Rama “dublon” Bashën në Kosovë me Taulant Ballën

Prej dy ditësh, Kosova po pret e po përcjell përfaqësues të spektrit politik shqiptar. Kryetari i Partisë Demokratike, Lulzim Basha, po zhvillon një vizitë zyrtare në Kosovë, ndërsa sot ka behur aty edhe sekretari i Përgjithshëm i PS-së, Taulant Balla.

Një ditë më parë, Basha takoi gjithë spektrin politik në Kosovë, ndërsa sot pati një komunikim me kryetarin e Komunës së Prishtinës, Shpend Ahmeti.

Ndërsa Balla në anën tjetër u takua me kryeministrin e Kosovës, Avdullah Hoti.

Gjatë takimit me Ahmetin, Basha tha se angazhimi i parë i kësaj vizite është që bashkërendimi midis Prishtinës dhe Tiranës të jetë i plotë, i sinqertë dhe në mbështetje të institucioneve të Kosovës.

“Shërbimi më i mirë që mund të bëjë Tirana është të qëndrojë larg protagonizmit të pavend dhe iniciativave të pa konsultuara, të cilat kanë sjellë dëme, që duhen rikuperuar”, u shpreh Basha.

Kryetari i PD-së nënvizoi se, “ecja përpara e dialogut, me qëllim njohjen reciproke midis Kosovës dhe Serbisë shërbehen më mirë nga një bashkëpunim i ngushtë midis dy partnerëve strategjikë, SHBA dhe BE”.

“Drejtësia nuk mund të ketë dy kute. Boll më me një peshore, që anon nga ana e akuzave ndaj viktimës, ndërkohë që krimet çnjerëzore të ndodhura në territorin e Kosovës mbeten pa autor. Uroj që drejtësia ndërkombëtare do të vendosë peshoren baraspeshë”, tha ai. Po sot, Basha zhvilloi takim edhe me kryetarin e  Komunës së Mitrovicës, Agim Bahtiri.

Paralelisht me vizitën e Bashës, kryetari i grupit parlamentar i PS-së, Taulant Balla, zhvilloi një takim me kryeministrin e Kosovës.

Qeveria e Kosovës përcolli një njoftim zyrtar për takimin.

“…Kryeministri Hoti foli për prioritetet e Qeverisë së Kosovës, me theks të veçantë në menaxhimin e pandemisë Covid 19 dhe në përpjekjet për rimëkëmbjen ekonomike.

Duke e vlerësuar rolin e diplomacisë shqiptare për Kosovën, kryeministri Hoti e falënderoi kryetarin Balla sidomos për kontributin e deputetëve të Shqipërisë në Parlamentin Evropian”, thuhet në njoftimin zyrtar të qeverisë së Kosovës.

Më pas, Balla u takua edhe me presidentin Hashim Thaçi.

“Takim shumë vëllazëror me Presidentin e Kosovës Hashim Thaçi . Lufta e Ushtrisë Çlirimtare të Kosovës ishte një luftë e drejtë për liri e një populli autokton kundër gjenocidit të Millosheviçit. Tërësisht mbështes presidentin Thaçi se “askush nuk do ta rishkruajë dot historinë e lirisë…” së Kosovës”, shkruan Balla pas takimit.

“Bëmat” e Ilda Kërkapit: Si mashtroi edhe gjinekologen që e ndihmoi të lindte në spital

17:35 Politika

Lulzim Basha “mohon” Berishën: Unë jam autori dhe promotori i “Rrugës së Kombit”

17:23 Politika

Samiti i BE-së: Një dramë evropiane, 1800 miliardë euro dhe 22 miliardë për Kroacinë

17:06 Politika

VIDEO/ Rama: Do hapim listat sepse Partia Socialiste do atë që duan qytetarët

15:00 Politika

Rindërtimi në Fushë Krujë, Ahmetaj: Përfundojnë 40% e punimeve në kantierin që do të mirëpresë më shumë se 1140 banorë

13:22 Politika

“Ligjet” miratojnë marrëveshjen e 5 qershorit, Gjiknuri: Kontribut i çmuar që klasa politike jep në procesin e integrimit

13:01 Politika

PS miraton nen për nen marrëveshjen e 5 Qershorit. Opozita voton kundër

12:12 Politika

LSI e shqetësuar nga vota e deputetëve "rebelë", Panariti: Politika të heqë dorë nga përdorimi i "snajperëve"

12:04 Politika

PD kundër listave të hapura, Salianji: Vetëm unë ia di hallin Edi Ramës

11:49 Politika

Rimbledhja e Këshillit: Ambasadorja e SHBA i shkon Ramës në zyrë

11:39 Politika