Te fundit
Rudina Hajdari, letër për anëtarët e Këshillit Politik: Ju ftoj të punojmë non stop për Kodin Zgjedhor e hapjen e listave 100%. Takohemi të martën
20 Shtator 2020, 14:08Politika
TEMA
Deputetja Rudina Hajdari i ka dërguar një letër Këshillit Politik, ku i kërkon që ditën e martë, 22 shtator, ora 10:00 të mblidhet për të punuar ‘non stop’ deri në realizimin e një dokumenti të dakordësuar për mundësimin e hapjes 100% të listave, për tua dhënë zgjedhësve në dorë fuqinë për të përzgjedhur përfaqësuesit e ardhshëm në Kuvend.
Sipas Hajdarit, “ka ardhur koha që të gjithë ne të lëmë mënjanë interesat e ngushta personale dhe partiake dhe të shohim interesat madhore të vendit duke punuar natë e ditë për ti dhënë Shqipërisë një Kod Zgjedhor dhe një palë zgjedhje model.”
Letra e plotë:
Të nderuar anëtarë të Këshillit Politik,
Si fillim dua të shpreh shqetësimin tim për situatën e krijuar në Këshillin Politik, lidhur me mungesën e progresit për cështjet që kanë të bëjnë me amendimet e Kodit Zgjedhor dhe përshtatjen e tij për të garantuar zgjedhje të lira dhe të ndershme në 25 prill të vitit 2021.
Unë besoj se ka ardhur koha që të gjithë ne të lëmë mënjanë interesat e ngushta personale dhe partiake dhe të shohim interesat madhore të vendit duke punuar natë e ditë për ti dhënë Shqipërisë një Kod Zgjedhor dhe një palë zgjedhje model.
Në këtë kontekst, duke përshëndetur qëndrimin konsensual që u arrit nëpërmjet deklaratave publike të të gjitha palëve politike, lidhur me hapjen e listave 100%, do të doja që të vijonim punën e Këshillit Politik për ta përmbyllur këtë process, i cili sot gëzon mbështetjen e mbi 80% të shqiptarëve si edhe dakordësinë paraprake të palëve.
Unë dhe grupimi që përfaqësoj kemi përgatitur amendamentet përkatëse të Kodit Zgjedhor të cilat garantojnë hapjen 100% të listave, jo vetëm si mekanizëm I shprehjes së opinionit popullor mbi cilësinë e kandidatëve por mbi të gjitha si një mekanizëm përzgjedhës I deputetëve të ardhshëm të Kuvendit të Shqipërisë.
Amendimet dhe relacionin shoqërues I gjeni bashkangjitur këtij emaili.
Duke qenë se edhe PS, edhe PD edhe LSI janë shprehur tashmë publikisht se qëndrojnë për hapjen 100% të listave, unë ju ftoj të takohemi ditën e martë, 22 shtator, ora 10:00 për të punuar non stop deri në realizimin e një dokumenti të dakordësuar për mundësimin e hapjes 100% të listave, për tua dhënë zgjedhësve në dorë fuqinë për të përzgjedhur përfaqësuesit e ardhshëm në Kuvend.
Do të ishtë zhgënjyese për të gjithë shqiptarët por edhe anti-kushtetuese nëse palët do të tërhiqeshin nga qëndrimet tashmë të qarta mbi mundësimin e përzgjedhjes së përmbajtjes së Kuvendit të ardhshëm nga shqiptarët e jo thjesht nga Kryetarët e partive.
Duke shpresuar në një reagim pozitiv e konstruktiv,
Me respekt, Rudina Hajdari
PROJEKTLIGJ
Nr. ____/2020
PËR DISA SHTESA DHE NDRYSHIME NË LIGJIN NR. 10 019, DATË 29.12.2008, “KODI ZGJEDHOR I REPUBLIKËS SË SHQIPËRISË”, I NDRYSHUAR
Në mbështetje të neneve 81 dhe 83, pika 1, të Kushtetutës, me propozimin e një grupi deputetësh,
KUVENDI I REPUBLIKËS SE SHQIPËRISE VENDOSI
Në ligjin nr. 10019, datë 29.12.2008 “Kodi Zgjedhor i Republikës së Shqipërisë”, i ndryshuar, bëhen këto shtesa dhe ndryshime:
Neni____
Në pikën 5 të nenit 67 fjalia e parë ndryshon si më poshtë:
“Emrat në listën e Partisë paraqiten të renditura sipas rendit alfabetik duke filluar nga kandidati që i fillon emri me gërmën “A”.
Neni_______
Në nenin 95 bëhen ndryshimet si më poshtë:
“1. Për numërimin e votave në rang ZAZ-je, me vendim të KZAZ-së, 10 ditë para ditës së votimit, caktohen Grupe Numërimi të votave. Në fillim numërohen votat e partive dhe/ose koalicioneve e më pas votat parapëlqyese për secilin kandidat. Mbasi mbaron numërimi i votave, Subjekti Zgjedhori cili rezuton sipas rezultateve paraprake të shpallura nga KQZ se përfiton mandat në ZAZ-në përkatëse, rezervon të drejtën për të shtuar 1 anëtar nëGrupin e Numërimit të votave parapëlqyese për kandidatët. Numri i grupeve të numërimit është dy për cdo tavolinë numërimi, sipas pikës 2 të nenit 94 të këtij Kodi. Anëtarët e grupeve të numërimit të votave duhet të plotësojnë kushtet dhe kriteret e neneve 30 dhe 31 të këtij Kodi. Propozimet për emërimin e anëtarëve duhet të dorëzohen në KZAZ të paktën 12 ditë para datës së zgjedhjeve.
“2. Grupet e numërimit të votavë për Subjektet Zgjedhore përbëhen nga katër anëtarë, ku në cdo rast një anëtar emërohet pas propozimit të partisë politike, së cilës i përket Kryetari i KZAZ-së, një anëtar pas propozimit të partisë që i përket nënkryetari, ndërsa anëtari i tretë propozohet nga partitë e shumicës qeverisëse dhe anëtari i katërt emërohet pas propozimit të partive të opozitës që kanë të drejtë të propozojnë anëtarë të GNV-vepër ZAZ-të respektive, sipas procedurës së parashikuar në nenin 96 të këtij kodi.
Grupet e numërimit të votave parapëlqyese për kandidatët përbëhen me nga një anëtar të propozuar nga subjekti zgjedhor i cili rezulton përfitues mandati në ZAZ-nëpërkatëse.
Në vendimin për emërimin e Grupit të Numërimit të votave, KZAZ-ja cakton një nga anëtarët si numërues të parë dhe një anëtar si sekretar. Në gjysmën e Grupeve të Numërimit të Votavenumëruesi i parë propozohet nga partia më e madhe e shumicës dhe në gjysmën tjetër nga partia më e madhe e opozitës. Sekretari i Grupit të Numërimit të Votave i përket partisë politike të kundërt me Partinë që propozon numëruesin e parë. KQZ-ja me udhëzim përcakton mënyrën e hedhjes së shortit.
Neni ___
Pika 4 e nenit 98 ndryshohet si më poshtë:
Neni ___
Pika 1 e nenit 106 ndryshohet si më poshtë:
“Pasi merr fletën e votimit, zgjedhësi hyn i vetëm në dhomën e fshehtë dhe në fletën votimit shënon në vendin e përcaktuar nga fleta e votimit për subjektin zgjedhor dhe/ose kandidatin e parapëlqyer të subjektit zgjedhor shenjën “x” ose “+” apo një shenjë tjetër që tregon qartë zgjedhjen e bërë prej tij.”
Neni ___
Në nenin 117 bëhen ndryshimet si më poshtë:
“Vota të vlefshme janë vetëm fletët e votimit, në të cilat është votuar qartësisht vetëm për njërin nga subjektet zgjedhore dhe/ose vetëm për njerin nga kandidatët e tij. Kur është votuar për më shumë se një kandidat të të njejtit subjekt zgjedhor, vota i llogaritet vetëm subjektit zgjedhor.”
“e) është votuar për një subjekt zgjedhor dhe për kandidatin e një subjekti tjetër zgjedhor;”
“e/1) nuk është e qartë se për kë është votuar; ose”
Neni ___
Në nenin 118 bëhen ndryshimet si më poshtë:
Fjalia e dytë e pikës 3 shfuqizohet.
Pas pikës 6 shtohet pika 6/1 më këtë përmbajtje:
“6/1 Pas përfundimit të procedurave sipas pikës 6 të këtij neni bëhet numërimi, sipas parashikimeve në pikat 1 dh 2 të nenit 95, i votave parapërlqyese për çdo kandidat të subjektit zgjedhor.”
Neni ___
Neni 163 ndryshohet si më poshtë:
“Neni 163 Shpërndarja e mandateve për kandidatët fitues të listës
Neni ___
Pika 5 e nenit 164 shfuqizohet.
Neni ___
Ky ligj hyn në fuqi 15 ditë pa botimit në Fletoren Zyrtare.
2 komente në “Rudina Hajdari, letër për anëtarët e Këshillit Politik: Ju ftoj të punojmë non stop për Kodin Zgjedhor e hapjen e listave 100%. Takohemi të martën”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Mos aman rudina mos u lodh shume se na dobesohesh, e ku ta gjeje pastja thurja udheheqesen pas teje. Sa e gnjen mendja kete bibe, i duket vehtja me e zgjuara. Ulu, ulu se je shume lart e mos rrezohesh, e pastaj nga atje ku je demtohesh.
Se kuptoj sa power mori kjo pilivesa.