Berisha kallzohet penalisht në Prokurori, reagon PD: Rama po kërkon të fusë të vërtetën e opozitën në karantinë, s'ka padi që na ndal të ngremë zërin

Partia Demokratike ka reaguar pas denoncimit që deputetët e Komisionit të Shëndetësisë për përhapje paniku.

PD akuzon Ramën se “po kërkon të fusë të vërtetën në karantinë”, ndërsa shprehet se kryeministri nuk ka asnjë ide dhe është i papërgatitur.

Në deklaratën e selisë blu thuhet se nuk do të ndalen për të ngritur zërin edhe pas disë, pasi kërkojnë vetëm të thonë të vërtetën.

Deklarata e plotë e Partisë Demokratike:

Pa ide, i papërgatitur dhe i papërgjegjshëm, Edi Rama po kërkon të fusë të vërtetën në karantinë.

PO bën gjithçka që të politizojë denoncimet që nxjerrin në pah dështimin e tij dhe të qeverisë së tij për të përballuar situatën e krijuar nga koronavirusi.

Këtë herë dështimi i Edi Ramës rrezikon jetë, kështu që asnjë padi, kërcënim apo shantazh nuk do të na largojë ne nga misioni për të thënë të vërtetën.

Vetëm ditët e fundit janë dy raste flagrante të denoncuara nga opozita dhe që, për fat të keq rezultuan të vërteta.

1.  Është denoncimi i ish kryeministrit Sali Berisha për të moshuarën nga Durrësi që ndërroi jetë, e infektuar me koronavirus, por pa u trajtuar sipas protokollit.

2.  Është denoncimi i Partisë Demokratike për shpërndarjen nga qeveria të 1.2 milionë maskave të skaduara për personelin shëndetësor.

Mjaftojnë vetëm këto dy raste për të kuptuar shkallën e lartë  të papërgjegjshmërisë së këtij kryeministri, që deri para pak ditësh siguronte shqiptarët se nuk ishin të rrezikuar dhe se ky ishte thjesht një grip.

1.  E vërteta është se qeveria nuk mori në kohë asnjë masë parandaluese ndaj përhapjes së virusit të rrezikshëm. Deklaratat e Edi Ramës dhe të Ministres së Shëndetësisë se kishin marrë masa, u provuan me fakte se ishin të gënjeshtra. Vetëm pas denoncimit tonë të datës 25 dhe 26 Shkurt se në asnjë prej qendrave shëndetësore dhe spitalet në vend, nuk kishin dërguar mjete mbrojtëse për personelin shëndetësor Edi Rama dhe Ogerta Manastirliu në datën 28 Shkurt njoftuan se kishin shpërndarë mjetet mbrojtëse në gjithë Shqipërinë. U provuam me fakte, se fatkeqësisht këto mjete mbrojtëse ishin të skaduara dhe nuk ofronin asnjë mbrojtje për personelin shëndetësor, të cilët janë të rrezikur nga kontakti i përditshëm dhe i lartë më qytetarët.

2.  E vërteta është se qeveria, edhe sot që flasim nuk ka tërhequr sasinë e maskave të skaduara të shpërndara për personelin mjekësor. Akoma shumica e mjekëve dhe e stafit shëndetësor, që përballen me qindra njerëz në ditë, punojnë të pambrojtur.

3.  E vërteta është se qeveria nuk ka vënë në dispozicion fondet e nevojshme për përballimin e situtës. 3.5 milionë dollarë janë të asgjë para përmasave në rritje të krizës. Ky fond nuk mjafton as për të furnizuar me dizifektant qendrat shëndetësore dhe spitalet në të gjithë vendin.

4.  Qeveria vonoi me dy javë vendimmarrjen për të mbyllur aktivitetin në ambiente që ka prezencë shumë të madhe të njerëzve, duke u kthyer në potencial të madh rreziku për përhapjen e virusit. Qeveria nuk mori asnjë masë për të siguruar që personat e ardhur nga Italia të vetëkarantinoheshin për një periudhë 14 ditore, siç kërkon protokolli i sigurisë për mos përhapjen e virusit. Në këtë moment që flasim, aktiviteti i bizneseve që kanë prezencë të madhe njerëzish në një ambient të mbyllur, si biznesi fason apo call center, vijojnë punën dhe nuk janë urdhëruar për mbyllje.

5.  Qeveria nuk ka marrë asnjë masë për të lehtësuar nga taksat, tarifat dhe sigurimet shoqërore/shëndetësore, bizneset që janë urdhëruar të ndërpresin aktivitetin e tyre.

6.       Qeveria nuk ka marrë masa për të mundësuar funksionimin normal të linjës së urgjencës 127, e cila ka vështirësi për aksesim për shkak të fluksit.

Edi Rama nuk mund ta fusë dot në karantinë të vërtetën dhe opozitën. Nuk ka kallëzim apo padi që mund të ndalë Partinë Demokratike të ngrejë zërin për sigurinë e qytetarëve.

Braçe tallet me Bashën: Tek leku e ke mendjen. Në fillim shëndeti i njerëzve

13:55 Politika

Kërkonte marrjen e masave, Tit Vasili sërish kundër Ramës: Kufizimet absolute kërkojnë zgjidhje alternative që ti s’i bën, ja çfarë duhet të bësh tani

13:34 Politika

Dorëzohet padia penale ndaj Sali Berishës për përhapje të qëllimshme të panikut, ja provat

12:52 Politika

Basha reagon pas vendimit të BSH dhe i bën ftesë Qeverisë: Koha s'pret. Mos kini kompleks, zbatoni masat ekonomike të propozuara nga PD

12:40 Politika

Tjetër vendim i qeverisë: Nesër administrata shtetërore do të jetë pushim

12:24 Politika

“Shtet-rrethimi”, Rama: Sipërmarrjet që kryejnë shërbime transporti mallrash dhe mediat duhet të akreditojnë automjetet e punonjësit pranë policisë

12:18 Politika

Shqipëria në shtetërrethim: Nga nesër ndalohen edhe makinat private në 8 qytete, askush s'del dot nga Tirana e Durrësi

11:29 Politika

Urdhri i Stomatologut thirrje dentistëve: Mbyllini klinikat dentare deri më 3 prill

11:10 Politika

Shpërthen debati në Itali: Mjekët paguhen 1300 euro, futbollistët gati 1 milion euro në muaj… Tani t’ju shërojë Ronaldo!

10:50 Politika

Masat për koronavirusin, Rama: Nga sot në mesditë s’ka transport urban në Tiranë dhe Durrës

10:08 Politika