Prestigjiozja amerikane: Flamingot po dynden drejt lagunës shqiptare

Rregullat e mbylljes në shtëpi kanë mërzitur disa njerëz në Shqipëri, por, me krahët e tyre ”të prerë” për shkak të pandemisë së koronavirusit, ata kanë lejuar që flamingot dhe zogjtë e tjerë të lulëzojnë në një lagunë bregdetare pranë detit Adriatik, shkruan gazeta prestigjioze amerikane ”The Washington Post”.

Zyrtarët lokalë dhe banorët thonë se popullsia e flamingove ka arritur deri në rreth 3 000 në Lagunën e Nartës, një habitat i rëndësishëm i shpendëve ujorë, që u kthyen në vitet e fundit pas një mungese të gjatë.

Vëzhguesit e zogjve gjithashtu kanë vërejtur më shumë pelikanë, çafka dhe specie të tjera këtë pranverë në lagunën 28 ​​kilometra katrore, që ndodhet 145 kilometra në jug të Tiranës.

“A nuk është e bukur të shohësh flamingo të patrembur përreth?”, pyet Dhimitër Konomi, pjesë e një grupi lokal që administron peshkimin tregtar në Lagunën e Nartës, ndërsa zogjtë e mëdhenj me qafë të gjatë qëndrojnë në ujërat e cekëta.

”Ndalimi i funksionimit të një kriporeje dhe ulja e aktivitetit njerëzor të të gjitha llojeve gjatë pandemisë shpjegon pse zogjtë po grumbullohen në lagunë”, thotë Nexhip Hysolokaj, një ekspert rajonal i biodiversitetit.

”Flamingot janë një specie shumë delikate dhe mospasja përreth automjete ose vizitorë u përshtatet atyre”, shton ai.

“Ata kanë gjetur ushqim dhe qetësi dhe kjo ka të ngjarë t’i ndihmojë ata të shumohen”, tha Hysolokaj.

Studiuesit planifikojnë të studiojnë flamingot për të parë nëse qetësia e krijuar nga koronavirusi është e favorshme për shndërrimin e lagunës në një vend ku mund të bëjnë fole dhe të shumohen.

Konomi thotë se një lagune e mbushur me jetë është një thesar që mund të nxisë turizmin.

Por, Hysolokaj është më pak i prirur të tërheqë turistët konvencionale në lagunën që është pjesë e një peizazhi të mbrojtur me dunat rëre, ligatina, ishuj dhe plazhe që mbështesin faunën e larmishme si dhe zogjtë.

Ai e përshkruan atë si “mushkëritë” e Vlorës, qyteti më i afërt.

“Duhet të ketë një turizëm të qëndrueshëm, por alternativ. Natyrisht le të vijnë kampistë, t’i përdorim plazhet, të përdorin biçikletat apo udhëtimet edukative sepse Vlora është shumë afër”, shton ai.

Aktori i PD, Neritan Liçaj: Teatri nuk preket, kemi Metën. Rama ja ngeci Veliajt përgjegjësinë ligjore

14:26 Sociale

Ulje çmimesh, plazhe falas dhe siguri për turistët/ Paketa e veçantë turistike e Sarandës, qytetit të “40 shenjtorëve”

13:17 Sociale

Si në filma: ‘Mostrat nga Marsi do të karantinohen’, frika e shkencëtarëve për viruset jashtëtokësorë

12:30 Sociale

REPORTAZHI: Nga ‘peshku komunist’ tek John Lennon; skulpturat e parkut në Durrës kyçen në magazinë

12:15 Sociale

Harta e shpërndarjes së virusit: 12 raste me Covid-19 në 24 orë

11:07 Sociale

REPORTAZHI: Mungesa e turistëve dhe mbyllja e tregjeve frenon aktivitetin e artizanëve në Berat

10:27 Sociale

Spanja në betejën ndaj COVID-19 dhe shqiptarët në shtetin iberik

09:28 Sociale

Jo më shumë se 120 të ftuar, mjek dhe polic në gadishmëri: Si do zhvillohen dasmat pas 23 qershorit?

09:18 Sociale

Me nga një kujtim në duar, kthehen në Shqipëri 60 infermierët që ndihmuan kolegët në Itali. Mesazhi që shkruhej në flamur

22:12 Sociale

“Ne do ta fitojmë betejën”, Tritan Kalo reagon ndaj akuzave: Ja provat që COVID-19 s’ka qarkulluar deri në shkurt

22:02 Sociale