Te fundit
Pas marrjes i pandehur nga SPAK, gjyqtari Luan Daci pezullohet nga detyra
24 Korrik 2020, 17:28Kronika
TEMA
Kolegji i Posaçëm i Apelimit vendosi pezullon nga detyra gjyqtarin e Kolegjit të Posaçëm të Apelimit, Luan Daci.Vendimi u mor në mbledhjen e sotme, vetëm një ditë pas SPAK e mori të pandehur gjyqtarin.
Kolegji i Posaçëm i Apelimit, në funksion të ushtrimit të veprimtarisë normale të tij, duke respektuar pavarësine dhe paanësinë e organeve proceduese, si dhe parimin e prezumimit të pafajësisë për gjyqtarin Luan Daci, u kërkon organeve proceduese të vijojnë me një proces të shpejtë, në përputhje me parashikimet e ligjit.
Struktura e Posaçme Kundër Korrupsionit dhe Krimit të Organizuar nuk është tërhequr nga kërkesa për të marrë të pandehur gjyqtarin e Kolegjit të Posacem të Apelimit Luan Daci.
Të enjten, Daci i shoqëruar nga dy avokatët e tij u paraqit në SPAK ku iu komunikua akuza.
Pas daljes nga Prokuroria avokatët u shprehen se i qëndrojnë pretendimit të tyre se Daci nuk ka kryer vepër penale, ndërsa per të gjykata nuk ka të drejtë të japë një vendim te dytë për pezullim.
Pas komunikimit zyrtar të akuzave, çështja do të kalojë në seancë paraprake dhe është në dorë të gjykatës të zgjedhë mes tre vendimeve, pushim të çështjes, kalim për gjykim ose rikthim edhe një herë tjetër për hetim në SPAK.
Daci akuzohet se ka fshehur gjatë kandidimit për KPA shkakrkimin e tij si gjyqtar nga KLD-ja.
Njoftimi i plotë i KPA-së:
Pas vënies në dijeni nga vetë gjyqtar Luan Daci, për marrjen e tij në cilësinë e të pandehurit nga Prokuroria e Posaçme kundër Korrupsionit dhe Krimit të Organizuar, në Kolegjin e Posaçëm të Apelimit u zhvillua sot Mbledhja e Gjyqtarëve, e cila, me vendimin nr. 14, datë 24.07.2020, në zbatim të nenit C, pika 3 e Aneksit të Kushtetutës, të nenit 128, pika 3, germa “b”, të nenit 179, pika 7, si dhe të nenit 179/b, pikat 5 dhe 6 të Kushtetutës së Republikës së Shqipërisë, vendosi:
1. Pezullimin nga detyra të gjyqtarit të Kolegjit të Posaçëm të Apelimit, z. Luan Daci.
2.Kolegji i Posaçëm i Apelimit, në funksion të ushtrimit të veprimtarisë normale të tij, duke respektuar pavarësine dhe paanësinë e organeve proceduese, si dhe parimin e prezumimit të pafajësisë për gjyqtarin Luan Daci, u kërkon organeve proceduese të vijojnë me një proces të shpejtë, në përputhje me parashikimet e ligjit.
Ky vendim hyn në fuqi menjëherë.
1 komente në “Pas marrjes i pandehur nga SPAK, gjyqtari Luan Daci pezullohet nga detyra”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Edhe dy avoketer nuk e shpetuan te ziun po pse mo ju keqen xha Mezini pse nuk shpaloset talentin tuaj.