U kthye nga misioni në spitalin e Breshias, rrëfehet mjekja: Kur shkova në fillim, gati 10% e stafit ishin të infektuar. Bëja çdo 5 minuta nga një tampon

Alma Bashvogli Zela është një prej mjekeve, pjesë e ekipit të parë shqiptar të mjekëve dhe infermiereve në ndihmë të spitalit të Breshias në Itali.

Në një intervistë për Agjencinë Telegrafike Shqiptare, mjekja tregon përvojën e saj në këtë mision humanitar.

“Që në fillim në spitalin e Breshias më atashuan pranë mjekësisë preventive ose siç quhet ndryshe mjekësia parandaluese. Në pjesën e parë të ditës kryeja tamponimet, pra testet nëse je pozitiv ndaj COVID. Pothuajse çdo 5 minuta realizoja nga një tamponim.

Në javët e para kishte shumë fluks, ndërsa në javët e fundit nisi të binte fluksi. Në pjesën e dytë të ditës, spitali civil i Breshias kishte ngritur një sistem ku i gjithë personeli mjekësor i bëhej monitorimi i gjendjes klinike për 14 ditë, ku jepeshin gjeneralitet dhe shënoheshin simptomat e tyre.

Në varësi të simptomave, si një grup mjekësh që ishim vendosnim nëse këtyre do t’i kryhej apo jo testi i tamponimit. Kur shkova në fillim, gati 10% e stafit ishin të infektuar me COVID”, tregon ajo.

Mjekja tregon se për një muaj, bashkëpunimi me ekipin italian ka qenë i shkëlqyer.

“Më duhet të them që bashkëpunimi ka qënë i shkëlqyer që në ditët e para në Spitalin e Breshias. Na mirëpritën drejtuesit më të lartë të këtij institucioni duke filluar nga Drejtori i Përgjithshëm i spitalit bashkë me shefat e pavioneve të ndryshme.

Pasi studiuan CV e secilit, na  bënë një ndarje duke parë duke iu referuar edhe eksperiencës sonë. Ne punuam krah më krah me stafin italian dhe nuk na bënë të ndjeheshim si të huaj madje gjatë gjithë kohës na falenderonin për faktin që po shërbenim në Itali”, tregon Alma.

Sipas Almës, shërbimi në spitalin e Breshias e bëri të kuptojë diçka shumë të rëndësishme.

“Shërbimi në Lombardi, në rajonin më të nxehtë të COVID në Itali, na bëri të kuptojmë që kur kontribuon sado pak por me zemër, ajo të kthehet shumëfish.

Ne dhamë atë që dinim të bënim më mirë por nga italianët morëm kulturën e jashtëzakonshme mjekësore që kanë ndërtuar ndër vite. Nëse do më kërkonin të rishkoja në Itali, do ta bëja pas asnjë ngurrim nëse do të ishte e nevojshme por të gjithë duam që Italia të mos gjendet kurrë më kurrë përballë një situate të tillë”, u shpreh ajo.

Sipas saj, ekipi i mjekëve dhe infermierëve bëri detyrën që i takonte, sikurse do ta kishin bërë edhe në Shqipëri. “Nuk ndihem aspak heroinë. Bëmë të njëjtën gjë që bëjnë mjekët dhe infermierët shqiptarë në Shqipëri.

Isha pjesë e një misioni dhe më takonte si mjeke në radhë të parë dhe si qytetare e botës. Mendoj se humanizmi nuk njeh komb dhe limitet e mjekësisë nuk mund të ndalen në kufinj gjeografikë të përcaktuar”, përfundoi Alma.

Nga hapja e taksive, tek lokalet: Tri javët që rikthejnë normalitetin në Shqipëri

08:59 Sociale

“Nuk janë manipuluar shifrat”, Tritan Kalo: Tek ne ka ndodhur një raport që nuk e ka bota

22:11 Sociale

Tërmeti/ Veliaj jep lajmin e mirë: Gara për 870 shtëpitë e reja hapet javën tjetër, ja ku do jenë lagjet që do krijohen

22:02 Sociale

Masat e reja lehtësuese, kryeministri Rama tregon kur do të hapen berberanat dhe lokalet

20:55 Sociale

A është e përshtatshme për Shqipërinë ndjekja e modelit italian edhe për hapjen?

20:47 Sociale

COVID-19 në Shqipëri ka hyrë në janar? Mjekët e QSUT publikojnë imazhe të pranisë së virusit

19:46 Sociale

Lëkundje tërmeti në Dibër, shkakton panik te banorët

19:04 Sociale

"Shqipëria, Ukraina, Bullgaria dhe Sllovakia - vendet me numrin më të ulët të të sëmurëve për frymë të popullsisë në Europë"

17:55 Sociale

Taulant Muka ndjehet i pa vlerësuar, jep lajmin e "hidhur" për shqiptarët: Vendosa të largohem e mos shprehem për çfarë po ndodh në Shqipëri, ka veç padituri, paaftesi, korrupsion dhe hikokrizi

17:44 Sociale 1 koment

Katër punonjës të infektuar, ministria e konfirmon: Mbyllet fasoneria në Tiranë

14:25 Sociale