Në 2 vite si ministër i Jashtëm, Pacolli harxhoi 750 mijë € me bileta avioni

Behgjet Pacollin mund ta keni dëgjuar shumë herë tek thoshte se nuk e shpenzon asnjë lekë të buxhetit të shtetit, gjatë ushtrimit të detyrës zyrtare, dhe se vizitat jashtë i bën me aeroplanin e tij privat. Por të kundërtën tregojnë paqyrat e shpenzimeve.

Brenda një periudhe 2 vjeçare, për sa ushtroi funksionin e ministrit të Punëve të Jashtme, ai dhe stafi politik i Ministrisë i kanë harxhuar 775 mijë euro vetëm në bileta avioni.

Vetëm Pacolli ka harxhuar 100, 863.37 euro vetëm gjatë vizitave jashtë vendit dhe për telefonata, pa përfshirë këtu edhe shpenzimet për bileta avioni, shkruan gazeta e Kosovës KOHA.

Pjesën më të madhe të kësaj shume e ka lënë në hotele. Bazuar në pasqyrën e shpenzimeve që Ministria ia përcjellë pëër gazetën javën e shkuar, figurojnë 76,968.85 euro si shpenzime të kartelës në kategorinë “akomodimi gjatë udhëtimit jashtë vendit”. Shpenzime akomodimi i janë përshkruar edhe në një kategori tjetër – të tilla janë 3,413.52 euro.

Krahas këtyre, figurojnë edhe 11,576.08 euro shpenzime të kartelës për ushqim gjatë vizitave jashtë.

Ndërkaq, shpenzime të cilësuara “ të tjera” të kartelës gjatë këtyre udhëtimeve përbëjne 5,828.92 euro. Natyra e këtyre shpenzimeve nuk i është saktësuar gazetës.

Pacollit i janë përshkruar edhe 3,076.00 euro shpenzime telefoni.

Nuk janë ofruar të dhëna që dëshmojnë shumën e shpenzimeve të tij për bilet avioni, karburante, për përfaqësime dreka në Kosovë, e edhe për pagë e mëditje.

Megjithë këtë, disa të dhëna tregojnë se Pacolli dhe stafi politik mbështetës, për dy vjet kanë harxhuar për bileta avioni hiç më pak se 775,531.43 euro. Krahas kësaj, në perfaqësime e dreka zyrtare i kanë çuar 127,022.13 euro, dhe krahas këtyre harxhimeve në tryezë, figurojnë edhe 61,848.60 euro për akomodim e pritje delegacionesh.

Kësisoj, shpenzimet në komulativ të këtij stafi për vetëm këto tri kategori, e që nuk u janë përshkruar si shpenzime veç e veç, gati kanë prekur njëmilionëshin – 964,402.16 euro.

Përkundër këtyre shumave që figurojnë në dokumentin që Ministria ia ka vënë gazetës në dispozicion, Pacolli ka insistuar se pothuajse 98 për qind të udhëtimeve zyrtare i ka realizuar me aeroplanin e tij. Ka thënë se me paratë e tij janë paguar edhe hotelet, edhe për stafin që e ka shoqëruar.

Po kështu, se me të kanë udhëtuar falas, gjithmonë, edhe pasagjerë të tjerë të Ministrisë që kanë ushtruar detyrat e tyre, dhe se një pjesë të madhe të bujtjeve nëpër hotele i ka paguar nga xhepi i vet, pa kërkuar kompensim.

Kundër të gjitha gjasave, pandemia COVID-19 çimentoi lidhjet e BE-së me Ballkanin Perëndimor

14:33 Rajoni

SKANDALI: Albin Kurti emëron këshilltar të tij, simpatizantin e Ratko Mlladiç

10:41 Rajoni

Albin Kurti nuk e përjashton sërish koalicionin me LDK: Nuk ja kam vendosur akoma vijën e kuqe

09:58 Rajoni

Festë birre pas karantinës, sheshi kthehet në "arenë lufte" mes të rinjve dhe policisë

09:07 Rajoni

Kriza politike në Kosovë Kurti: Zgjidhja janë zgjedhjet, Vetvendosjes i është dyfishuar mbështetja në popull

22:47 Rajoni

Marrëdhëniet Kosovë – Shqipëri, Kurti: Kam hedhur idenë e një takimi me Metën, Ramën dhe Ruçin por s'kam marrë përgjigje

22:17 Rajoni

Komisioni i Venecias "rrëzon" Albin Kurtin, përgjigje të prerë pas kërkesës: Ne respektojmë vendimmarrjen e institucioneve të Kosovës

17:53 Rajoni

Borrell nuk është kundër ndryshimit të kufijve të Kosovës

16:51 Rajoni

Samit BE-Ballkani Perëndimor për perspektivën europiane dhe luftën kundër COVID-19

15:56 Rajoni

Vera po afron, Greqia përgatitet për turistët

13:20 Rajoni