Te fundit
Doli pozitiv me Covid-19 bashkë me djalin, flet Edmond Tupe: Isha i lodhur dhe i këputur, por nuk e zura shtratin. Mu deshën dy ditë që të ngrihem
19 Shtator 2020, 15:06Sociale
TEMA
Profesor Edmond Tupe flet pas shërimit nga Covid-19. Ai është shprehur se pavarësisht kujdesit, në familjen e tij tre anëtarëshe ka dalë pozitiv ai dhe djali, kurse bashkëshortja jo.
Në një intervistë për Fax News, Tupe ka thënë se fillimisht është ndjerë i lodhur dhe i këputur, dhe më pas nëpërmjet mjekut të familjes është lidhur me ISHP, të cilët i kanë bërë tamponin nga ku ka dalë pozitiv. Tashmë që në familjen e tij e kanë kaluar betejën me infeksionin, ai tregon ndjesitë e para të infektimit.
“Në familjen tonë jemi tre veta bashkëshortja djali im edhe unë. Deri para një muaji ne nuk kishim asnjë shqetësim. Djali dhe nusja rrinin brenda, unë duke u armatosur me të gjitha mundësitë e mia për të mos u prekur nga virusi bëja pazare në orare kur nuk kishte njerëz, vija maskën, mbaja distancën dhe laja duart pafundësisht.
Shumë i kujdesshëm, ime shoqe gjithashtu. Pastaj erdhi një ditë që unë u ndjeva i këputur, i lodhur. Njoftova mjekun, pastaj me anë të mjekut të familjes lajmërova qendrën epidemiologjike për të bërë tamponin. Unë dola pozitiv dhe djali ishte pozitiv, djali kishte zënë shtratin. Unë jo, qendrova, nuk u dorëzova, ndërsa nusja jo, mesa duket ishte asimptomatike.
U kuruam me ilaçet e duhura. Mua mu deshën dy ditë dhe e mora vetën pa zënë shtratin, por im bir qendroi 7-8 ditë. Unë pata një ditë temperaturë, pastaj pata këputje. U kuruam, por fatmirësisht nuk patëm probleme me frymëmarrjen, djali kishte temperaturë.
Bëmë sërish tamponin, pasi kaluam ethen e madhe dhe doli që unë dhe ime shoqe ishim negativ dhe djali ishte pozitiv. Pas disa ditësh edhe djali e kapërceu. Përfundimi ishte se do të vazhdonim të mbanim të mprehur shpatën e vigjilencës.
Unë i jam mirënjohës mjekut të familjes. Që para se të fillonte Covid-19 më kishte thënë shto dozën e vitaminës C. U bëj thirrje bashkë atdhetarëve që të mos e heqin maskën, të lajnë duart vazhdimisht.”- tha Tupe.
2 komente në “Doli pozitiv me Covid-19 bashkë me djalin, flet Edmond Tupe: Isha i lodhur dhe i këputur, por nuk e zura shtratin. Mu deshën dy ditë që të ngrihem”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
More profesor, mjaft me ne media se na cave trapin. Si ti jane cdo dite me shume se 150 shqiptare, e ti na del ne media kushedi se merzitet kush se u semur tupa apo shtupa. Mjaft.
OH kasem or idiot,,,,di te lexozh ti apo je ndonje shpellar,,,,ky zoteria ketu (Professor Tupia) as po mburret as po tall bythen,, por po flet thjeshte dhe qarte,,, qe e kapi ky virusi bashke me djalin dhe shyqyr zotit nuk e paten shume te rende dhe ja dolen,,, dhe i thote njerezve kini kujdes dhe moj e merrni si loje se verdalle eshte ky virus i keq,,,,cfare ka ketu qe ti o idiot u ndjeve i fyer ,,, hadje trap hajde qe qenke o kasem