bandën që është në qeveri. Çfarë duan të bëjnë? Maskojnë inkriminimin e tyre dhe zhytjen në korrupsion, duke sajuar ligje.

Në Shqipëri nuk ka mungesë ligjesh për të luftuar krimin. Është miratuar ligji antimafia, i cili është një nga ligjet më të mira në Europë.

Ligji antimafie i miratuar nga PD e ka të detajuar mënyrën e gjurmimit të pasurisë dhe për të vërtetuar barrën e provës.

Thjesht përpiqen për të bërë një show propagandistik. Sa më shumë ligje sajohen dhe propagandohen aq më shumë duket se është zero vullneti.

Nuk mund të luftojnë krimin dhe korrupsionin, pasi i bie ta nisin nga vetja”, tha ai.

6 kryebashkiakë me dosje

“Qasja që ka Rama ndaj krimit po jep efektet në të gjitha këto vite. Rama, krimin e organizuar e konsiderojnë biznes.

Që këtu nis e keqja e gjithçka, pasi tashmë është i detyruar t’i shpërblejë. E gjithë “Rilindja” del pjesë e grupit KÇK.

Po dalin të gjithë me probleme dhe kjo nuk është më përgjegjësi personale, ashtu siç Rama thotë. Rama e ka të pamundur të qeverisë vetëm, pasi ka një kontratë të pashkruar me ata që e sollën në pushtet.

Tryeza e përbashkët për reformën zgjedhore

“Kauza e opozitës ka qenë dhe do të ngelet largimi i Ramës, si e keqja që ka pllakosur në këtë vend. Ne i kemi të gjitha energjitë të fokusuara këtu. Reforma zgjedhore… në 8 kushte të vendosura nga Bundestagu duhet vullneti i qeverisë, ndërsa në një pikë duhet edhe vullneti i opozitës dhe këtë opozita po e tregon. Detyrat e tjera duhet t’i përmbushë qeveria.

Tryeza u organizua si pasojë e faktorit ndërkombëtare. Menjëherë pas të përmbyllet reforma është zbatimi, implementimi. Zgjedhjet e parakohshme janë e vetmja rrugë për të testuar. Qeveria po bën gjithçka për ta zvarritur”.

“Ulja në tryezë, fitore e madhe për opozitën”

“PD është sot e fokusuar te kushti i Bundestagut, reforma zgjedhore. Po ashtu, jemi në terren për konsolidimin e strukturave. Ne kemi vitalizuar strukturat për t’u përgatitur për zgjedhje.

Nga sondazhet del se PD është fituese dhe kjo është arsyeja pse Rama bën gjithçka për të zvarritur reformën, që të mos shkojë në zgjedhje. Ulja në tryezë ishte një fitore shumë e madhe për ne.

Një nga pikat tona ishte delegjitimimi i atij parlamenti. Fakti që reforma doli jashtë parlamentit ishte fitore e PD-së”, u shpreh Noka.

Basha "thyen heshtjen" dhe refuzon të përgjigjet se ç’do të bëjë nëse humb sërish zgjedhjet

17:40 Politika

Profesor Marku: Qeveria është vetë një KÇK, nuk jam fare entuziast, nuk besoj dhe jam shumë skeptik

17:44 Politika

"A jeni përfshirë ju personalisht në blerjen e votave?", Edi Rama "rrëfehet" për prestigjiozen gjermane "Spiegel"

17:26 Politika

Ndërron jetë papritur në moshën 44-vjeçare bashkëshorti i kordinatores së zyrës së shtypit në PD

17:07 Politika

Dëshmia tronditëse: I tha se greku ishte më i mirë në shtrat pasi e bënë treshe, ndaj shqiptari vrau studenten greke

17:10 Politika

Zbardhet dëshmia e vëllait të Jan Prengës. Nga vjedhja e kokainës, tek telefonatat kërcënuese

17:02 Politika

Lulzim Basha: Marrëveshje me Ramën për zgjedhje të parakohshme. Rikthimi në tryezën e dialogut s'është surprizë

16:21 Politika

“S’të vjen goja ty se doje djalë”: Batutat e Ramës me qytetarët gjatë inspektimit të spitalit në Vlorë

16:12 Politika

“Anti-KÇK”, reagon ashpër Bardhi: Rama sa hërë ka hall shpik një ligj të madh, nuk ka për të patur luftë kundër krimit

14:35 Politika

Ylli Rakipi: Rama nga mëngjesi në darkë na ka thënë kazanë, myftarë dhe kadrinj, të vijë këtu në gjyq të përballet me mua. Do nxjerr një video

14:36 Politika