Te fundit
Shkencëtarët prezantojnë dy studimet e fundit: Ja cili është “butoni” që vendos trurin në gjumë
24 Qershor 2020, 17:47Shëndeti
TEMA
Dy studime kanë treguar mënyra për të vënë trurin e minjve në një gjendje letargjie.
Sipas shkencëtarëve në të ardhmen mund të bëjë të njëjtën gjë me trurin e njeriut dhe kjo do të sjellë disa përfitime. Truri ka qenë gjithmonë objekti më kompleks dhe magjepsës i studimit.
Ka shumë studime në fushën mjekësore për të provuar të kuptojnë mekanizmin që rrotullohet rreth tij. Kohët e fundit, shkenca ka bërë një zbulim që mund të jetë shumë i rëndësishëm. Në fakt, dy studime kanë gjetur një lloj “butoni” që bën trurin të bjerë në gjumin letargjik.
Studime e kryera nga universiteti japonez i Tsukuba dhe Shkolla Mjekësore Harvard, të cilat u botuan në revistën Nature.
Tani për tani, eksperimenti është mbështetur ekskluzivisht tek minjtë, duke shkaktuar një letargji natyrore të përkohshme në to.
Në të ardhmen, truri i njeriut mund të mbijetojë nëse do të zbulohej i njëjtin grup qelizash të trurit që janë të pranishëm tek minjtë.
Ky konstatim, sipas ekipit të hulumtimit, do të kishte përfitime të mëdha sepse mund të përmirësonte shërimin pas operacionit ose sëmundjes; për më tepër, kjo mund të hapë rrugë për të tjera studime.
Në studimin amerikan, konkretisht, u identifikua një grup qelizash të trurit dhe stimulimi i tyre tek minjtë shkaktoi mpirje. Ekipi shpjegoi se induksioni artificial i këtij eksperimenti të ngjashëm mund të aplikohet tek njerëzit në të ardhmen.
Një aspekt i procesit që i çon kafshët në letargji duhet të kihet parasysh: në atë gjendje, temperatura e trupit të tyre bie në atë mënyrë që të zvogëlojë shpenzimet e energjisë gjatë gjithë periudhës në të cilën ata nuk do të ushqehen. Kjo bazohet në studimin e kryer nga eksperti Takeshi Sakurai dhe grupi i shkencëtarëve nga universiteti i Tsukuba, të cilët ekzaminuan minjtë laboratorë që nuk hyjnë në letargji.
Minjtë treguan një gjendje të përkohshme hipometabolike të ngjashme me letargji, e quajtur mpirje. Nga kjo ata erdhën në identifikimin e një grupi të neuroneve në hipotalamus, të njohur si “Q neuronet”.
Ata mund të ulin temperaturën e trupit dhe metabolizmin për më shumë se 48 orë. Një aspekt i rëndësishëm është, pra, se nuk u gjet asnjë dëmtim i indeve ose organeve të miut, pas këtij gjumi letargjik. Në një moment të dytë eksperimenti u përsërit edhe te minjtë me të njëjtin rezultat saktësisht.(il Giornale, gazeta “Si”)
1 komente në “Shkencëtarët prezantojnë dy studimet e fundit: Ja cili është “butoni” që vendos trurin në gjumë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kjo eshte nje teknike, qe nuk cenon mbijetesen e njeriut dhe mund te aplikohet dhe per nje kohe me te gjate e shume me te gjate, por akoma ka per te mesuar ne kete fushe, pasi kerkimet, studimet provat jane ne fazen fillestare, sikur te themi jemi ne tri germat e para te alfabetit.
Megjithese mendoj , se ne kohe te hereshme, jane aplikuar menyra (teknika) te tilla dhe me afate me te gjata se sot.