Te fundit
100 mijë € për ‘kokën’ e dy miqve: I penduari i drejtësisë rrëfen gjithçka mbi vrasjen e dyfishtë në Elbasan, Xhoni Rustën e plagosi në vithe se e parakaloi me “Audi”
1 Tetor 2020, 18:37Kronika
TEMA
Erjon Alibej, besohet se ka paguar 100 mijë euro për të ekzekutuar Emiljano Ramazanin dhe shokun e tij, Regis Runaj, ngjarje të ndodhura në 20 dhe 30 korrik në qytetin e Elbasanit.
Një fakt i tillë mbi vlerën e pagesës, ka dalë gjatë dëshmisë së bashkëpuntorit të prokurorisë së Elbasanit, Euglen Halili, i cili u ka treguar hetuesve se nga bisedat që ka zhvilluar me bashkëpuntorin në vrasje, Xhuljano Hoxha, ky i fundit i ka treguar se do merrnin 100 mijë euro, për të kryer vrasjen e Ramazanit dhe Regis Runaj, të dy personazhe që njihen në Elbasan, si shpërndarës dhe konsumatorë kokaine, shkruan Shqiptarja.com.
Deri në këtë fazë të hetimit, prokuroria e Elbasanit nuk ka mundur të gjejë dhe sekuestrojë, një sasi të tillë eurosh por është e bindur se vrasja e dy të rinjve në Elbasan, është kryer nga vetë shokët e tyre, për qëllime përfitimi.
Dëmshmitari i mbrojtur Euglen Halili, ka treguar se se Erjon Alibej, ndryshe thiret dhe me emrin Agim Shurbi. Ky personazh mësohet se që prej muajit, Maj 2020 është marë i pandehur për akuzën e “Kanosjes me armë” dhe “Mbajtjes pa lejë të armë e municioneve”, por ccuditërisht gjatë kësaj kohe ka qënë i lirë, mandje duke pasur mundësi dhe të organizojë vrasjet.
Lirimi i tij është kryer nga gjykata e Elbasanit në muajin Shkurt 2020, ndërkohë vetë Alibej alias Agim Shurbi, ishte ndaluar në janar të vitit 2019. Ai ka qëndruar vetëm 1 vit në burg, pasi në 17 shkurt është liruar nga qelia duke u lënë në masën e “arrestit shtëpiak”.
Por kjo masë sigurimi, duket se nuk e ka paguar aspak Erjon Alibej të përfshihet në ngjarjet kriminale, ku së fundmi akuzohet nga prokuroria si financuesi i vrasjes së Emiljano Ramazanit (Ilit) me 5 plumba dhe shokut të tij Regis Runaj me 27 goditje thike.
Ndërkohë për ngjarjen që Erjon Alibej alias Agim Shurbi është marë i pandehur për akuzën e “Kanosjes me armë” dhe “Mbajtjes pa lejë të armëve”, ka ndodhur në vitin 2018 në Elbasan, ku Alibej ka qëlluar plot 3 herë me pistoletë në drejtim të Xhon Rustës.
Rusta është plagosur lehtë me dy plumba në vithe dhe një që e ka prekur në bark. Shkak i kësaj përplasje me armë ka qënë se Xhon Rusta, e ka parakaluar me makinën tip “Audi” Enea Alibej.
Erion Alibej u vu në pranga më 18 shtator. Përveçse ka urdhëruar dhe organizuar vrasjen e Emiljano Ramazanit dhe Regis Runajt, Alibej dyshohet se ka marrë pjesë edhe në atentatin ndaj Bujar Çelës.
Alibej është vëllai i Endrit Alibejt, i cili u ekzekutua në Bradashesh, më 29 dhjetor të vitit 2018. Ai ka edhe një të shkuar në fushën e narkotikëve, pasi në vitin 2013 është arrestuar në Itali. Erion Alibej njihet ndryshe edhe si Andrea Alibej apo Erion Dylgjeri.
Lini një Përgjigje
Më të lexuarat
24 oret e fundit
Javen e fundit
Blog Tema
