Vuçiç: Në Uashington, Serbia nuk e pranoi njohjen e ndërsjellë me Kosovën

Presidenti i Serbisë, Aleksandar Vuçiq, tha se në takimin në Uashington, Serbia nuk e ka pranuar njohjen e ndërsjellë me Kosovën.

Vuçiq dhe kryeministri i Kosovës, Avdullah Hoti, janë takuar javën e kaluar në Shtëpinë e Bardhë, ku edhe kanë nënshkruar një marrëveshje për normalizimin ekonomik.

Marrëveshja, e nënshkruar në prani të presidentit amerikan, Donald Trump, parashesh, mes tjerash, edhe njohjen e ndërsjellë midis Kosovës dhe Izraelit.

Duke folur për gazetën sarajevase “Dnevni avaz”, Vuçiq tha se Izraeli është shtet sovran dhe se ka të drejtë të bëjë çfarë të dëshirojë.

Vuçiq tha se Serbia “i dërgoi një mesazh Izraelit, që është ishte i qartë”, por ai nuk dha më shumë detaje.

I pyetur nëse në Uashington është diskutuar për Bosnje e Hercegovinën, Vuçiq tha se është folur për rajonin në tërësi, por, para së gjithash, për marrëdhëniet Beograd-Prishtinë.

“Nëse më pyesni nëse është biseduar për diçka specifike në Bosnje – jo, nuk është biseduar dhe as nuk ka qenë qëllim i ndokujt”, tha Vuçiq.

Kosova dhe Serbia kanë nisur dialogun për normalizimin e marrëdhënieve qysh në vitin 2011.

Ai është ndërmjetësuar vazhdimisht nga Bashkimi Evropian dhe mbështetur nga Shtetet e Bashkuara.

Kryeministri i Kosovës, Avdullah Hoti, ka përsëritur disa herë se marrëveshja për normalizimin e marrëdhënieve me Serbinë do të arrihet atëherë kur të ketë njohje reciproke.

“Jerusalem Post": Serbia nuk e zhvendos ambasadën nëse Izraeli njeh Kosovën

13:53 Rajoni

Serbia, Kosova duhet të angazhohen të hetojnë si duhet rastet e personave të zhdukur

13:42 Rajoni

Parimet e Qeverisë së re në Mal të Zi: Forcimi i bashkëpunimit me NATO-n; pavarësia e Kosovës e padiskutueshme

13:00 Rajoni

"Një liqen, dy shtete": Përplasjet Kosovë-Serbi për Ujmanin

09:19 Rajoni

PPE: Erdogan duhet të goditet atje ku i dhemb më shumë, Greqia të mbështetet

09:30 Rajoni

“Provokon” sërish Turqia, Çavusoglu: Greqia s'ka besim në vetëvete ndaj refuzon dialogun, s'ka epërsi në betejë as në negociata

09:00 Rajoni

Vjosa Osmani: Unë dhe Albin Kurti do ta përfaqësojmë Kosovën në Shtëpinë e Bardhë më mirë se delegacioni i fundit

08:40 Rajoni

“Skënderbeu ishte serb”! Dritan Abazoviç sqarohet: Nuk kuptuan ironinë dhe humorin. Kam respekt të jashtëzakonshëm për kombin e heroin kombëtar

22:04 Rajoni

Aleksandër Vuçiç: Pse nuk mund t’i bija me shqelm karriges përballë Trump

21:45 Rajoni

Albin Kurti: Nuk do ta respektoj marrëveshjen e Uashingtonit. Reagon Grenell: Je anti-amerikan!

21:17 Rajoni