Mamurras: “Të fortët” bëjnë ligjin dhe nuk pyesin për shtet

Fiks Fare solli fakte të reja të mos ekzistencës së shtetit ligjor në Mamurras, ku të fortët sundojnë mbi ligjin dhe kërcënojnë nëpërmjet dhunës verbale dhe fizike individë të cilët punojnë dhe jetojnë me ndershmëri.

Rastit të Erald Ndojit, babait të tre fëmijëve i cili kërcënohet nga vëllezërit Gega për shkak të konkurencës, shërbimit të kabllorit, i bashkëngjitet edhe denoncimi i Marjan Pepës. Marjan Pepa, jeton në të njëjtën rrugë me vëllezërit Gega, në lagjen Dritas, Mamurras. Rreth dy vjet më parë ai mori një leje ndërtimi për shtëpinë e tij. Kur nisi punimet , kamionët dhe mjetet e tjera pengoheshin nga vëllezërit Gega, të cilët kanë bllokuar rrugën duke ndërtuar një mur rrethues përtej pronësisë së tyre, duke zaptuar kështu pronën publike.

Familja Pepa pas disa denoncimesh, arriti më në fund të vërtetonte se muri ishte ndërtuar pa leje, madje edhe shtëpia luksoze e Gjergj Gegës ishte pa leje ndërtimi. Por edhe pse është marrë një vendim për prishjen e murit rrethues IMT-ja Kurbin nuk vepron.

E gjitha kjo situatë ku shteti nuk ka vepruar për të vënë në vend drejtësi, ka degjeneruar në dhunë. Marjan dhe Ndue Pepa janë dhunuar në oborrin e shtëpisë prej vëllezërve Gega. Kjo ngarje ka ndodhur rreth një muaj më parë. Të pranishme kanë qenë edhe forcat e policisë të cilët ishin thirrur aty për ndërtimin pa leje. Pas kësaj ngjarje për Gjegj Gegën është dhënë masa arrest shtëpie për veprën penale “plagosje e lehtë me dashje.”

Karvani i denoncimeve në prokurori dhe polici ndaj vëllezërve Gega ka nisur dy vjet më parë. Edhe pse objekti mur rrethues dhe banesa ishin ndërtim pa leje policia dhe prokuoria nuk arriti ta verifikonte, por e pezullonte çështjen. Pas një viti e gjysmë, me këmbënguljen e familjes Pepa, prokuroria arriti të vërtetonte se muri ishte pa leje ndërtimi dhe se dosja e legalizimit për banesën, e paraqitur nga vëllezërit Gega i përkiste një tjetër qytetari me të njëtat gjeneralitete, por me banim në Laç.

Sipas Marjan Pepës pavarësisht se Gjergj Gega është dënuar për veprën penale të ndërtimit pa leje, ai vijon të kryejë punime sërisht pa leje në shtëpinë e tij. Denoncimet e herë pas herëshme të Marjan Pepës kanë rënë në vesh të shurdhër, pasi prokuroria vazhdimisht ka vendosur mos fillimin e procedimit penal.

Më në fund IMT-ja Kurbin mori një vendim për prishje të murit rrethues. Madje i vendosi dhe një gjobë prej 5 milion lekësh të vjetra për ndërtim pa leje.

Por ky vendim, edhe pse i marrë rreth pesë muaj më parë akoma nuk ka gjetur zbatim.

Drejtori i IMT-së Jetmir Mzhika në vend që të zbatojë ligjin dhe vendimet që ka marrë vet, i kujton qytetarit që në këtë pozicion e ka vendosur ai veten. Madje aludon që konflikti me Ardian dhe Gjergj Gegën nuk ekziston.

Jetmir Mzhika, në zbatim të ligjit dhe vendimit që ka marrë për prishje te objektit Mur rrethues, duhet të vazhdoj me ekzekutimin pavarësisht se është hapur një proces gjyqësor.Në fund të vendimit për prishje citohet se Ankimi Administrativ dhe gjyqësor i këtij vendimi nuk pezullon ekzekutimin e tij. Kundërshtimi i juristes por edhe i drejtorit të IKMT-së për mos ekzekutim është i pajustifikueshëm ligjërisht. Për më tepër kur të dy janë të bindur që ndërtimi është pa leje dhe vënë në dyshim gjykatën duke aluduar se nuk e dinë se çfarë mund të ndodhë atje.”

Marjan Pepës, përveç bllokimit të punimeve të shtëpisë, duke qenë se i ka kaluar afati i lejes së ndërtimit do t’i vendoset gjobë. Gjobë që duhet ta paguaj ai, edhe pse bllokimi i punimeve ka ardhur si pasojë e neglizhencës së institucioneve shtetërore.

Por ndërkohë që Marjan Pepa vuan pasojat e moszbatimit të ligjit, dhunuesi i tij dhe i ligjit vazhdon të lëvizë i lirë. Për veprën penale të ndërtimit pa leje, Gjergj Gega në Mars të këtij viti është dënuar nga gjykata me 6 muaj burg që më pas u konvertua po nga gjykata me periudhë prove prej 12 muajsh. Me kusht që gjatë kësaj periudhe të mos kryejë vepër tjetër penale.

Në muajin Qershor Gjergj Gega është përfshirë në një tjetër konfikt fizik me shtetasin Erald Ndoji, prokuroria vendosi që nuk ka vepër penale. Në muajin Korrik ky shtetas u kofiktua sërish fizikisht me Nude dhe Marjan Pepën, gjykata la në fuqi masën arrest shtëpie për veprën penale plagosje e lehtë me dashje. Gjatë kësaj kohe, kur ky individ ka qenë në arrest shtëpie ka vijuar me kanosjen e qytetarëve në konfikt dhe del i pa shqetësuar nga banesa. Të gjitha këto fakte të sjella me zë e figurë në Fiks Fare, ngrenë vetëm një pyetje “A ka shtet në Mamurras?” .

KPK konfirmon në detyrë prokurorin e Apelit Durrës Moisi Duda

20:22 Kronika

KPK shkarkon nga detyra prokurorin e Tiranës, Alket Mersini

20:15 Kronika

Zjarret në 8 qarqe, ministrja Xhaçka: FA angazhim nga toka e ajri. Ligji nuk kursen pushtetin vendor nëse s'përgjigjet dhe as individët që i vënë zjarrin kullotave e pyjeve!

19:32 Kronika

“Mendova se ishte bombë”, furgoni i policisë futet në banesë

19:23 Kronika

Atentati me tritol në Tiranë alarmoi atasheun turk: Menduan se ishte sulm terrorist ndaj Rezidencës turke, pas tensioneve me Greqinë

18:22 Kronika

FOTOT: Shqiptari në Greqi futet me makinë në dyqan, donte të përplaste bashkëkombasin e tij

17:48 Kronika

Shqipëria refuzon ‘për procedurë’ apelin e turkut Selami Simsek për azil

17:34 Kronika

Klevis Kapllani dyshohet se u vra për shkak të ngjarjeve në Elbasan: Personat që nxorrën në pritë, viktima i njihte

17:19 Kronika

Pamje të rënda: Atentati me tritol ndaj Preng Gjinit, dalin fotot e tij nga spitali

16:19 Kronika

"Vrasje dhe drogë", OFL zbarkon në Tiranë, u kërkon deklarimin e pasurisë 4 të dënuarve

12:45 Kronika