Te fundit
Presidenti imiton Skënderbeun: Bojkotin s’e solla unë, por e gjeta mes jush…
3 Tetor 2020, 13:18Sport
TEMA
E gjithë Europa luan futboll, edhe kundër koronavirusit, e gjithë Shqipëria e futbollit luan “bojkot”, një lojë që e kurdisën “burrat”, por që po e vuajnë edhe fëmijët.
As pamjet filmike ku fëmijët e Akademive kanë ndalur këmbët dhe kanë kryqëzuar duart në mes, duke braktisur topin, nuk e bënë për të qarë Qeverinë, apo të vërë dorën në zemër për të plotësuar 4 “jetiket” e futbollit. Më e keqja..kjo lojë hileqare s’paska fund .
Kur në fushë ndeshen qeveritë, ajo e politikës dhe ajo e futbollit, të bëhet sikur “arkivolit” të kësaj loje i shtojmë edhe një gozhdë nga të fundit. Ishim mësuar me stadiume të boshatisur, por nuk e paskemi ditur se një ditë do të mësoheshim edhe pa frymën e fundit të futbollit.
A mund të jetohet pa futboll? Shqipëria e “principatave” dhe e “dukave” po vërteton se nuk qënka e vërtetë postulati se futbolli është gjëja më e rëndësishme midis gjërave të parëndësishme.
U bënë 4 javë pa futboll, dhe “pronari”, i zoti topit dhe bojkotit bashkë , i “pafajshmi i përhershëm”, presidenti Duka, s’ngopet duke kapërcyer edhe ylberin e Nastradinit. Në shfaqjen e fundit televizive ka imituar fjalët e lashta të Skënderbeut:
“Bojkotin nuk e solla unë, por e gjeta midis jush, midis klubeve! E ftoj kryeministrin ta ushtrojë kompetencën e tij dhe unë për 5 minuta e bëjë kampionatin që të rifillojë..” Vetëm 5 minuta!
Kjo kënga e fundit e futbollit është bërë më shumë se qesharake, sepse njëherë thotë se bojkotin e bëri populli i futbollit, pastaj “harron”me arrogancë , duke thirrur se ..për 5 minuta do të bëhet gati “simitja e futbollit”.
Një simite aq e prishur, sa pronari i bojkotit preku orgazmën e intervistës në ekranin e RTSH-së kur tha se ..sipas meje Kreyministrit i ka lënë një shije të keqe bojkoti pasi tha… luani se pastaj e zgjidhim”. Hajde lojë, hajde (Sfidanti.al)
2 komente në “Presidenti imiton Skënderbeun: Bojkotin s’e solla unë, por e gjeta mes jush…”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
po perse i mblodhi ne bjellorusi ky duka i famshem.I mblodhi per te bere kete dhe ja ngarkoi kokdhimes ta iniconte tani del e thote nuk e bera une.Ai duhet te qerohet nje ore e me pare se po demton futbollin shume.Cdo gje ne federate vetem ne funksion te interesave te tij tani do dhe leke nga taksat.Nje njeri qe nuk ka luajtur 1 minut futboll drejton dhe jep mendime per futbollin
Mashtruesi Duka i krimit eshte organizatori i fshehte i bojkotit.A nuk ishte ku ne diten e inagurimit te arenes kombetare ku per te qene te ndershem Rama meritonte nje ” faleminderit” u degjuan thirje ” Rama ik” nga militante te FRPD te cilet kishin marre bileta te organizuar ne tribunen karshi nga vete Duka i ” klanit te Zemunit”( sipas Berishes).