Te fundit
PE nënvizon nevojën për strategji afatgjatë migracioni
4 Mars 2020, 13:59Bota
TEMA
Presidenti i Parlamentit Europian, David Sassoli deklaroi se është shumë e rëndësishme që zyrtarët europianë dhe qeveria greke vizituan Evrosin dhe nënvizoi nevojën për një strategji europiane afatgjatë dhe të bashkuar për migracionin, pas vizitës së tij në kufirin greko-turk, ku inspektuan flukset e migracionit nga të ardhura Turqia.
Ai shprehu shqetësimin se disa anëtarë të BE-së mund të mos e kuptojnë sa urgjente është nevoja për reformimin e politikës së migracionit.
“Nëse para një viti e gjysmë do të kishim ndjekur këshillat e Parlamentit Europian dhe do të kishim vazhduar reformimin e traktatit ‘Dublin II’, me siguri sot nuk do të përballeshim me këto kushte”, shpjegoi Sassoli.
“Është Europa ajo që duhet të zbatojë një politikë migracioni, të ndajë barrën e migracionit, ta rishpërndajë atë në mënyrë të barabartë”, theksoi ai duke shtuar se kjo duhet të jetë një politikë e unifikuar, përndryshe nuk mund të garantojë vlera dhe të drejta të përcaktuara.
Ai theksoi se prania e përbashkët e zyrtarëve europianë në kufirin e Evrosit është një thirrje për Europën që të adresojë me vendosmëri mundësinë e hartimit të një politike të përbashkët migracioni.
Sassoli gjithashtu theksoi se Turqia duhet të dëgjojë çfarë ne duam të negociojmë dhe të diskutojmë, por duhet të respektojë marrëveshjet dhe ngriti çështjen e rëndësishme të fëmijëve të pashoqëruar, e cila gjithashtu duhet të zgjidhet.
Lini një Përgjigje
Më të lexuarat
24 oret e fundit
Javen e fundit
Blog Tema
