Te fundit
Azerbajxhani: Serbia i dërgoi armë Armenisë në mes të konfliktit në kufi
20 Korrik 2020, 15:07Rajoni
TEMA
E ngarkuara me punë e Serbisë në Azerbajxhan, Danica Veinoviq, është thirrur në Ministrinë e Punëve të Jashtme të vendit me arsyetimin se vendi i saj ka dërguar armë në Armeni në kohën kur ndodhën përleshje në kufirin Armeni-Azerbajxhan, transmeton Anadolu Agency.
Sipas një deklarate të Ministrisë së Punëve të Jashtme të Azerbajxhanit, zëvendësministri Halef Halefov, i cili e ka pranuar diplomaten serbe, ka thënë se kanë marrë informacion të besueshëm dhe të verifikuar se një sasi e madhe municionesh, që përbëhej nga predha mortajash dhe predha të tjera të kalibrit të ndryshëm, është dërguar nga Serbia në Armeni.
Duke rikujtuar se Armenia përdori më shumë topa dhe mortaja në sulmet e nisura në rajonin Tovuz më 12 korrik, Halefov deklaroi se si rezultat i sulmeve, 12 ushtarë azerbajxhanas, përfshirë një gjeneral, dhe një civil kanë humbur jetën si pasojë e sulmeve.
Ai po ashtu ka rikujtuar se midis Azerbajxhanit dhe Serbisë ekziston marrëveshje e partneritetit strategjik, duke shtuar se ky hap “jomiqësor” i Serbisë nënkupton mbështetje për politikat pushtuese të Armenisë dhe sulmet kundër integritetit territorial të Azerbajxhanit dhe si i tillë “ka pikëlluar dhe zhgënjyer” popullin dhe qeverinë azerbajxhanase.
Halefov ka shtuar se nga Serbia presin një prononcim zyrtar në lidhje me këtë çështje.
Ndërkaq, diplomatja serbe Veinoviq ka thënë se nuk ka informacion në lidhje me çështjen dhe se këtë do t’ua përcjellë autoriteteve më të larta.
2 komente në “Azerbajxhani: Serbia i dërgoi armë Armenisë në mes të konfliktit në kufi”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nuk ka asnke iluzion. Rusia-Armenia-Greqia-Serbia-Qipro kane ne nje koalicion te perbashket natyror. Ata jane anti USA dhe anti BE. Thjesht bejne politike terhiq e mos keput ne marredheniet me koalicionin perendimor. Fat i madh per kombin tone qe nuk kane dhembe e fuqi te na kafshojne.
Serbi Serb ngelet..per para shet edhe vellain e tij turk nga Azerbajxhani..pavaresisht se i bashkon fakti se te dy shtetet kane pushtuar territore te nje kombi tjeter..Serbia territore Shqiptare – Azerbajxhani territore armene..