Te fundit
Koeman zbulon negociatat me Barcelonën, mungon veç firma
18 Gusht 2020, 19:10Sport
TEMA
Ronald Koeman ishte sot në Zeist, selia e Federatës Hollandeze të Futbollit (KNVB). Që atje ka folur rreth largimit të tij si trajner i kombëtares portokalli dhe nënshkrimit me Barcelonën.
Kur u pyet për rikthimin e tij në klubin katalanas, trajneri në fjalë tha: “Po, unë do të dëshiroja, por do të jetë përfundimtare vetëm kur firma të jetë hedhur në kontratë. Deri atëherë nuk mund të them asgjë për këtë. Edhe nëse do të doja”.
Në Zeist askush nuk dyshon se Koeman do të largohet nga kombëtarja, sipas shtypit holandez. Në fakt, Grau, CEO i Barçës, dje negocioi operacionin me federatën hollandeze.
Koeman ka një kontratë aktuale me KNVB, por me një klauzolë që mund t’i ndërpresë marrëdhëniet e punës me ekipin kombëtar nëse Barcelona troket në derën e tij. Kjo klauzolë ishte e zbatueshme vetëm pas “Euro 2020”, por rrethanat kanë ndryshuar, pasi turneu u zhvendos më 2021.
Barcelona, gjithashtu, trokiti në derën e Koeman në janar, por ai e kundërshtoi propozimin. Koeman, 57 vjeç, luajti për Barcelonën nga viti 1989 deri më 1995 dhe i dha asaj Champions-in e parë më 1992, me golin e tij në finale kundër Sampdoria.
Lini një Përgjigje
Më të lexuarat
24 oret e fundit
Javen e fundit
Blog Tema
