Te fundit
Përplasja: Ushtria amerikane po vëzhgon nga afër një nëndetëse ruse
28 Gusht 2020, 12:40Bota
TEMA
Komanda Veriore e SHBA-s dhe Komanda e Mbrojtjes Hapësinore e Amerikës së Veriut (NORAD) po monitorojnë nga afër një nëndetëse ruse që u shfaq në afërsi të Alaskës më 27 gusht.
“Ne ndjekim nga afër anijet me interes, përfshirë anijet e huaja detare ushtarake, në zonën tonë të përgjegjësisë”, tha Komanda Veriore e SHBA-së në rrjetin social Twitter.
Është e paqartë pse nëndetësja u shfaq në këtë rajon.
Komanda tha se nuk kishte pranuar asnjë kërkesë për ndihmë nga Marina Ruse ose marinarë të tjerë në zonë.
“Ne jemi gjithmonë të gatshëm t’i ndihmojmë ata që janë në rrezik”, thuhet në një postim në Twitter.
Siç njoftohet “aktiviteti detar rus” po zhvillohet në ujërat ndërkombëtare, përtej hapësirës detare të SHBA-së.
Zyrtarët ushtarakë amerikanë i thanë Associated Press se nëndetësja u shfaq gjatë një stërvitjeje luftarake.
Prania e anijeve ruse shkaktoi shqetësim midis anijeve tregtare amerikane në Detin e Beringit më 26 gusht, tha Garda Bregdetare e SHBA-së.
Anije të shumta peshkimi njoftuan Gardën Bregdetare se ata kishin hasur në anijet ruse dhe ishin të shqetësuar, tha zëdhënësi i Gardës Bregdetare, Kip Wadlow, më herët më 27 gusht, raporton AP.
Por, më pas nga ushtria amerikane u tha se anijet ishin atje si pjesë e një stërvitjeje të paracaktuar ushtarake ruse që ishte e njohur për disa zyrtarë ushtarakë amerikanë.
1 komente në “Përplasja: Ushtria amerikane po vëzhgon nga afër një nëndetëse ruse”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Një artikull i përkthyer keq!
-Unë e lexova në disa burime të tjera serioze dhe nuk gjeta asgjë që këtë ngjarje ta quajne “përplasje” siç e quan gazeta “Tema”. Rusët janë në të drejtën e tyre të zhvillojnë stërvitje ushtarake në ujrat ndërkombëtare të Detit Bering po aq sa çkanë të drejtë edhe anijet amerikane të peshkimit të peshkojnë në këto ujra. Në bazë të procedurave normale ndërkombëtare për gjëra të tilla, amerikanët ishin njoftuar në kohën e duhur nga vetë rusët dhe e ndiqnin nga larg stërvitjen ruse. Që një nëndetëse të dalë mbi ujë, ky nuk është kërcënim por një gjë normale, pavarësisht shqetësimit të anijeve amerikane të peshkimit.
Për më shumë mund të shihni edhe këtu: https://www.militarytimes.com/news/your-military/2020/08/27/russian-submarine-surfaces-near-alaska-during-war-exercise/