Te fundit
“Është lider natyral, mund t’i jap sërish shiritin e kapitenit”- Arteta flet për Xhakën
27 Qershor 2020, 14:00Sport
TEMA
Granit Xhaka po mbyll sezonin e tij të katërt me fanellën e Arsenalit, kur për disa kohë mbajti edhe shiritin e kapitenit, por një përplasje me fansat tetorin e kaluar bëri që t’i “hiqeshin gradat” nga trajneri i atëhershëm Unai Emery.
Megjithatë, ndonëse shiriti ka kaluar në krahun e Pierre Emenick Aubameyang, mesfushori me origjinë shqiptare vijon të sillet si një lider në fushë dhe në dhomat e zhveshjes, gjë që u pa qartë edhe në ndeshjen ndaj Southamptonit, kur jepte urdhra për shokët e tij.
I pyetur mbi këtë konstatim, trajneri spanjoll Mikel Arteta pranoi se Xhaka është një lider i lindur dhe se mund të marrë sërish shiritin e kapitenit, ndërsa vlerësoi maksimalisht sjelljen e mesfushorit të përfaqësueses së Zvicrës.
“Më vjen mirë që e keni dëgjuar zërin e Xhakës në fushë. Ai është një lider i lindur, vazhdimisht i angazhuar jo vetëm për vete, por për të gjithë shokët e skuadrës. Në të ardhmen mund të mbajë sërish shiritin, por gjithsesi edhe pa të, nuk ka asnjë pengesë për t’u sjellë si lider”, deklaroi Arteta.
Lini një Përgjigje
Më të lexuarat
24 oret e fundit
Javen e fundit
Blog Tema
