VETËVRASJA/ Bjondja Venus e Mbretit Zog: Fundi tragjik i një dashurie dhe tradhëtie

Ndër historitë e bujshme të dashurisë së mbretit Zog përmendet në fillim vitet ’30 edhe lidhja e tij me baroneshën Dorotea de Ropp, një bjondje me bukuri rrezatuese, të cilën e pati njohur në Vjenë dhe në një aventurë ekstreme ajo pati lënë familjen dhe fëmijët dhe kishte rendur pas mbretit në Tiranë. Por kjo dashuri idilike mes tyre do të venitej shpejt dhe baronesha do të kishte një fund tragjik.

Siç dëshmojnë artikujt në mediat perëndimore, gjatë qëndrimit të saj në Tiranë baronesha që e thërrisnin Bjondja Venus, kishte rënë në dashuri me një prej diplomatëve të mbretit Zog, ambasadorin në Athinë Qemal Mesare. Për të qenë pranë tij ajo shkon fshehurazi në Athinë, por nuk mbërrijnë ta gëzojnë gjatë dashurinë e tyre, pasi Mbreti Zog e mëson këtë fakt dhe hakmerret ndaj tyre, duke mos i lejuar që të martohen kurrë bashkë. Për këtë shkak ajo detyrohet të kryejë vetvrasje.

Lajmi i bujshëm mbush faqet e gazetave dhe Tirana zyrtare ishte shqetësuar shumë.

Në një dosje arkivore në Arkivin e Shtetit ku ruhen disa artikuj të përkthyer nga shtypi i huaj që flisnin për mbretin Zog, ruhet edhe ky përkthim i artikullit të Daily Expres, datë 19 maj 1934. Aty mësohet në detaje e gjithë historia e dashurisë dhe e vetvrasjes së baroneshës de Ropp.

Daily Expres 19/V/34

“Bionda Venus” mbyt vedin për hatër të burrit qi ajo dashunote.

Korispondenti i Daily Expres – Athinë, të Prendem: Nji tragedi ka kput romanxin e të bukurës baroneshë Dorotea Von Ropp, e njoftun me emnin “Bionda Venus”.

Ajo nzente nji dashuni mbreti e, per mos me damtue karjerën e burrit qi ajo dashunonte, njenin nder ministra po t’atij mbret; ja futi vedit nji kokerr revolveri në trû.

Kje gjetë dekun pardje më nji vend vetmije në breg o gji Phaleron, jo fort larg nga Athina. Mbejti ishte poshtë per nji shkamb, me frytë prej deti.

Në petkat e saja kje gjetë nji leter lakmije maraku Qemal Beg Masares, Ministrit Shqiptar t’Athinës.

Çmendurnue nga dashunija. Baronesha von Ropp, nji letoneshë 25 vjeçare kje njoftë me mbretin Zog të Shqipnis, kur ky kje në Vjenë. Para nji vjeti ajo la burrin e dy fmit e vet e ndoq mbretin në Tiranë kryeqytet të Shqipnis.

Mbreti u ba si i çmendun nga dashunija. Aj i caktoj nji vil vetem për të nder rrethe të pallatit mbretnuer.

Aty ajo ndeshi të kandshmin të nierzishmin Kemal Bey, nji mareshall të oborrit mbretnuer. Ajo e buer krejt zemren e vet mbas tij.

Mbreti Zog i ra n’erë të romanxit. U tërbue, e urdhnoj qi rivali i tij të hidhej jashta Tirane. Kemal Bey kje shenjue ministër n’Athinë.

Nji ditë baronesha, permallue per Kemal Ben, xuer leje prej mbretit me bâ nji sheti në Qerfoz. Ajo nuk kthej mâ. Perkundra ajo shkoj n’Athinë, vetëm për me ndej afër Qemal Beut, muer punë stenografiste e nepte msime gjermanishte. Kur mbreti ndjeu ku ajo u gjindte, duel menç prej idhnimit.

Me i dalë para (me pengue) martesën e tyne, me shpejtsi të madhe çpalli nji dekret me të cilin ndalon martesat me vajza të hueja për npunsat a zyrtarë të Shqipnis.

Baronesha prej frigës se po i prishë karjerën e të dashtunit të vet, dau me e mbytë vedin.(Tesheshi)

Skema opozitare për të gjobitur bizneset e mëdha: Basha hedh në sulm ish deputetin Luçiano Boçi

16:45 Politika

Rama “mbron” Bashën: S'jam dakord me ata që thonë se marrëveshja e re ishte një humbje për të. Pas djegies së kohës, mandateve dhe bashkive është një rikthim në realitet për LB

15:56 Politika

Epstein-ët e ndyrë të Amerikës

15:22 Politika

Ish deputeti: Me qeveri kalimtare apo pa qeveri kalimtare PD do t’i fitojë bindshëm zgjedhjet e ardhshme

14:48 Politika

“Kokëçarjet” e ndërkombëtarëve nuk janë mbyllur, tani duhet të bindin opozitën parlamentare

14:36 Politika

Deputetja Gjylameti: Marrëveshja e djeshme tregoi se PD nuk ka patur problem real administrimin zgjedhor. Përkushtimi ynë është integrimi i vendit

14:16 Politika

VIDEO/ "Ishallah dal bukur, vetëm kaptinën më ke nxjerrë", Basha qytetares: Je shumë fotozhenike

12:47 Politika

“Anti-mafia italiane zbuloi skemën e turpshme”, Balla: Basha t’i kërkojë falje shqiptarëve që u bë tyta e një “Fake News”-i për konteinerët nga Italia

12:29 Politika

Opozita parlamentare, kundër marrëveshjes: I thamë ambasadores Kim se nuk votojmë për pazare, kemi 39 vota

11:49 Politika

Mediat e huaja, jehonë pozitive ligjit për kriptomonedhat: Eshtë më i kompletuari në Europë; Shqipëria, epiqendra e re Europiane e teknologjisë ‘blockchain’

11:45 Politika