Shoqërohet forcërisht “ndërmjetësi”: Nikollë Shullani refuzon të japë shpjegime para drejtësisë

Një ditë më parë, është shoqëruar forcërisht nga policia, Nikollë Shullani, babai i Gëzim Shullanit, një ndër personat e etiketuar nga blutë dhe nga prokuroria, si pjesëmarrës në grabitjen e 260 kg kokainë, në bashkëpunim me Astrit Prengën, vëllain e e Jan Prengës, i cili u rrëmbye me më 17 janar 2020, ndëra ndërroi jetë rrugës për në Pjezë të Durrësit, për shkak të plagëve të marra nga autorët.

Burime pranë Prokurorisë së Posaçme Kundër Krimit të Organizuar dhe Korrupsionit, pohojnë se, Nikollë Shullani ishte thirrur disa herë për të dhënë dëshminë e tij para prokurorit të çështjes dhe pasi nuk është paraqitur ky institucion ka ngarkuar Drejtorinë e Policisë Tiranë për të mundësuar shoqërimin e tij. Ai nuk ka pranuar të japë asnjë shpjegim, por është mjaftuar me atë që ka thënë që më herët.

Më 13 shkurt 2020, thuajse një muaj pas ngjarjes, Shullani doli në media dhe mohoi akuzat e ngritura për djalin e tij, Gëzim Shullani.

Ai mohoi kategorikisht që i biri të kishte të bënte me grabitjen e lëndës narkotike. Madje, ai ishte edhe negociatori mes familjeve Doçi e Gështenja, për t’i bindur ata që të kthejnë trupin e Jan Prengës, por jo vetëm që nuk mundi të takonte askënd, por ishte shumë vonë pasi trupi i tij ishte zhdukur. Jan Prenga u rrëmbye në mes të ditës në rrugën London në Kamëz.

Në rrëmbimin e tij morën pjesë disa persona, ndërsa si vend për dërgimin e trupit u zgjodh kompleksi Golden në Pjezë, në pronësi të vëllezërve Hajri. Për ngjarjen janë arrestuar disa persona, ndërsa është shpallur në kërkim Altin Hajri.

Dyshohet që rrëmbimi të jetë porositur nga një shqiptar ë dënimin e tij e vuan në burgun e Ekuadorit. Arsyeja ka qenë një sasi droge e padërguar në destinacion nga vëllai i Jan Prengës, Astrit Prenga.

Shullani: S’më mori kush me forcë, u pyeta për një orë dhe dola piva kafe me hetuesin

Nikollë Shullani, babai i Gëzim Shullanit, një ndër personat e etiketuar nga blutë dhe nga prokuroria, si pjesëmarrës në grabitjen e 260 kg kokainë, në bashkëpunim me Astrit Prengën, vëllain e e Jan Prengës, ka treguar përpara mediave se për çfarë u pyet në Prokurori.

Përpara mediave, Shullani tha se nëse do ta dinte ku ishte kufoma e Jan Prengës, do t’ja tregonte familjes dhe se s’do ta mbante të fshehtë.

Shullani tha se nuk është marrë aspak me forcë dhe se madje ka pirë kafe me hetuesin, teksa shtoi se situata duket e acaruar, pasi familjes Prenga i kanë vrarë një vëlla:

“Kam ardhur vetë me dëshirë, nuk jam shoqëruar me forcë. Në dëshmi më është kërkuar që të shpjegoj për familjen që kam shkuar të nxjerr oengun. 

Nuk më është kërkuar të vij më. Hetuesja më tha që e kreva me këtë. Më pyetën se ku kam qenë, me kë kam qenë dhe kaq sa kam shpjeguar.

Nuk kam më tepër informacion se ç’kam deklaruar në media. Më tha hetuesi që a di gjë se ty të besojnë njerëzit, a di gjë se ku ëeshtë kufoma.

Po ta dija ku është kufoma, të merrja ty tani e të çoja. Ku di gjë unë ku është kufoma. Unë s’kam kontaktuat fare me familjen Prenga. Ata janë në Angli dhe vazhdojnë me punët e tyre. 

Askush nuk i ka shqetësuar në Britaninë e Madhe. Jam i gatshëm të vij sa herë të duhem. Qëndrova nja një orë në hetuesi dhe më pas dolëm pimë kafe bashkë me hetuesin. 

Më thanë që ty të besojmë njerëzit dhe duhet të na tregosh. I thashë, më vjen keq për këtë që po dëgjoj, por nuk di gjë sepse do ua kisha çuar familjes. 

Jam përpjekur të pajtoj gjaqet por s’ka pasur rezultat. Gjendja është e acaruar, sepse u kanë mbytur vëllanë”.

SPAK kundërshton në Gjykatë të Lartë rikthimin e Luan Dacit në detyrë

19:26 Kronika

Gjyqtarja Bernina Kondi shkarkohet nga detyra, digjet prej dy apartamenteve të pajustifikuar

19:18 Kronika

Gjyqtari Petrit Aliaj shkarkohet nga detyra

18:52 Kronika

Raporti i SHISH: Gjyqtarë e prokurorë ndikojnë në vetting, shërbimet e huaja veprojnë nëpërmjet lajmeve të rreme

17:45 Kronika

23-vjeçarja tregon si e zbuloi të vërtetën tronditëse në familjen e ish burrit: Mbuloheshin ende me jorganët me njolla gjaku të vjehrrës së vrarë

12:42 Kronika

OFL u kërkon justifikimin e pasurisë tre të dënuarve në Kuçovë, Berat dhe Gjirokastër: Përgjigjuni brenda 48 orësh

11:17 Kronika

Qëllohet me armë në drejtim të një kompleksi në Tiranë

10:01 Kronika

Nuk ka liri për Klodian Duron, Apeli lë në 'Arrest shtëpie' ish-futbollistin për dhunë në familje

20:28 Kronika

Nesër del para 'Vetting-ut', si ka ndryshuar pasuria e Gjyqtares Fatmira Hajdari nga viti 2003

20:24 Kronika

Gazeta britanike: Bandat shqiptare luftë të hapur në rrugët e Londrës, kanë kontrollin e kokainës nga Amerika Latine

14:57 Kronika