Te fundit
DW: Eurodeputetët pro propozimeve për reformimin e negociatave të anëtarësimit për Shqipërinë e Maqedoninë e Veriut
11 Shkurt 2020, 09:55Politika
TEMA
Deputetët e Parlamentit Europian i kanë mbështetur të mërkurën propozimet e reja të Komisionit Europian për reformën e procesit të zgjerimit të BE me vende të tjera.
Kjo reformë u bë e nevojshme pas këmbënguljes së Francës, se para zgjerimit me vende të tjera e çeljes së negociatave me Shqipërinë dhe Maqedoninë e Veriut duhet të kryhet njëherë reforma e procesit nga vetë BE. Propozimet e reja duket se mirëpriten tani nga eurodeputetët.
Eurodeputetja hungareze, Kinga Gal nga grupi i parlamentar i partive popullore (EVP) u shpreh të hënën (10.02) në seancën plenare të Parlamentit Europian në Strasburg, se këto propozime janë një urë për të zgjidhur problemin e negociatave të ngecura me Shqipërinë e Maqedoninë e Veriut.
Kurse i ngarkuari i BE-së për zgjerimin, Oliver Varhelyi tha se procesi i negociatave duhet të bëhet më i besueshëm. Eurodeputeti bullgar, Ilhan Kyuchuk nga grupi parlamentar liberal Renew në plenumin e Strasburgut theksoi, se metodologjia e re tani duhet të sjellë dinamikë në procesin e negociatave dhe jo ta bëjë procesin më të komplikuar.
Procesi i integrimit të Ballkanit Perëndimor në BE ishte temë bisedimi edhe në vizitën e kryeministrit hungarez, Viktor Orban me kancelaren Merkel të hënën në Berlin.
Merkel dhe Orban përforcuan qëndrimin, se samiti i BE-së në mars duhet të japë sinjalin e hapjes së bisedimeve të anëtarësimit me Shqipërinë dhe Maqedoninë e Veriut. Orban nga ana e tij kërkoi që të përfundojnë bisedimet e anëtarësimit me Serbinë. “Bisedimet me Serbinë duhet të përshpejtohen dhe të përmbyllen” tha Viktor Orban para takimit me kancelaren Merkel. “Vetëm kështu mund të arrihet stabilizimi i rajonit të Ballkanit Perëndimor.”
Çelja e negociatave me Shqipërinë dhe Maqedoninë e Veriut u bllokua në vjeshtën e vitit të kaluar për shkak të vetos franceze. Presidenti francez, Macron kërkoi reformimin e procesit.
Tani propozimi i ri i Komisionit parashikon që 35 kapitujt e anëtarësimit të ndahen në gjashtë grupime tematike. Negociatat do duhet të fillohen tek të gjashtë tematikat. Me këtë Komisioni Europian shpreson që të ketë sukses çelja e negociatave me Shqipërinë e Maqedoninë e Veriut në samitin e BE në Maj në Zagreb.
3 komente në “DW: Eurodeputetët pro propozimeve për reformimin e negociatave të anëtarësimit për Shqipërinë e Maqedoninë e Veriut”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Pra, se fundmi e morem vesh qe shqiptaret nuk futen ne BE. Lajmi i keq ka dhe anen e saj te mire, fundin e terrorizimit grek per bllokim.
e keni gabim, albanistani hundez e ka te garantuar hyrjen me 2025…… eshte tjeter pune nese Rama/Meta/Sala/Basha jane ne pushtet dhe gjalle…!?
–
sa per shkrimin me siper , titulli eshte tipik nje fshehje e se vertetes pasi Temes nuk i pelqen e verteta dhe faktet kokforte pa shprehet qellimisht si me poshte por te jep pershtypjen se u ba kjo pune, psh
=
jane :
per propozime
per reformime
per kushte te reja ose kushte shtese
qe Shqiperia ti bashkohet BE.
BE na duhet se do te jete bashkimi faktik shqiptar nga viset akoma nen serbi e ato nen greqi, pastaj me te pare me te bere, nderkohe afrim me te madh me shba se ata jane vertet ne krahun tone. Plehrat e frances e bejne kete te futet Serbia e pastaj e ve veton Serbia, po te duan te reformojne Be, te heqin veton dhe te fusin klauzole perjashtimi per shtete qe e bejne balte sic e beri greqia, gjysma e lindjes etj etj