Te fundit
Xhamajka shpreh keqardhje për keqkuptimin: S’e kemi njohur Kosovën
23 Shkurt 2020, 16:56Kronika
TEMA
Xhamajka deri tani nuk ka marrë asnjë vendim rreth njohjes së Kosovës, shtet të pavarur. Kështu ka bërë të ditur zyrtarisht Ministria e Punëve të Jashtme dhe e Tregtisë së Jashtme e Xhamajkës.
“Ministria e Punëve të Jashtme dhe e Tregtisë së Jashtme e Xhamajkës është në dijeni për raportimet publike rreth njohjes së Kosovës si shtet i pavarur”, i ka shkruar Klan Kosovës, Njësia për Marrëdhënie me Publikun dhe Çështje Mediale e MPJTJ-së së Xhamajkës.
“Çështjet si këto janë në shqyrtim të vazhdueshëm nga Qeveria e Xhamajkës. Megjithatë, tani për tani, Xhamajka nuk ka marrë asnjë vendim rreth çështjes”, thekson komunikata.
Madje kjo Ministri, shpreh keqardhje për keqkuptimin rreth qëndrimeve për njohje, njofton Klan Kosova.
“Rrjedhimisht, është për keqardhje që ka ndodhur një keqkuptim i qëndrimit të Xhamajkës”, ka bërë të ditur MPJTJ e Xhamajkës.
Përgjigjia zyrtare e Xhamajkës vjen pak pasi ambasadorja e Kosovës në Shtetet e Bashkuara të Amerikës, Vlora Çitaku, e ka thyer heshtjen e saj, disa ditë pas skandalit me njohjen e vendit nga Xhamajka.
Presidenti i Kosovës, Hashim Thaçi, kishte raportuar i pari, nëpërmjet një njoftimi në llogarinë e tij, në rrjetin social Twitter, se ishte informuar nga Çitaku se Kosova ka siguruar njohjen nga shteti ishullor.
Por, pak orë më vonë, Xhamajka ka mohuar se ka vendosur për njohje.
2 komente në “Xhamajka shpreh keqardhje për keqkuptimin: S’e kemi njohur Kosovën”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nuk eshte Republik Jamaica. Jamaica eshte nje ishull i konolizuar per pushime qe te huajt kane gjithe aktivitetin.. Jamaikanet jane kot sic eshte dhe shteti i tyre.. Qesharak dhe te korruptuar..
Turp ti ju vije qe harxhoni kohe edhe $$$ qe ti ju njohi Jamaica.Nje shtet komplet i mbaruar nga te gjitha drejtimet.Por me te mbaruar jane drejtuesit e Kosoves qe merren me te tilla gjera.