Te fundit
COVID-19: Gjiganti farmaceutik zviceran prezanton një test antigjenik
13 Tetor 2020, 15:22Bota
TEMA
Gjiganti farmaceutik zviceran “Roche” do të prezantojë një test të ri antigjenik, i realizueshëm në volume të mëdha për të diagnostikuar COVID-19, njoftoi ai duke shtuar se ky test që mundëson marrjen e rezultatit në 18 minuta do të ndihmojë në lehtësimin e sistemit shëndetësor.
“I quajtur Elecsys SARS-CoV-2 Antigen, ky test i destinuar për t’u realizuar në laborator mundëson zbulimin e pranisë së antigjeneve specifike të sëmundjes”, theksoi grupi zviceran në një komunikatë.
Prezantimi i tij është planifikuar për në fund të vitit në vendet që pranojnë shenjën europiane të konformitetit CE. Grupi zviceran gjithashtu synon të paraqesë një kërkesë për autorizim të përshpejtuar për tregun amerikan.
“Testi mund të përdoret si një alternativë me testet PCR kur këto të fundit nuk janë të disponueshme ose nëse kapaciteti i testimit është nën presion për të ndihmuar profesionistët e kujdesit shëndetësor të kontrollojnë pacientët me simptoma të sëmundjes”, nënvizoi grupi zviceran.
Ky test është i destinuar për t’u realizuar në makineritë e ashtuquajtura ”Cobas”, të pranishme në shumë spitale dhe laboratorë, që mund të trajtojnë deri në 300 mostra në orë dhe të japin një rezultat në 18 minuta.
Numri një botëror i onkologjisë, ”Roche” mbështetet gjithashtu në një ndarje të rëndësishme të specializuar në diagnostikim, i cili kontribuon më shumë se 20% të të ardhurave të tij.
1 komente në “COVID-19: Gjiganti farmaceutik zviceran prezanton një test antigjenik”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Lereni Testet Gjenik se populli ne tere botes eshte ne frike dhe panik nga kjo epidemi globale e shekullit ku deri me tani jane infektuar ne milione njerez dhe kane vdekur me qindra,mijera njerez te infektuar nga Covid-19 ne te cilen deri me tani nuk eshte zbuluar vaksina dhe eshte turp me ekpert infektive dhe doktoret e mjekesise si dhe kompani farmaceutike qe ende nuk e kane zbuluar vaksinen per te shpetuar popullin ne tere boten nga virusi vdekjepruses?!