Te fundit
25-vjeçari infektohet për herë të dytë me Covid, sëmundja bëhet edhe më e rëndë
13 Tetor 2020, 12:11Sociale
TEMA
Një person është infektuar për herë të dytë me koronavirusin Covid-19, ndërsa sëmundja shfaqet më agresive dhe më e rëndë.
Rasti ka ndodhur në Shtetet e Bashkuara të Amerikës, dhe mjekët thonë se Covidi i shfaqur për herë të dytë bëhet shumë më i rrezikshëm se hera e parë.
I riu kishte nevojë për trajtim mjekësor, pasi mushkëritë e tij nuk arrinin që të mbusheshin me oksigjen.
25-vjeçari tani është shëruar, ndërsa rasti i tij është marrë në studim. Shkencëtarët thonë se ai nuk vuante nga ndonjë sëmundje tjetër bashkëshoqëruese.
Studiuesit deklaruan se imuniteti i 25-vjeçarit nuk u forcua më shumë pas infektimit herën e parë me Covid-19.
“Zbulimet tona dolën në konkluzionin se infeksioni i mëparshëm nuk mund të mbrojë domosdoshmërisht nga infeksionet e tjera. Riinfektimi mund të shfaqet me komplikacione më të mëdha”, tha studiuesit Mark Pandori nga Universiteti i Nevadas.
Ai bëri thirrje që edhe ata persona të cilët kanë kaluar njëherë Covid-19, të qëndrojnë me maska, të ruajnë higjienën dhe të respektojnë distancën fizike.
Janë të rralla rastet kur pacientët infektohen për herë të dytë me Covid-19, aq më tepër në gjendje të rënduar.
A bëhen të gjithë imunë? Edhe ata që kanë kaluar infeksionin me simptoma të lehta? Këto janë pyetje që do të duhet të marrin përgjigje në të ardhmen.
1 komente në “25-vjeçari infektohet për herë të dytë me Covid, sëmundja bëhet edhe më e rëndë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Lind me te drejtë pyetja :
– Nqs eshte I vërtetë ky artikull nuk ka efekt vaksinimi !
Nqs nuk krijon antitrupa ne organizëm vete semurja me covid -19 , si do te krijoje vaksina ???!!!