Trokitje në çdo derë: Prifti argjentinas mbush boshllëkun e shtetit për banorët e izoluar në Lezhë

Në gjurmët e traditës së misionarëve katolikë, At Serxhio po ndihmon me ushqime familjet e varfra dhe të izoluara nga epidemia e koronavirusit në njësinë Ungrej në Lezhë –një zonë e varfër që sipas banorëve është e braktisur nga shteti.

Nga Elvis Hila

Njësia administrative e Ungrejt në veri të Bashkisë së Lezhës u mbulua nga dëbora në fillim të prillit, por moti i keq nuk e pengoi At Serxhon që të ngjitet në mal dhe të trokasë në dyert e njerëzve në nevojë, të izoluar prej javësh nga kriza e koronavirusit në Shqipëri.

Në gjurmët e traditës së misionarëve katolikë, prifti argjentinas shërben prej vitesh në famullinë e Kalivaçit. Por gjatë javëve të izolimit nga COVID-19, At Serxhio po përpiqet të shpërndajë jo vetëm ushqim shpirtëror, por edhe ndihma për banorët e varfër.

“Kjo periudhë izolimi e ka vështirësuar më shumë jetesën e shumë familjeve në zonën e Ungrejt, për shkak se janë në kushte të vështira ekonomike dhe kanë mungesë të ardhurash. Unë i kontaktoj në vazhdimësi për t’i pyetur për problemet që kanë. Kam mundur të siguroj ndihma për shumë familje nëpërmjet Caritasit përgjatë kësaj periudhe dhe po ua dërgoj familjeve në nevojë,” thotë At Serxhio.

Njësia administrative e Ungrejt numëron rreth 1 mijë banorë të shpërndarë nëpër fshatra në një zonë të thellë malore. Shumica e banorëve përpiqen ta sigurojnë jetesën nëpërmjet bujqësisë dhe blegtorisë, por kriza e koronavirusit e ka vështirësuar gjendjen e tyre.

Përgjatë javëve të fundit, Bashkia e Lezhës ka shpërndarë paketa ushqimore për rreth 150 familje të kësaj zone, por nevojat konsiderohen shumë herë më të mëdha. At Serxhio po përpiqet ta mbushë këtë boshllëk falë bashkëpunimit me disa shoqata bamirësie me në krye Caritas-in.

Ndue Paluca, kryeplak i fshatit Kashnjet në njësinë administrative Ungrej lavdëron përpjekjet maksimale të At Serxhios, ndërsa shton se konsultohet me të për çdo problem të fshatit.“U bënë vite që unë jam në atë zonë dhe trokas në çdo derë. Më duket vetja sikur të jem në vendlindjen time. Këtu është një komunitet i varfër, por shumë dashamirës dhe bujar. Ndjehem shumë mirë këtu dhe me besimin në Zot shpresojmë t’i kalojmë sa më shpejt këto ditë të vështira të krijuara nga koronavirusi,” thotë At Serxhio, ndërsa shton se do të vazhdojë të kontribuojë sa të mundet.

“Është një njeri i mrekullueshëm që po bën shumë për zonën time. Çdo problem që ia kam  prezantuar ka bërë të pamundurën, për t’i dhënë zgjidhje edhe jashtë mundësive të tij. Zona këtu është e varfër dhe në këto ditë izolimi, kërkesat e banorëve për ndihmë janë të shumta. At Serxhio po bën të pamundurën për të ndihmuar çdo familje në vështirësi me qëllim që t’i kalojnë sa më lehtë këto ditë të vështira në izolim,” thotë kryeplaku Paluca.

Apeli i tij në këto kohë të vështira shkon në adresën e institucioneve shtetërore.

“Shpresoj që edhe shteti t’i kthejë sytë nga kjo zonë e braktisur,” shton Paluca.

Banorët e njësisë administrative me të cilët BIRN arriti të bisedonte përmes telefonit thanë se prifti u ka qëndruar pranë për çdo nevojë të tyre.

“Po bëhet një muaj që nuk kemi lëvizur nga shtëpia. Të them të drejtën, prifti ka qëndruar shumë afër, na ka sjellë në vazhdimësi ushqime për t’i kaluar këto kohë të vështira,” thotë një i moshuar që jeton vetëm me bashkëshorten.

“Po na gjendet afër sikur të jetë një njeri i joni. Ky fakt na gëzon shumë, sepse nuk jemi të braktisur,” përfundon ai.

Rëndohet gjendja e deputetit të infektuar, Alimadhi trajtohet me oksigjen me maskë

16:06 Sociale

Kartat e skaduara, Rama publikon letrën drejtuar bankave, thirrje qytetarëve: Ja çfarë duhet të bëni

14:27 Sociale

Pas Kombinatin, Bashkia e Tiranës vendos kabina dezinfektimi edhe në tregjet e tjera publike

13:55 Sociale

REPORTAZHI: Lagja e të pasurve pranë Tiranës, që ka lënë pa punë gratë e fshatit

13:06 Sociale

Pas deputetëve e qeverisë, dhe prokurorët pritet të japin gjysmën e pagës si kontribut ndaj Covid-19. Thirrja

13:03 Sociale

Francezët kanë filluar të prodhojnë maska që mund të vishen 100 herë

12:28 Sociale

SHIFRAT: Ushqimet kanë rritur inflacionin e marsit për shkak të koronavirusit

12:25 Sociale

Sherri Itali-Holandë, s’ka marrëveshje në BE për planin e shpëtimit nga koronavirusi

11:59 Sociale

Fantazi në kohë karantine: Kartmonedhat shqiptare me portretet e Piperos, Kalos dhe Bozos

11:53 Sociale

Shkon në 400 numri i të prekurve me koronavirus në vend, 17 raste të reja! Ja harta e përhapjes

11:40 Sociale