Te fundit
VIDEO/ Shaqiri dhe Xhaka kujtojnë suksesin ndaj Serbisë që bëri krenarë shqiptarët
22 Qershor 2020, 21:41Sport
TEMA
Xherdan Shaqiri dhe Granit Xhaka kanë kujtuar mbrëmjen e sotme ndeshjen që bëri shumë krenarë të gjithë shqiptarët nëpër botë.
Dy futbollistët më të mëdhenj shqiptarë dy vjet më parë kishin realizuar nga një gol për fitoren e Zvicrës ndaj Serbisë në Botëror.
Ajo fitore 2:1, e arritur në Kaliningrad të Rusisë, në kuadër të fazës grupeve të Botërorit, u festua thuajse në çdo qytet shqiptar.
Mënyra e festimit me shqiponjë pas golit të Xhakës e më pas edhe të Shaqirit bëri mjaft bujë.
Serbia kishte shënuar e para që në minutën e pestë. Granit Xhaka realizoi golin më të bukur në minutën e 52-të për 1:1, kurse Shaqiri pasi vrapoi prej gjysmës së fushës, mposhti portierin serb për fitoren historike të Zvicrës, e cila u festua gjerësisht nga shqiptarët.
Ajo fitore doli të jetë vendimtare për Zvicrën që u kualifikuar për më tej. Ndërkohë Serbia u eliminua që në fazën grupeve.
Shaqiri e Xhaka e kanë kujtuar atë ndeshje me postime në rrjetet sociale, mbrëmjen e sotme.
“Dy vjet më parë ishte një ditë e veçantë për mua. Një prej golave më të mirë që kam shënuar ndonjëherë. Koha kalon por kujtimet mbesin gjithnjë”, ka shkruar Xhaka.
Një postim e ka bërë edhe Shaqiri.
Today 2 years ago ! ?????????tag your friend who went crazy like #andinlokaj on this day ????❤️#XS23
3 komente në “VIDEO/ Shaqiri dhe Xhaka kujtojnë suksesin ndaj Serbisë që bëri krenarë shqiptarët”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Te jashtezakonshem
Dy Shqiptare te Kosoves mposhtin Serbine
dhe e hudhin jashte
Faleminderit per kenaqsine qe na dhate gjithe shqiptareve kudo ata jane
*Xhaka & Shaqiri *
E kur Shaqa gol shenon, shqipja nis e fluturon, e atje ne kaltersi, pershendet plot dashuri.
Ndeshja me emocionale qe kam pare ndonjehere ne jeten time. Keta djem, pamvaresisht se nuk shenuan per ngjyrat kuq e zi, na bene vertet krenare ate dite. Paci jeten e gjate dhe te lumtur djemte e shqipes.