Te fundit
Bëjini llogaritë me Ilir Metën
29 Shtator 2020, 12:41Blog
TEMA
Nga Dritan Hila
Është e disata herë që mazhoranca nervozohet nga sjellja politike e Ilir Metës dhe kërkon që ai t’i përmbahet kornizës së postit dhe po kaq herë Meta u kundërpërgjigjet me iniciativa të tjera.
Kulmi i reagimit politik të Metës ishte mitingu përpara shpalljes së “lockdown-it” të marsit.
Ngjante se zhveshja e shpatave nga milli që mazhoranca kishte bërë me komisionin Manja, do të përfundonte në përplasje. Nuk ndodhi pasi nuk ishte vetëm në dorë të socialistëve shkarkimi i presidentit, por edhe të Gjykatës Kushtetuese, e cila ende nuk është formuar. Ndaj për të shmangur një disfatë institucionale, preferuan tërheqjen duke mos arritur rezultatin e kërkuar: trembjen e Metës. Por të paktën tërheqja nuk u bë shumë e zhurmshme.
Pas kësaj raporti dypalësh ka qenë i pritshëm: Meta nuk firmos shumicën e ligjeve, ndërsa PS-ja kërcënon nëpërmjet Taulant Ballës. Të paktën ta kërcënonte Tom Doshi, që të shpresonin se Meta do të trembej.
Por me afrimin e zgjedhjeve situata po rëndohet. Meta e ka treguar haptas që do të jetë pjesë e saj. Me një opozitë e cila e ndjen mungesën e lidershipit, nuk është çudi që ai të dalë në mitingjet elektorale. Këtë nuk ka mundësi t’ia ndalojë askush. Punë e madhe se ka një shkelje të hapur të statusit të tij institucional, pasi për Metën kjo është luftë për jetë a vdekje me kundërshtarët që ka përballë, por është një rast i mirë për të qenë lider i opozitës.
Kjo mund t’i interesojë edhe socialistëve si një argument elektoral më shumë, që opozita që kanë përballë nuk respekton institucionet.
Ky hap do të sjellë një zhbalancim total të pushteteve ku as formalisht nuk do të kemi një president mbi palët. Por mesa duket të gjithë e kanë pranuar këtë sfidë. Fundja jemi mësuar. As ndërkombëtarëve nuk do t’u bëjë përshtypje pasi fushata promovuese për turizmin që bën këto muaj, u ka treguar që në këtë vend populli ka punët e veta dhe politika të vetat.
Vetëm se të gjithë duhet të jemi të qartë që rishtas kjo është një përplasje mes Edi Ramës dhe Ilir Metës dhe Sali Berishës; është një përplasje ku nuk do të lexojë kush programet dhe as çështjet e integrimit, por për interesat ekonomike apo vendet e punës, ndaj ka për të qenë e ashpër. Se po të ishte për Bashën dhe Kryemadhin, Rama as merrte mundimin të dilte në fushatë./dritare.net/
10 komente në “Bëjini llogaritë me Ilir Metën”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Berisha dhe Meta përsëri me pushtet?!?!?!?!?
Duket qarte nga sponsorizohet bashkeshorti i Rudines!
Me te vertete q qenke njeri maskara.Ty duhet me te q. gruan qe ta njohesh per zot.
Populli mezi po pret burgosjen e dy krimineleve “bandite, mafioze dhe hajdute Berisha dhe Meta,
Kta horra duhet te ikin te gjith…mos shkruani per asnje se jan isoj.
Ah mer lepires i Metes
Kujt ja thone rilindasit qe presidenti nuk eshte i paanshem?! Neve?!
Ne e zgjodhem, apo ata?!
Apo nuk e dinin se ishte hajdut i diskretituar?! Po rilindasit e menduan ndonjehere per presidentin qe zgjodhen, se cfare mendon gjithe bota per shqiptaret, kur ne postin me te larte te shtetit, parlamenti shqiptar zgjedh nje hajdut ordiner?
Eshte kollaj ta shohin tribalizmin dhe hajvanerine tek nje bagel si Sali kerma, po kurvlleqet e tyre ne kurriz te shqiptareve a i shohin?!
Ilir Meta eshte zgjedhja e tyre halabake qe poshteruan Shqiperine , por kete se shohin. Shqetesohen vetem per peshtymat qe nje katunar halabak ne karriges e presidentit, bashke me jashteqitjet presidenciale qe “e keshillojne” dhe gruan e tij ordinere, ju hedhin ne surratin e tyre rilindas qe ka formen e menderes.
Ju jeni Kazan ujerash te zeza.
Ka luften per jete a vdekje – thote kazani Hila – dhe nuk ka problem qe shkel Kushtetuten !!!
Pa u revoltuar as me shkrimet as me komentet: e verteta eshte e vertete dhe ne rrojme ne kete realitet. A eshte i permbysur? – a eshte i percudnuar? – a eshte komplet i xhmballancuar? – keta jemi ne. Ky popull jemi. Autori ka 100% te drejte.
E bukur fjalia e fundit.hahaha