Te fundit
Një propozim konkret për të shpëtuar zgjedhjet e 25 prillit
16 Shtator 2020, 17:40Blog
TEMA
Nga Astrit Patozi
Mos bëni sikur po ziheni se kush e respekton më shumë OSBE/ODIHR-in, se maksimumin e dashurisë për të e keni shprehur më 5 qershor, kur i hodhët në kosh kryerekomandimin mëse 10 vjeçar për depolitizimin e administratës zgjedhore.
Dhe nënshkruat atë marrëveshje të turpshme për ta lënë gjithçka siç ishte, mjafton që kryetarokracia të mos prekej. Një palë duke bërtitur fitore, se gjoja e shpëtuan Shqipërinë nga manipulimi, që i bie se e rekomandonte me forcë OSBE/ODIHR-i, kurse pala tjetër duke bërë si e mërzitur, por ndërkohë duke mbushur xhepin me gjysmën e komisionerëve dhe të numuruesve në gjithë Shqipërinë.
Nuk ua quan njeri këtë debatin e sajuar për ruajtjen e koalicioneve si më parë, ndërkohë që ka ndryshuar kushtetuta, për të cilën janë të qartë të gjithë, si ata që po e kërkojnë, ashtu edhe ata që po shtiren sikur nuk kanë ndërmend të lëshojnë pe. Çdo zvarritje në këtë drejtim mund të shërbejë vetëm për të shtyrë ditët e aleatëve të Lulzim Bashës brenda koalicionit, por asgjë më shumë se sa kaq. Nuk do të jetë e largët dita që secili prej tyre apo të gjithë bashkë do të ndajnë mendjen, nëse do të garojnë në një listë të përbashkët, apo secili më vete. Ky është i vetmi vendim që duhet të marrin dhe duke e vonuar, nuk është se fitojnë ndonjë gjë. Por tek e fundit, ky është halli i tyre, të cilit duhet t’i dalin zot vetë.
Problemi i Shqipërisë është që zgjedhjet e 25 prillit të paktën të jenë normale, se të lira dhe të ndershme, mbetet ende një fjalë e madhe në këtë vend. Dhe armikun kryesor, përveç qeverisë, që është në çdo rast aty për të vjedhur dhe manipuluar, ato kanë pikërisht komisionet e politizuara të votimit dhe të numurimit. Dhe këtë e dinë më mirë se gjithë të tjerët dashnorët e përvëluar të OSBE/ODIHR-it këto ditët e fundit, sepse për këtë punë e kanë bërë.
Por meqë jemi ende në kohë për të shkruar rregullat e lojës në Kodin Zgjedhor, ka një mënyrë për ta minimizuar rolin e çakejve politikë në qendrat e votimit, pa e prekur marrëveshjen e 5 qershorit, megjithë neverinë që kemi për të. Por e duam apo nuk e duam ne, ajo tashmë është një fakt.
Dhe kjo mund të bëhet me komisione të depolitizuara numurimi, që llogarisin vetëm votat e kandidatëve brenda listave finale të paraqitura në KQZ.
Që do të thotë se votat për partitë apo subjektet zgjedhore të vazhdojnë t’i numurojnë komisionet politike, sipas marrëveshjes së 5 qershorit, por pastaj ata të dorëzojnë detyrën.
Kjo formulë garanton:
1-Mosprekjen e dakordësisë së 5 qershorit, që mund të shërbejë si zgjidhje kompromisi për të gjitha palët e interesuara për zgjedhje korrekte, duke përfshirë edhe nënshkruesit e saj.
2-Reflektimin e ndryshimeve kushtetuese te 30 korrikut si një realitet i ri në administrimin e zgjedhjeve, njësoj si hapjen e listave, pavarësisht që dikush e pëlqen, e dikush tjetër jo.
3-Nxjerrjen nga konflikti i interesit të çdo numuruesi, i cili jo vetëm karshi kundërshtarëve, por edhe brenda partisë apo subjektit të vet zgjedhor, mund të ketë kandidatë preferencialë dhe të tjerë të pëdëshiruar.
4-Krijimin e një mekanizmi verifikues për vetë komisionerët politikë, të cilët do të kenë parasysh se dikush tjetër do ta çertifikojë rezultatin e dalë prej tyre, gjë që me siguri do t’i bëjë më pak trima se më parë për të manipuluar rezultatin.
Mjafton kaq pak të bëjmë për ta ndryshuar kryekëput dhe paradhënie atmosferën dhe pse jo edhe fatin e zgjedhjeve të 25 prillit në Shqipëri, të cilat janë të kërcënuara kryesisht prej atyre, që sot po bëjnë be për kokën e OSBE/ODIHR-it.
6 komente në “Një propozim konkret për të shpëtuar zgjedhjet e 25 prillit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Zgjedhjet nuk shpetohen pa u ndeshkuar te pandeshkuarit!
Kur vidhte saliu zgjedhjet ti i dilje krah, si ste erdhen nel mend atehere keto apo sta kish qejfi,
Ku ishe ti Patozi atehere kur e kishe mundesine reale per ti bere keto qe thoni? Apo i kuptuat tani kur skeni anshmeri nga distancimi qe pesuat? Perse sa jeni te perfshire beni palaçlleqe ne vendime dhe kur jeni jashte politikes beheni specialiste te mirefillte?
Astrid Patoz ( qe do te thote, ” gjarpër patozi, (ahuri)” dhe qe ne rastin tend , i haurit te Srb-it Sali Berisha ; mos bej “te drejtin”, “te kulluarin”, “idealistin”, sepse ti, je dhe ke qene jashteqitje berishiste . Po, sikur te kishe vazhduar karieren e gazetarit , keto qe shkruan do te kishin kuptim, por ti u bere politikani qe mbroje e more pjese ne banden berishiste te quajtur P.D. Tani , qe te hodhen te , si lecke te perdorur, na ben ” te paaneshmin”.
Keta palaco drejtues jane me dy fytyra.Jozefina dhe Patozi kur ishin nen kryetar te PD-es ishin militantet me exstrem te Berishes edhe kur vidhte zgjedhjet si ne 1996 dhe vodhi hapur me kompjuter Bashkin e Tiranes dhe vuri Llull Bashen,edhe kur djali i Sali Kermes vrau 26 njerez ne Gedec edhe kur Sali Kerma dhe Llulushi vrane 4 demonstrues ne Bulevardin e Kombit.Keto fytyra te ndyra e kane vendin ne burg dhe jo te zghidhen perseri.Duhen njerez me shkolle dhe eksperience ne drejtim,por dhe si puna e Rudina Hajdarit qe nga mendja tra-la-la dhe eksperience nga babaj nje trafikant armesh dhe nga nena nje hajdute qe e rezoj vetingu as dreqit nuk i duhet se per intelekt nuk di te lidh dy fjale,Ketu nuk po permend ato vajzat pa shkolle te LSI-se qe ishin deputete vetem per te kercyer lakuriq ne Gjirin e Lalsit dhe ne Jale te Himares me Nafije Dybekun.Malsori Boston
Astrid Patoz ( qe do te thote, ” gjarpër patozi, (ahuri)” dhe qe ne rastin tend , i haurit te Srb-it Sali Berisha ; mos bej “te drejtin”, “te kulluarin”, “idealistin”, sepse ti, je dhe ke qene jashteqitje berishiste . Po, sikur te kishe vazhduar karieren e gazetarit , keto qe shkruan do te kishin kuptim, por ti u bere politikani qe mbroje e more pjese ne banden berishiste te quajtur P.D. Tani , qe te hodhen te , si lecke te perdorur, na ben ” te paaneshmin”.
P.S. – moderatore te dashur , shfaqeni kete dreq komenti , e kam postuar qe dje !?