FOTOT/ Shtrëngime duarsh, përqafime dhe puthje, Pëllumb Pipero shpallet “Qytetar Nderi” i Skraparit: Detyrën e mjekut do e bëj deri në fund

Qyteti i Skraparit, vendi ku u lind dhe u rrit Doktor Pëllumb Pipero, e nderoi sot mjekun e shquar me titullin e lartë “Qytetar Nderi”. Pipero u prit me buqeta me lule e përqafime nga qytetarët e Skraparit, miqtë, kolegët dhe familjarët e tij.

Bashkia e Skarparit ka nderuar sot me titullin “Qytetar Nderi” profesor doktor Pëllumb Piperon. Me kërkesën e qytetarëve të Skraparit, Këshilli Bashkiak miratoi me unanimitet në 28 Maj 2020 dhënien e titullit “Qytetar Nderi” i Skraparit prof.dok.Pëllumb Piperos, me motivacionin “Për veprimtari të shquara profesionale dhe akademike përgjatë gjithë karrierës së tij në fushën e mjekësisë, vëçanërisht atë të sëmundjeve infektive si dhe për kontrrollin e çmuar profesional e publik në përballimin e situatës së pandemisë së shkaktuar nga Covid-19”. Në ceremoninë e organizuar mesditën e sotme përpara bashkisë së qytetit të Skraparit kanë qënë të pranishëm jo vetëm përfaqësues të pushtetit vendor por edhe deputetë, ministra, qytetarë të Skraparit si dhe kolegë e familjarë të Piperos.

Kryebashkiaku i Skraparit, Adriatik Mema, është shprehur se, në kohën më të vështirë që kaloi dhe po kalon vendi ynë për shkak të pandemisë Covid-19 dhe kur të gjithë ishin në gadishmëri për ti bërë ballë këtij armiku të padukshëm e të kthyer në një rrezik serioz për jetën e banorëve në gjithë globin, ishin bluzat e bardha, mjekët dhe infermierët ata të cilët të rreshtuar në frontin e parë të kësaj lufte dhe me punën e tyre, sakrificën, dashurinë për njerëzit, u shndërruan në heronjtë e vërtetë të përballimit të kësaj situate të pazakontë.

Memaj ka deklaruar se, të gjithë jemi dëshmitarë të kontributit profesional dhe human të mjekëve, deri në kufijtë e lodhjes së tejskajshme, për tu shërbyer njerëzve të prekur nga ky virus dhe që në asnjë moment nuk u dorëzuan. “Profesor Pëllumb Pipero, me punën e tij në ndihmë të pacientëve të prekur dhe me këllishat e tij publike dhe të çmuara,u shndërrua në njeriun që përçonte qetësi e siguri tek qytetarët në mbarë vendin tonë. Ai ka qënë dinjitoz në çdo dalje të tij mbrëmjeve në televizione,ku qytetarët prisnin me padurim këshillat e tij”,-ka thënë Memaj.

Pas marrjes së titullit, prof.dok. Pëllumb Pipero u shpreh se, jo vetëm u emocionua por edhe u befasua për titullin e madh të qytetarit të nderit që mori sot nga Këshilli Bashkiak i Skraparit,me inisiativën e shumë qytetarëve dhe kolegëve të këtij qyteti.

“Është nder, obligim dhe përgjegjësi e madhe të kesh titullin “Qyterar Nderi” Skraparit, një qyteti që nuk i kanë munguar as burrat dhe as gratë, as pedagagët, akademikët, mjekët, deputetët e ministrat. Kjo pandemi evidentoi shumë vlera të shoqërisë njerëzore, evidentoi solidaritet, mirëkuptim,përkushtim,respektim të normave të veçanta e shpesh të detyruara që nuk ishin të dashura por të domosdoshme. Në këtë pandemi unë dhe kolegët e mi kemi bërë thejsht detyrën dhe unë si pjesë e kësaj gjenerate mjekësh do të vazhdoj të bëj detyrën time të mjekut deri në fund”,-ka thënë Pipero.

Mjeku i shquar Pëllumb Pipero ka lindur dhe është rritur në fshatin Lishanjë të rrethit të Skraparit, nga i cili u largua drejt fakultetit të mjekësisë pasi mbaroi shkollën 9-vjeçare dhe të mesme, me rezultate të shkëlqyera.

SHIFRAT/ Covid-19 në 24 orët e fundit: Pesë viktima, 125 raste të reja dhe 43 të shëruar

16:18 Sociale

EKSELENTËT NË UET: Si po shtohet rrjeti i nisur 15 vjet më parë

14:57 Sociale

FOTOT/ Rama nxjerr pamjet nga “Rruga e Arbrit”: 60% e projektit është realizuar

09:32 Sociale

Shkencëtarët përcaktojnë se cili grup gjaku mbron nga COVID-19

09:06 Sociale

I sëmuri me HIV/AIDS pa trajtim mjekësor, shkak pandemia: QSUT nuk e mban, spitalet rajonale nuk dinë ta trajtojnë

21:08 Sociale

Mjekja shtatzënë që i shërben pacientëve me Covid-19

20:58 Sociale

Zoran Zaev: Greqia, e gatshme të furnizojë Shqipërinë dhe Maqedoninë e Veriut me vaksinën COVID-19

19:34 Sociale

Bie agresiviteti i virusit, Skënder Brataj: 7 mutacione të Covid-19 në qarkullim

19:18 Sociale

VIDEO: I moshuari ngacmon seksualisht vajzën me probleme mendore në mes të rrugës në Durrës

18:59 Sociale

11% e fëmijëve në Shqipëri rrezikojnë të lindin me probleme fizike dhe mendore

18:23 Sociale