Albin Kurti vjen në Tiranë si kryeministër, çështjet e vjetra në tryezë me Ramën

Vizita e parë e Albin Kurtit si kryeministër do të jetë në Shqipëri. Një javë pasi mori miratimin e Kuvendit të Kosovës për formimin e qeverisë, Kurti do të pritet për herë të parë në Tiranë si kryeministër.

Ai do të pritet në një ceremoni zyrtare në Pallatin e Brigadave nga kryeministri Edi Rama, për të takuar me pas kreun e Kuvendit, Gramoz Ruci. Kryeministri i Kosovës do të takohet më pas në presidencë me kreun e shtetit Ilir Meta, dhe më pas me kreun e Partisë Demokratike, Lulzim Basha.

Tirana ishte e para që Kurti vizitoi edhe pas fitores në zgjedhjet e parakoshme të Kosovës në tetor, kur u takua për pesë orë kokë më kokë me kryeministrin Edi Rama. Kësaj radhe takimi mes dy kryeministrave pritet të zgjasë vetëm një orë, por çështjet e hapua në tavolinë ka të ngjarë të mbeten të njëjtat.

Takimi me Ramën në tetor u pa edhe si një “shkrirje e akujve” pasi ata po bënin më shumë se 14 muaj pa u takuar. Kurti ka premtuar se si kryeministri i ri do të bashkëpunojë ngushtë me qeverinë dhe me kryeministrin e Shqipërisë, por nisma e fundit e Ramës për shengenin Ballkanik duket se ka rritur tensionet mes tyre.

Ideja e kryeministrit Edi Rama dhe presidentit serb Aleksandër Vucic për krijimin e një Mini-Shengeni rajonal, ka të ngjarë të jetë sfida e dytë më e madhe e kryeministrit Albin Kurti.

Kosova është vendi i vetëm në rajon që po qëndron larg mini-Shengenit Ballkanik, duke çuar edhe në një përkeqësim të marrëdhënieve mes Ramës dhe Kurtit.

Ashtu si edhe udhëheqësit e tjerë politikë në Kosovë, as Kurti nuk e ka kursyer revoltën, duke e cilësuar mini-Shengenin si një nismë që fuqizon ndikimin e Serbisë në rajon. Zyrtarët e partisë së tij janë të bindur se ky projekt bëhet për të krijuar ‘Jugosllavinë e re’, ku Serbia do të ketë rolin kryesor, e Shqipëria e Maqedonia e Veriut do të jenë plotësuese të këtij plani.

Duke folur pas qëndrimeve të mbajtura nga kryeministri Edi Rama kundër bojkotit të mbledhjes së liderëve të rajonit të Ballkanit, të takimit të zhvilluar në Tiranë, Kurti u shpreh se rruga nga Beogradi për në Tiranë kalon nëpër Prishtinë dhe se asnjë popull nuk mund të qëndrojë mes tyre.

“Parimet e gjithëpërfshirës dhe reciprocitetit duhet të udhëheqin iniciativat rajonale. Rruga nga Beogradi në Tiranë kalon nëpër Prishtinë. Ne jemi dhe gjithmonë do të jemi një popull dhe askush nuk mund të qëndrojë mes nesh. Ne kemi nevojë për më shumë bashkëpunim jo konfrontim!”, shkruante Albin Kurti.

Nga një festë me të rinjtë e Vetëvendosjes në Tiranë, Kurti tha se duhet të jemi të kujdesshëm me Serbinë, pasi kjo e fundit para tre vitesh ka tentuar një puç bashkë me Rusinë.

“Është në interes të Serbisë që të duket sa më normale ndërkohë që nuk është”, u shpreh ai.

Kurti tha se përpara se të hidhen të tilla ide për bashkëpunimin me Serbinë, do të ishte më mirë një bashkëpunim edhe më i fuqishëm ndërmjet Shqipërisë dhe Kosovës.

“Në atë që quhet Mini-Shengen Ballkanik nuk janë të përfshira Kosova, Mali i Zi dhe Bosnja. Unë besoj se ajo që është më e rëndësishme është bashkëpunimi mes Kosovës dhe Shqipërisë. Ne duhet ta dyfishojmë bashkëpunimin, të kemi komision të përbashkët qeveritar për politikë të jashtme dhe të kemi politikë të përbashkët”, ka thënë ai ndërsa Mali i Zi iu bashkua tryezës së nismës në Tiranë.

Po ashtu, në më shumë se një rast, udhëheqësi i Vetëvendosjes ka qortuar Edi Ramën për mbrojtjen e idesë së Hashim Thaçit për korrigjim kufijsh me Serbinë. Kurti u radhit në krahun e politikanëve kosovarë që me korrigjim nënkuptonin ndarje të Kosovës mbi vijat etnike, ku Mitrovica e Veriut i kalon Serbisë në këmbim të Preshevës që i kalon Kosovës.(SI)

”Forbes”: Pse Europa nuk mund ta përballojë sërish një gabim me Ballkanin Perëndimor

12:02 Rajoni

Si u bëra Albinist

10:20 Rajoni

Thaçi: Me ndërmjetësimin e SHBA-së, dialogu do të përmbyllet me njohje reciproke

15:26 Rajoni

Marrëdhëniet e hidhura midis Bashkimit Europian dhe Ballkanit Perëndimor

15:09 Rajoni

Vendet skeptike të BE-së, pengesë për liberalizimin e vizave me Kosovën

14:07 Rajoni

Tentoi t'i kalonte kontrabandë, shqiptarit i gjenden 300 diamante në kufirin serbo-kroat

10:10 Rajoni

"Politika e re e zgjerimit të BE": Franca në pranverë do ta hapë rrugën për Shqipërinë

09:47 Rajoni

Një person i dyshuar me koronavirus në spitalin e Prishtinës

22:20 Rajoni

Haradinaj paralajmëron Kurtin: Mos u dorëzo para Serbisë! Po nuk u njoh Kosova, do mbetesh duarthatë

21:35 Rajoni

Presidenti i Këshillit Evropian thërret në takim joformal krerët e Ballkanit Perëndimor para samitit të Zagrebit

20:39 Rajoni