Me maska dhe të veshur si policë bllokuan djemtë e biznesmenit! Kamerat kapën 4 autorët në Kurbin! Banakieri: Bujar Likën e thirrën në emër dhe e vranë

Report TV zbardh detaje të reja nga atentati mbrëmjen e së shtunës brenda lokalit në Kurbin, ku Paulin Gjergji alias Markaj dhe Bujar Hasani alias Lika, u ekzekutuan me 5 plumba. Kamerat e sigurisë të biznesit ku ndodhi ngjarja kanë filmuar gjithçka, ndërkohë në pamjet filmike tregohet se autorët kanë qenë katër, të maskuar dhe të veshur si policë. Autorët kanë qenë me një makinë tip ‘Golf 5’ dhe i kanë ndjekur me kujdes të gjitha lëvizjet.

Në momentin që Paulin Markaj zbriti nga makina dhe u drejtua për te tavolina që ishte ulur miku i tij, Bujar Lika janë vendosur në lëvizje autorët. Dy nga autorët kanë hyrë brenda në lokal dhe dy të tjerët kanë shkuar te makina ku ndodheshin dy djemtë e biznesmenit Markaj për ti neutralizuar duke u thënë ‘mos lëvizni se jemi policia’ dhe duke i kontrolluar nëse kanë armë, pasi i frikësosheshin reagimit.

Fillimisht autorët qëlluan në drejtim të Likës dhe më pas në ikje e sipër plagosën Markajn, që vdiq në spital. Në momentin që dëgjuan të shtënat, djemtë e Markajt kuptuan gjithcka dhe iu lutën ‘aman mos na vrisni edhe ne’. Autorët janë larguar me shpejtësi më pas duke marrë edhe Kreshnik Tushen që u plagos në këmbë nga Lika.

Policia ka marrë dëshminë banakierit te lokalit që ka parë gjithcka. Ai ka deklaruar para grupit hetimor se dy personat që kanë hyrë brenda ishin të veshur si policë të FNSH-së dhe kanë shkuar direkt te tavolina ku ishte ulur Bujar Lika duke i thirrur në emër dhe e qëlluan më pas. Fillimisht Bujar Lika reagoi duke plagosur njërin nga autorët me pistoletën që kishte, por pas të shtënave të autorëve humbi jetën në vend nga dy plumbat që mori në kokë.

Nisur nga skema dhe organizimi ka dyshime të forta se ky atentat ka qenë i planifikuar dhe paguar nga persona të tjerë, që kanë konflikte me Bujar Hasanin dhe Paulin Gjergjin. I plagosur nga tre të shtënat e Likës mbeti Kreshnik Tusha. Tre të tjerët që ishin në skuadër nuk e braktisën, por e morën në makinë me shpejtësi duke e dërguar në shtëpi.

Pasi ka hequr rrobat e policisë që kishte veshur dhe maskën ai është dërguar nga familja në spitalin e Kurbinit duke pohuar se është vetëplagosur aksidentalisht në shtëpi, por pretendimi nuk është marrë për bazë nga organet. Pritet që në ditët në vijim Kreshnik Tusha person i papunë nga Laçi, të merret në pyetje dhe t’i caktohet masa e sigurisë nga gjykata e Kurbinit.

Por kush ishte objektivi? Policia dhe prokuroria e Laçit nuk kanë një version zyrtar se kush ishte shënjestra e këtij sulmi me armë, që përfundoi me dy të vrarë, Bujar Lika apo Paulin Gjergji alias Markaj, pronar i disa bizneseve në Shqipëri, kompanisë “Antoni New-York”, kompania e kazinove “Intertronic” (Vegasi në Bllok), kompania e tregtimit të gazit në Shqipëri “Petro Gaz Albania-n” dhe ish-Bar Restorant “Nicolini” në afërsi të ish-hotel “Dajtit që nuk mundi t’i mbijetojë kësaj ngjarje duke ndërruar jetë në spitalin e Traumës.

Por nisur nga dëshmia e banakierit, se autorët e thirrën në emër Bujar Likën, shënjestra ka qenë ai, ndërsa në largim e sipër qëlluan edhe Markajn që vdiq në spital. Bujar Hasani (Lika) njihej si miku i Ervis Martinit, person me precedent penal. Në ngjarjen ku mbeti i vrarë Enton Nikaj në zonën e Dajtit në Tiranë, Bujar Hasani, u deklarua i pafajshëm nga gjykata e Apelit Tiranë. Bujar Lika kishte në pronësi lokalin “Dea Cafe” në ish-Bllok. Një nga pistat dyshohet se është pazaret e drogës dhe pronat në Tiranë.(Report TV)

Dosjet e minorenëve: Fëmijët që po rriten, jo vetëm hajdutë, por edhe gjobëvënës, shantazhues…

18:06 Kronika

SPAK: Zbardhen emrat e prokurorëve që drejtojnë hetimet për krimin e organizuar dhe korrupsionin

14:19 Kronika

Vëllai i 15-vjeçares zbulon të tjera detaje të rënda: E dinte e gjithë zona dhe nuk fliste askush, video më erdhi dhe mua. E kanë abuzuar në grup, e merrnin me makinë nga shkolla

13:10 Kronika

Flet babai i 15-vjeçares që u abuzua nga roja 65-vjeçar i shkollës: I kishte bërë video dhe e tregonte në lagje, ka 6 muaj që e di historinë

11:57 Kronika

OFL vë në shenjestër 3 “të fortë” në Berat dhe 1 në Poliçan: Deklaroni pasurinë brenda 48 orëve

11:34 Kronika

Flet djali i rojes së shkollës që abuzoi seksualisht me 15-vjeçaren: Babai është fajtor, jam konfrontuar fizikisht me të, e kam denoncuar edhe më herët. Të dënohet

10:11 Kronika

Flamur Noka: Policia e Shtetit e ka të përcaktuar sa vrasje raporton në vit, jo më shumë se 55

22:30 Kronika

Abuzoi seksualisht me të miturën, fqinjët e 65-vjeçarit nga Tirana: Monstër, atë punë ka bërë gjithë jetën

22:10 Kronika

Himarë, gjendet i vrarë 65-vjeçari që punonte si roje

19:22 Kronika

DETAJET/ Pranga 28-vjeçarit në Durrës: Në makinë me armë zjarri dhe lëndë narkotike

15:54 Kronika