Te fundit
6 raste të reja me COVID-19: Shkon në 76 numri i të prekurve me koronavirus në Shqipëri
21 Mars 2020, 11:13Sociale
TEMA
Ministria e Shëndetësisë bën me dije se ka shkruar në 76 numri i të prekurve me koronavirus në Shqipëri.
“Rikuperohen dy pacientë, kontakte të pacienti zero. Pas daljes nga spitali duhet të qëndrojnë në vetëkarantinim për 14 ditë. Vijon puna në terren për identifikimin e rasteve të reja dhe gjurmimin e kontakteve të rasteve të konfirmuara positive.
Në 24 orët e fundit janë testuar 46 persona të dyshuar, prej të cilëve janë konfirmuar 6 raste të reja me COVID-19:
– 5 qytetarë nga Tirana, kontakte të rasteve pozitive
– 1 qytetar nga Fieri, gjithashtu person kontakti.
Deri në këto momente testuar 778 janë raste të dyshuara dhe prej tyre janë të konfirmuar pozitivë me COVID-19, 76 raste. Nga totali i rasteve të konfirmuara, 59% janë meshkuj dhe 41% janë femra. Ndërsa shpërndarja gjeografike e rasteve positive, është si vijon:
• Tiranë 55 qytetarë
• Durrës 5 qytetarë
• Lushnje 2 qytetarë
• Elbasan 2 qytetarë
• Fier 8 qytetarë
• Rrogozhinë 2 qytetarë
• Kavajë 2 qytetarë
Janë shënuar deri tani dy raste humbje jete.
Ju informojmë se në spitalin Infektiv ndodhen aktualisht 37 pacientë të shtruar. 4 prej tyre janë në terapi intensive, në situatë të njëjtë klinike.
Ndërsa pjesa tjetër e të shtruarve në pavion janë në gjendje të stabilizuar deri në këto momente. Dy kontakte të pacientit zero kanë rezultuar negativ edhe pas testit konfirmues që përfundoi mbrëmjen e djeshme. Por edhe pas daljes nga spitali, pacientët e rikuperuar duhet të qëndrojnë në vetëkarantinim edhe për 14 ditë të tjera, duke ndjekur masat e kontrollit respirator dhe higjienën personale.
Jemi duke vijuar me testimin e rasteve të dyshuara, si element i rëndësishëm për ndërprerjen e zinxhirit të transmetimit të infeksionit COVID-19. Nga ana tjetër, për të siguruar suksesin e ndërprerjes së zinxhirit të transmetimit të infeksionit, qytetarët kanë një rol thelbësor. Mënyra e vetme për ta ndërprerë këtë zinxhir është që qytetarët të vetëizolohen dhe të shmangin sa më shumë kontaktet.
Ministria e Shëndetëisë dhe Mbrojtjes Sociale I drejtohet edhe një herë me një lutje qytetarëve: Mos shkoni menjëherë në spital! Ministria ka vënë në dispozicion një linjë të gjelbër FALAS 0800 40 40 për çdo qytetar që kërkon informacon apo këshilla në lidhje me COVID-19. Kjo linjë do të shërbejë edhe për pacientët kronikë që të marrin informacion se si të lidhen me mjekun e familjes, se si mund të përfitojnë barnat me rimbursim dhe për cdo shqetësim tjetër që ata kanë.
Por është e rëndësishme të sqarohet se: Nëse qytetarët kanë shenja të sëmundjes dhe për rastet e urgjencave duhet të telefonohet numri unik i urgjencës kombëtare 127! Edhe një herë përsërisim apelin për qytetarët për të respektuar masat e distancimit social, të qëndrojnë në shtëpi, të ndihmojnë veten e tyre dhe të afërmit e tyre që të mos preken nga COVID-19 dhe të ndihmojnë stafet mjekësor për të përballuar këtë situatë”, njofton Ministria e Shëndetësisë. (TemA)
2 komente në “6 raste të reja me COVID-19: Shkon në 76 numri i të prekurve me koronavirus në Shqipëri”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Pra shtimi I numrit të infektuarve dje ishte +11, sot u ul në +6.
Pra:
Pothuaj u ul 2 herë.
Shkëlqyeshëm!
Masat po funksionojnë!
Me keqardhje them se ne Fier (banoj vet) nr i te prekurve do te rritet.
Kjo pasi keta i perkasin javes qe shkoi ku deri diku funksionuan masat e marra.
Kete jave duke filluar nga rregulli i orarit te qarkullimit 06 – 10 dhe 16 – 18, ne rruget e qytetit, neper posta, banka, dyqane, rrugica kisha aq shume nejrez aq sa nuk i kisha ne dite normale.
Jo vetem kaq, por edhe masat, apo rregullat me minimale, shume pak pashe t’i respektonin (dje te premten kam filmuar te gjitha keto).
Sot e njejta gje, ora 09:30 – 09:45 rruga veri – jug qe te çon te Zogu i Zi,( edhe sot filmova) si kurre me pare. Djem te rinj, pa kurrefare pergjegjshmerie, qe peshtynin ne rruge, apo nje pensionist qe peshtyu aty ku mbante radhe. Askush nuk respketonte distancen ne radhe, grupe njerezish bashke. O Zot çfare po ndodh.
Mbani mend keto data 20 – 21 plus 4, 5, 6 dite inkubacion, nga data 24, 25, 26, 27 mars nr ne Fier do ti kaloj mbi 50 te infektuar dhe situata mund te na dale nga kontrolli..
Keshtu nuk e duam Shqiperine. Keshtu nuk e duam njeri-tjetrin. Keshtu nuk e duam jeten.
Uroj te mos me dalin keto parashikime