Te fundit
Koronavirusi: Reduktohet me 66,3 % numri i turistëve që vizitojnë Shqipërinë
11 Gusht 2020, 22:15Sociale
TEMA
Sektori mbi të cilin ka ndikuar më së shumti pandemia e Covid-19 është turizmi. Krahasuar me një vit më parë, ka një rënie me rreth 2/3 të numrit të shtetasve të huaj dhe shqiptarë që kanë hyrë në vend.
Sipas të dhënave të INSTAT për qershorin e vitit 2020, që përkon me hapjen e pjesshme të kufijve dhe heqjen e masave kufizuese, në Shqipëri kanë hyrë gjithsej 364 574 shtetas.
Në qershor të vitit 2019, numri i shtetasve që kanë hyrë ne vendin tonë ishte 1 080 464. Pra, qershori i këtij viti ka një rënie prej 66,3 %.
Nëse e krahasojmë qershorin e këtij viti me të njëjtën periudhë të vitit të kaluar, gjithnjë sipas shifrave të INSTAT-it, na rezulton se totali i shtetasve (të huaj dhe shqiptarë) që kanë hyrë në vendin tonë në 2020 është sa gjysma e shtetasve të huaj që kanë hyrë në qershor 2019.
Edhe numri i shtetasve të huaj që kanë hyrë në Shqipëri në qershor është reduktuar me më shumë se 2/3. Në qershor 2020, hyrjet e shtetasve të huaj në vend janë 179.594.
Krahasuar me qershorin e 2019-s, kur ishin 630 334 shtetas të huaj që kanë kaluar kufirin për të hyrë në Shqipëri, ky numër ka rënë me 71,5 %.
1 komente në “Koronavirusi: Reduktohet me 66,3 % numri i turistëve që vizitojnë Shqipërinë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po pse te vijne Turistet ne nje vend ku Klubet e Nates jane shpallur Haram..dhe Korona po ben Kerdine ( ka vrare ne 3000 000 banore ,gati 200 veta – shumica pleq me nga dy semundje shoqeruese ) ..Turistet dine cfare thone te dhenat zyrtare te Qeverise se Rames..imagjino po te lexonin dhe Qytetarin digjital te Berishes per malet me kufoma te te semureve me Covid19..