Te fundit
Pse janë bërë kaq të egër këta, çfarë kanë?
10 Shtator 2020, 20:00Politika
TEMA
Nga Frrok Çupi
Pse po lëvizin kaq egër këta? Ngado ka lëvizje, i shikoni?!…
Vrapojnë nëpër studio televizive, ngrenë komisione; nuk vrasin dot më, hë për hë; rrethojnë besnikët që u kanë lënë pasurinë; bëjnë lista deputetësh ku është vetja; ngatërrojnë cila është zyra e presidentit e cila kuzhina e gruas; njërit e tjetrit u thërrasin me emrat e të zhdukurve; tjetri zihet me gruan pse thërriti bojaxhinjtë kur dhoma e gjumit bie erë para të ndenjura…
Pse po lëvizin kaq egër këta, me shqelma e me duar?…
Kurmi i lodhur i vendit ndjehet keq, aq keq se trupi i nënës në maternitet. Atje lind një fëmijë; edhe nga ky ‘maternitet’ djallëzor pritet të lindë, por një krijesë e moshës më shumë se tre dekada. Do të zbulohet fytyra e krimit. Lindja është shumë e vështirë. Këta duket se shtyjnë si të pa shpirt që krimi të dalë sa më shpejt. Për tre dekada ndodhi ndryshe, ndodhi që ikën sa më larg kirurgjisë me qëllim që të fshihnin krimin.
Po tani, pse vallë duan që të dalë?
Nuk duan, është vetëm një iluzion; por janë të detyruar. Është një proces fiks si maternità, ku njëra ndjesi shtyn tjetrën.
Procesi i parë është shumësia në barkun e balenës.
Çfarë ka këtu?
Këtu janë paratë ‘e pastra’ të shqiptarëve që u grabitën përmes firmave piramidale; kushedi sa vetë vranë veten pse humbën strehën e fëmijëve; pastaj kushedi sa humbën jetën në luftën shtet- civilë në vitin 1997. Fantazmat e tyre nuk ka bark që t’i mbajë. Paratë e vjelura prej tyre po bëjnë ligjin edhe sot në duar të pak njerëzve. Me to blihen zjarrvënës, vrasës me pagesë, militantë rrugësh, lobohet me jashtë, kërcënohen dëshmitarë, bëhet krekosje para popullit…
Këtu janë të paketuar edhe njerëz të njohur si Remzi Hoxha e Ali Ukaj që në vitin 1994; ministra si Tritan Prifti dhe Safet Zhulali; bankieri Artan Santo dhe këshilltari Eduard Belegu; 26 viktimat e Gërdecit dhe vetë Kosta Trebicka; dy kufomat e fshehura në Malin me Gropa që i ka denoncuar ish- presidenti. Vetëm njëri prej tyre ka një varr që mbytet me lule, Artan Santo; të gjithë të tjerët janë pa varre.
Si të pa varrosur këta janë të pa lidhur, dmth., të pa ‘pranga’ dhe përplasen pa pushim që të dalin në dritë. Deri më sot, për asnjërin nuk është bërë kurrë hetim i plotë. Shpresa e thënë gojë më gojë se një Drejtësi e re po vjen, i ka zgjuar viktimat dhe autorët së bashku.
Autorët janë këta që tentojnë të qëndrojnë në kupolën politike dhe të shpëtojnë nga drejtësia. Përfaqësuesja e Shteteve të Bashkuara është kthyer në roje godine në SPAK dhe në FBI; udhëheqës të lartë të shtetit kanë tentuar disa herë që të dështojnë Reformën në Drejtësi.
Vjen pyetja: Pse aleatët e mëdhenj të vendit, SHBA dhe BE, i hynë aventurës për të rregulluar Drejtësinë në Shqipëri? Vallë pse ndjejnë gjynah për njeriun e dhunuar nga krimi i pushtetit? Vallë pse zona gjeopolitike ku ndodhemi infekton rajonin e përtej? Vallë pse shteti, si nocion dhe si realitet, për herë të parë në historinë e tij shteti është më i dobët se krimi? Kjo mund të deformojë ligjësitë e shtetit, njësoj siç përfytyrohen me pamjen ‘maternitet’ si salla ku lind fëmija, ashtu edhe salla ku po tenton të dalë krimi.
Procesi i ngjan ‘dhëmbëve të detit’.
Kjo më shumë është sindromë, se sa realitet. Në metaforën e filmit me të njëjtin titull bëhet fjalë për peshkaqenët. Peshkaqenët dalloheshin përditë në ujërat ku notonin njerëz, por ishin larg. Askush nuk ndjeu frikë. Vetëm një herë ndodhi kjo, kur egërsira e detit tregoi dhëmbët. Të gjithë vrapuan të tmerruar kur dikush thërriti: ‘Dhëmbët!, dhëmbët e detit!’.
Kjo është sindroma e dyfishtë sot mes nesh: Nga njëra anë njerëzit- viktima kanë kuptuar çfarë kanë bërë ‘peshkaqenët’ kundër tyre gjatë epokës ‘demokratike’. Në anën tjetër autorët e krimit kërkojnë shpëtim nga drejtësia njerëzore. Udhëheqësit politik e shtetëror deri tani kanë kryer akte të rënda: Kanë rrëzuar Drejtësinë deri në absurditetin e Universitetit 6 mujor Juridik; kanë krijuar skuadrat e zjarrit dhe të qeses brenda gjykatave; kanë falur krimin e diktaturës komuniste me qëllim që të krijojnë precedent për krimin e tyre post komunist- dhe e kanë arritur; kanë përdorur pasurinë e popullit për të nënshtruar popullin. Kjo i kishte verbuar sytë e njerëzve që shikonin ‘peshkaqenë’ por nuk u dallonin dhëmbët.
Faji i liderëve të epokës 30 vjeçare është se e tepruan aq shumë sa njerëzit ua panë të brendshmet: Blenë vila, morën thuajse gjithë atdheun; u pasuruan pa u shënuar në asnjë punë në jetë; zhdukën dëshmitarët frymorë dhe krijuan median qen roje. Atëherë u sulën secili kundër secilit; tani edhe krimi është vënë në lëvizje: Kudo që të shkelësh në territorin e vendit ke shkelur në pronën e liderëve; edhe kur paguan 500 lek për një çadër në Shën Pjetër, je duke paguar për xhepin e jo atij që duket…
Krimi ka dalë fushës. Këta, të paktën, nuk mund të ngjiten më në krye të shtetit. Liderët tani janë të trembur jo vetëm nga Amerika dhe nga Drejtësia, por ka edhe dy elementë të ‘shtypur’ nga ku kanë frikë.
Elementi i parë është ‘dora e dytë’ e pasurisë.
Dora e dytë, ku udhëheqësit shtetëror kanë depozituar pasurinë e vjedhur, janë kushërinjtë, bashkëfshatarët ku ishin lidhur para se të bëheshin ‘zot’ në Tiranë, fajkonjtë kriminelë që ‘dinë’ si mbrohet pasuria, kamikazët, etj. Nëse bie dinastia e ngritur me pasurinë e grabitur të vendit, atëherë ‘besnikët’ nuk ua kthejnë më çfarë kanë marrë në dorë. Më të garantuar janë ata që i mbajnë në dyshek, edhe pse bie erë e keqe për bojaxhinjtë.
Elementi i dytë është populli:
Ky koncept, shpesh herë i afërt me qasjen komuniste, kësaj here ka marrë kuptim më të mirë. Krimi po lëviz frikshëm në barkun e balenës, sepse populli e ndoqi dhe i dëshmoi personat me emra. Sigurisht ka edhe të tjerë; por populli e kreu punën e ‘qenit të gjuetisë’. Populli nuk është gjykatësi, as prokurori. Kjo është frika, se mos vjen një moment që edhe drejtësia apo qeveria të bashkëpunojnë me krimin!?
Të gjithë po tremben. Se po të ishte për ‘popull’ ata do ta manipulonin përsëri.
Por krimi po lëviz egër; pritet të lindë me fytyra të njohura, me ndëshkime, me fund.
25 komente në “Pse janë bërë kaq të egër këta, çfarë kanë?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ndjehet fryma dhe shpirti i legjendes, pikerisht ajo qe vazhdon te na dalloje nga Europa: folklori dhe eposi shqiptar!
Dhe shkrimi ashtu: si ne ender apo legjende, vibron tmerrues, si nje kumt qe vjen prej larg, nga e panjohura qe ne te gjithe e dime. Keshtu u befte
Esse politike dhe artistike. I madh je z.Frrok. Shkrim teper domethenes per kete realitet. Por a do triumfoje e drejta?,a do hapen petat e lakrorit?,si zor me duket. Keta jane perbindsha,kane shtate koke.
Nuk di gje tjeter por nje gje e di se shqiperia ka rene ne komo eshte duke vdekur. Amerika do vej dore se shume zgjati reforma ne drejtesi populli po prete pa durim. FRROK CUPI ke shkruar sikur i ke lexuar mendjen popullit .respekte je shume i sakte z FRROK CUPI.
?
Z.Frrok je i madh por une doja te shtoja se:Si zyra e presidentit,kryeministrit,ish kryeministrit ,ish presidenteve,ish ministrave,deputeteve dhe ish deputeteve ,shume zyrtareve dhe ish zyrtareve i vjen era m…..Prandaj Dhe shqiptaret ikin nga ai vend pasi me mire te pastrojne halet e botes,se halet e ktyre qafirave.
??????????
Klithmen per drejtesi e ndjen thelle Frrok
Amin, te lumt pena.
Bravo Frrok
Respekt zoti Frrok.E paç hallall buken qe ha dhe respektin e shqipetareve.I ke rene pikes.Je vertete i madh.Te gjithe hajnat jane ngritur per t’a shqyer akoma me keq kete popull te mjere. Sali Berisha dhe Ilir Meta jane kanibald,vampir,nuk ngopen me gjak.Edhe pse e din vehten te till,ata kerkojn te vijne ne parlament e ne pushtet per t’i mar shpirtin ketij populli.Do jete katastrof nese votohen.Kishim shprese te drejtesia,SPAK,BKH te tjera institucione,se do çonin ne vend drejtesine dhe populli do çlirohej,por jo,nuk behet se ata jane njerzit e Saliut dhe te Metes te cilet po i sherbejn dhe do t’u sherbejn akoma.
Zotnia Cupi me shum konsiderate per ju.Ne kete shkrim pasqyrohet e verteta e nje realiteti 30te vjecar mbase te hidhur mbi nje popull te rraskapitur mbas nje diktature 50te vjecare .
Z. Frrok, dil nga mendja ime se me duket se me duket sikur Po me vjedh mendimet.
I papare, je unik! Shkrim i ndjere qe te renqeth . Respekte !!
Nje bravo e madhe, si gjithmone,,, per Frokun
Shume i sakte
Ah mor Frrok, cte te them me shume. Je i madherishem. Te falte zoti per sherbimin qe i ben Shqiperise qe po lengon.
Zoti FROK ÇUPI faleminderit per shkrimin, jame kurioz te di si ndihen disa anal-liste si Bushati, Zheji Lubonja A Gjokmarkaj etj kur lexojne Frok Çupin
Po çfarë nuk ndjejnë këta o Mondi, por edhe ata që i botojnë “perlat” e tyre si në një reaksion zinxhir, në ndërkohë po ta vini re perlat e Frrokut që ‘djegin e përvëlojnë’, botohen vetëm nga TemA dhe portali i tij. Thoni pastaj se kush i ka gllabëruar dhe mediat? Po edhe ato peshkaqenët mo, peshkaqenët!
BRAVO E MADHE Z.FRROK. ÇUPI.
PERSHKRIM SHUME REAL I GJENDJES SHPIRTERORE TE POLITIKANEVE HAJDUT E KRIMINEL SALI, ILIR E LYL BASHA.
FUNDI I TYRE PO TROKET.
DREJTESIA E RE PO VJEN.
FALEMINDERIT SHBA E BE.
Një shkrim shumë drithërues z Çupi. Në të vërtetë ashtu është sepse” qenit roje”tashmë i është sosur durimi i ka ardhur në majë të hundës tashmë. Kazani po zihen aq shumë sa është gati të derdhet. Por i duhet një lider udhëheqës z Çupi dhe atë nuk mund ta gjejmë në këtë kastë politiqenësh që drejtojnë për tre dekada. Pra siç e sheh edhe zgjedhjet e radhës nuk do ta ndryshojnë dot situatën. Pra siç e shikon u kthyem përsëri te thirrja: Ka thënë Frroku do çahet blloku i 1991-it. Atëherë u ça. Shpresojmë që Ky artikull tani ta ribëjë persëri thirrjen: Ka rithënë Frroku Mbas 30 vitesh : do riçahet blloku. Të THEM të drejtën unë i kam shpresat e vogla se do ndryshojë diçka prandaj zgjodha rrugën e largimit që në 1993 nga Shqipëria. Përgëzime për shkrimin. Ky dhe postimi i doktor Kalo në Facebook më japin shpresë.
Me sakte nuk ka . Edhe me budallai e kupton ate qe Frroku thote.
Te Zhdukurit ,Te Vraret ,Te Grabiturit Apelojne:::DREJTESI !!
Artikulli me I sakte I vitit
Brilant
Me duket,se eshte pak ti thuash Peshkaqene.Keta Jane Krokodila.(Aligatore),qe ushqehen me mish Njeriu.Njeri me i shemtuar se tjetri.Ne Komunizmit,pranohet,qe kishte nje shtrese te mesme,mire ke,por kishte.Post Komunizmi,ka varferuar Popullin deri ne ekstrem.E ka tjetersuar.Ka Humber respecting per njeri tjetrin.Babai vret femijen,Xhaxhai vret nipin,dhe anasjelltas.Politikanet Japan shembullin me te ke ne Popull.Ata te Jene inkurajusit e pjeses te babezitur per para dhe prona te pamerituara.Prostitucioni,ky Ligji,nuk ka kaluar ne Parlament,prandaj jepi,vazhdo.Mos e kohen kohen mbrapa.Te njejten gje thuhet per drogen,per rrembim pronash,fallsifikime dokumentash apo…………..As i huaji,nuk ja ka bere Shqiptarit kaq me pabesi.Murro Asllani,Lale Hekuri,Lenka e tjere duken minore,para krokodilit Ilir Bagel Meta ,Sale Rame Vucitolit,Lul Basha,Monika Kryebretkosa.
Ne qeverisim. Bota na ndihmon.Kjo Ishte thirrja e Lidershipit PDse.Pa e vrare aspak Mendjen per Plan zhvillimi te Ekonomise.U asfiskua frymemarrja e Ekonomise.Firmat Piramidale shkaterruan Shtetin.Shqiptari dyshues ne marredhenje me Shtetin e djeshem u be me dyshues me Demokratet.Pa u menduar fare do ti vinin zjarrin Pyjeve ullishtave,drureve frutore e tjere.Politikanet e 30 Viteve Jane krokodilat,qe Jane majmur me gjakun e Minatorit,Metalurgut,Fshatari,Pensionistit te thjeshte.Per vetem i Kane rregulluar Pensionet.Nje ish Sekretare Partie I nje Partie Fantazme Pensionin 60000 te Reja.Kontrimuti? Nothing. Kay eshte turpi me I madh.4 Here me shume se nje pension I thjeshte. As vete Enveri nuk do te guxonte. Po ja guxuan Demokratet.Rakise se Sierra ne Shtepi a do ti vinin takse.
Po cilet jane ata qe mund te ngrihen dhe te akuzojne (se lere pastaj te gjykojne ) kete te keqe dhe te fuqishme?ekzistojne bij te tille nenash ne shqiperi?