Lëkundjet sizmike “abonohen” tek Gjiri i Lalzit, SPAK asnjë “vizitë” tek vilat miliona euroshe të politikës për ndonjë “tërmet” ligjor

Në këto dy vite pothuajse të gjitha tërmetet, që nga ai i 21 shtatorit dhe 26 nëntorit të vitit të kaluar e duke përfunduar tek i sotmi, e kanë pasur qendrën tek Gjiri i Lalzit.

Pavarësisht nga thellësia, me sa duket e gjithë e keqja e lëvizjeve të pllakave tektonike kanë pasur epiqendrën në Lalz.

Dikush e shpjegon shkencërisht me lëvizjen e këtyre pllakave në thellësi të Adriatikut, si një situatë normale dhe që ka një përsëritje ciklike prej 40 vitesh.

Por ka dhe nga ata që e quajnë si një mallkim i shumëfishtë që vjen nga Gjiri i Lalzit ku më 26 nëntor 2019 tërmeti këputi në mes jetën e 51 njerëzve. Por dhe shkaktoi dëme të mëdha në banesa në Durrës, Thumanë, Kurbin, Tiranë dhe Lezhë.

Ndonëse me aplitudë më të ulët dhe pas mesnatës së sotme, lëkundjet sizmike kanë bërë që banorët të mos e ndjejnë veten të qetë dhe të sigurtë.

Nuk mungojnë dhe zërat se “mallkimi” për banorët e këtyre zonave vjen dhe për shkak se në Gjirin e Lalzit është grumbulluar gjithë e keqja e Shqipërisë, që ka ndërtuar vila me paratë e vjedhura të shqiptarëve.

E quajnë “hakmarrje të natyrës” por që po godet banorët e thjeshtë, ndërsa vilat e politikanëve dhe zyrtarëve të lartë të drejtësisë, policisë dhe administratës nuk kanë pësuar asnjë dëm.

Janë derdhur mijëra e mijëra ton beton dhe hekur në këto vila, pa kursim pasi paratë e shqiptarëve janë investuar aty. Rrogat nuk dalin as për naftën e makinave luksoze.

Ndërsa tërmeti është “abonuar” në Gjirin e Lalzit dhe politikanët qëndrojnë të qetë dhe të sigurtë në vilat e tyre miliona euroshe, ngadalësia e veprimeve nga drejtësia e re dhe më konkretisht nga  SPAK është e pashpjegueshme në këtë rast!

SPAK dhe Byroja Kombëtare e Hetimit janë ngritur posaçërisht për luftën ndaj korrupsionit dhe parave të pista të vëna përmes tij dhe krimit të organizuar.

Nëse kërkohet indicie nga ana e SPAK për të nisur menjëherë hetimet, ato janë me shumicë dhe vetëm duhet vullnet dhe pak guxim për të “zbarkuar” në ishullin e sheik-ëve të politikës dhe administratës së lartë.

Dhe një qytetar i thjeshtë di ta bëjë llogarinë se si Sali Berisha i bëri paratë për të ndërtuar atë supervilë në Gjirin e Lalzit, pavarësisht se justifikohet se është e vajzës së tij Argita Berisha Malltezi.

Apo vila e Ilir Metës dhe Monika Kryemadhit afër asaj të Sali Berishës. Tërë jetën rrogtarë shteti, me fëmijë të shkolluar jashtë vendit në shkollat më të shtrenjta. Ndërkohë që kanë “mbjellë” vila dhe pallate që nga Tirana, Golemi e deri në Gjirin e Lalzit. Blejnë dhe vota madje.

Po kështu dhe të kreut të PD Lulzim Basha i cili lëviz bashkë me Kunatin e famshëm. Dy vila në Lalz, dy në Hamallaj, dy në zonën më të preferuar të Tiranës, pallat në Tiranë. Pasuri pa fund!

Nuk është pasuruar askush me rrogë në Kosovë, as kreu i UNMIK, EULEX apo organizata të tjera që u instaluan në Kosovën e pasluftës nuk e kanë parë në ëndërr një pasuri të tillë si të Lulzim Bashës. Të vartësit të vartësit, të vartësve të tyre!

Po kështu dhe ish ministra dhe ministra, zyrtarë të lartë të policisë që kanë kaluar madje dhe Vettingun në polici, janë banorët e vilave miliona euroshe të Gjirit të Lalzit.

Qytetarët e thjeshtë i shohin nga larg, pa mundur të depërtojnë në thellësi të këtij “oazi” paqeje të banesave luksoze, sa dhe Pablo Eskobar sa ishte gjallë nuk e kishte blinduar në këtë formë banesën e tij të vënë me paratë e drogës.

Dhe nuk është vështirë që të nisë një hetim i thelluar për paratë që janë hedhur në Lalz nga politika për vilat e tyre.

Qytetarët shohin çdo ditë Berishën, Metën, Kryemadhin dhe zyrtarë të tjerë që postojnë në rrjetet sociale, pa u druajtur fare, foto e video të relaksit në “Bllokun” e ri të pasunarëve të politikës.

Madje bëjnë apel dhe për rrëzimin e qeverisë emër të qytetarëve të vobektë dhe në kulmin e varfërisë. Bëjnë thirrje dhe për bllokimin e lëvizjes së rinisë jashtë vendit.

Shfaqen si “Robin Hudë” në kohëve moderne teksa deklarojnë se paratë që kanë marrë oligarkët nga buxheti i shtetit, do t’ua marrin pas 25 prillit dhe do ua shpërndajnë qytetarëve.

E thonë përditë Berisha, Meta, Basha e Kryemadhi, “peshat e rënda” që kanë qeverisur dhe rrjepur këtë vend për 30 vite me radhë. E thonë dhe “bashkëqytetarët” e tjerë të Lalzit.

Pikërisht kjo zonë ka qënë “arenë” e përplasjeve të mëdha të krimit në pushtet dhe të rrugës për të përfituar sa më shumë nga kjo zonë e begatë në qarkun e Durrësit.

Vite më parë ekzekutua me ekspolziv në Vlorë një gjyqtar, Skerdilajd Konomi. Pista e vetme ishte përplasja për pronësinë në Gjirin e Lalzit. Akoma është pa autor. Pavarësisht se u lakuan emra kriminelësh, politikanësh e deri gazetarësh me emër si të involvuar në këtë vrasje.

Eshtë plagosur një prokuror, Arian Ndoja ndërsa shoferi i tij u nda nga jeta. Prokurorit në makinë iu gjetën harta dhe dokumente për tokat në Gjirin e Lalzit.

Eshtë arrestuar kreu i kadastrës së Durrësit Liridon Pula, nën akuzën se ka tjetërsuar prona në Gjirin e Lalzit dhe më tej. Ndonëse opinioni është ndarë në dy pjesë, ku flitet se është dhe “viktimë” e luftës për territor që krimi i lidhur me politikën e drejtësinë po zhvillon në këtë zonë.

Mjafton të thellohet hetimi në këto krime të pazbardhura dhe të “kryqëzojnë” faktet me vilat miliona euroshe në Gjirin e Lalzit për të arritur në zbardhjen e lidhjeve shumëfishe të krimit me politikën dhe politikanët që kanë interesa të forta në këtë zonë të preferuar.

Partnerët tanë ndërkombëtarë dhe qytetarët shqiptarë presin shumë nga drejtësia e re, që të fillojë pikërisht me dosjet e mëdha dhe më të lehta për t’u hetuar.

Janë dosje të rënda, hetimi rigoroz i të cilave mund të shkaktojë “tërmet” në politikën dhe shoqërinë shqiptare. Duke i dhënë fund pandëshkueshmërisë në këtë vend!

Njëherësh mund të ndryshojnë dhe mendjen e vendeve skeptike të BE, që të përshpejtohen hapat e integrimit të Shqipërisë në familjen europiane.

Në çdo raport të partnerëve tanë, SHBA dhe BE, pikërisht lufta kundër korrupsionit dhe arrestimi i “peshqve të mëdhenj”, është fjala e parë dhe e fundit që përmendet. Vendet rreth nesh e kanë bërë.

Kroacia nuk e fali ish kryeministrin Ivo Sanader, i cili pavarësisht se hapi dyert e Europës për vendin e tij, është në burg për një përvetësim sa gjysma e vilës së Ilir Metës, apo Lulzim Bashës e Sali Berishës. Po ashtu dhe Rumania, Maqedonia e Veriut e deri tek Serbia.

Shqiptarët dhe partnerët tanë ndërkombëtarë presim me padurim lëvizjen e SPAK dhe të Byrosë Kombëtare të Hetimit. Nuk u hyjnë në sy goditjet anësore që po jep./M.Nikaj-TemA

Rama firmos marrëveshjet me BERZH për turizmin dhe trashëgimninë

12:40 Politika

Lefter Maliqi kërkon revolucion: I bëj thirrje Metës që të ngrihemi në këmbë kundër këtij regjimi, na prij

12:04 Politika

Ilir Meta, provë "force" me vargjet e këngës së Eposit të Kreshnikëve: Me Edin! “Fort po shndrit ai diell"

11:46 Politika

Basha hap "thesin": Deri në 25 prill çelësat i ka Rama, sa të bëhem kryeministër paratë e oligarkëve do jua jap ju

11:33 Politika

Holanda, kategorike kundër Shqipërisë: Tirana nuk e meriton çeljen e negociatave, Shkupi po

10:17 Politika

Humbja e çunit të Fahriut në Pogradec, reagon grupi i Partisë Demokratike: Karriera e Klevisit në PD do shkëlqejë si diamant, ka një të ardhme të ndritur përpara

11:36 Politika

Protestuesit e Unazës së Re, letër Bashës: Ndjesë Klevis Balliu se të morëm më qafë o njeri i mirë, Basha fute në listë se ajo që ndodhi në Pogradec është vepër e Taulant Ballës

11:11 Politika

Komisioneri Várhelyi: Shqipëria më pranë se kurrë hapjes së negociatave

09:58 Politika

“Ata erdhën për Berishën”. Rrëfimi i ish-mikut të ngushtë të Hajdarit: Nuk fola për 22 vjet. Takimi një natë para vrasjes

09:11 Politika

Rama iu përgjigjet me shifra akuzave të opozitës: 210 milionë USD më shumë se sa në vitet e atyre që e çuan Shqipërinë buzë greminës

08:48 Politika