PD përshëndet Metën për kthimin në Kuvend të ndryshimeve të Kodit Zgjedhor: Akt i pjekur! Maxhoranca kërkon fitore në tavolinë, urgjent në "Venecia"

Partia Demokratike ka reaguar lidhur me kthimin në Kuvend nga presidenti Meta të ligjit për disa ndryshime në Kodin Zgjedhor.

Përmes një deklarate për mediat, Sekretari i Përgjithshëm PD-së, Gazment Bardhi, e ka cilësuar si akt të pjekur veprimin e Kreut të Shtetit.

Sipas Bardhit, maxhoranca po përdor truke elektorale pasi ka frikë nga zgjedhjet e lira dhe kërkon fitore në tavolinë.

“Përshendesim aktin e Presidentit të Republikës për dekretimin e kthimit për rishqyrtim të ligjit për ndryshimet në Kodin Zgjedhor, dhe për kërkimin e marrjes së opinionit urgjent të Komisionit të Venecias.

Ky akt është hap dhe mundësi në rikthimin e paqes dhe klimës zgjedhore në vend. Marrëveshja e 5 qershorit ishte themelore për një proces zgjedhor të pranuar nga palët. Ndërhyrja në Kushetutë bie ndesh me marrëveshjen e 5 qershorit.

Një akt i tillë i ndërrmarrë nga maxhoranca përveçse minon klimën parazgjedhore, synon qartë deformimin e rezultateve. Akte të tilla kompromentojnë interesin publik dhe rrugën europiane të Shqipërisë.

Ndërkohë akti i presidentit është akt i pjekur dhe mundësi e mirë për të rikthyer gjithpërfshirjen në konsensusin politik. Zgjedhjet e lira dhe të ndershme janë shërbimi më i mirë që qeveria ka për detyra t’ja ofrojë qytetarëve”.

Deklarata e plotë:

Opozita e Bashkuar përshëndet aktin e Presidentit për kthimin për rishqyrtim Kuvendit të Shqipërisë për Kodin Zgjedhor dhe kërkimin e marrjes së Opinionit urgjent nga Komisioni i Venecias.

E vlerësojmë si hap dhe mundësi e rëndësishme, në drejtim të rikthimit të paqes publike dhe klimës zgjedhore në vend. Miratimi i Kodit Zgjedhor, si produkt i marrëveshjes së 14 janarit dhe konkluduar me marrëveshjen e 5 qershorit, ishte një arritje madhore e klasës politike në vend, mbështetur fuqimisht nga faktori ndërkombëtar.

Në vetvete ajo marrëveshje dhe miratimi i Kodit Zgjedhor në 30 korrik, shtroi baza të mira për krijimin e kushteve të pranueshme ligjore për zhvillimin e zgjedhjeve të 25 prillit. Paqja publike dhe pranueshmëria e klimës parazgjedhore janë premisë themelore për një proces zgjedhor të gjithë pranuar.

Ndërhyrja e njëanshme dhe brutale në Kushtetutë, e pasuar nga deformime të rënda ligjore që mbartin ndryshimet e fundit në Kodin Zgjedhor, bien ndesh hapur me marrëveshjen e 5 qershorit dhe tekstin e sapo miratuar të Kodit Zgjedhor.

Një akt i tillë, i ndërmarrë nga ana e mazhorancës së kapluar nga paniku i humbjes zgjedhore, përveçse minon klimën parazgjedhore, synon qartazi deformimin e rezultatit zgjedhor në tavolinë.

Ky akt, i realizuar jashtë Tryezës së Këshillit Politik, mbetet një shkelje e flagrante e marrëveshjes së 5 qershorit. Akte te tilla, të marra në verbëri politike, komprometojnë rëndë interesin publik dhe, mbi të gjitha, rrugën integruese të Shqipërisë.

Hapësira që Presidenti i Republikës ka dhënë, nëpërmjet rikthimit për shqyrtim në Kuvend, e shoqëruar me kërkesën për marrjen e opinionit urgjent nga Komisioni i Venecias, është jo vetëm një akt i pjekur në vazhdën e traditës politike dhe parlamentare 30 vjeçare, por edhe një mundësi e mirë për të rikthyer gjithë përfshirjen dhe konsensusin politik, si dhe gjetjen e zgjidhjeve teknike për eliminimin e deformimeve të rënda kushtetuese që mbartin ndryshimet e fundit në Kodin Zgjedhor.

Zgjedhjet e lira, të ndershme e të qeta, janë shërbimi më i mirë që qeveria e ka për detyrim t’ia ofrojë shoqërisë shqiptare edhe si zgjidhje për situatën e rëndë politike, ekonomike dhe sociale që vendi po kalon.   Dhe, mbi të gjitha, si rruga e vetme drejt së ardhmes europiane të vendit.

Meta ktheu ndryshimet në Kodin Zgjedhor, reagon Balla: President mistrec dhe hileqar

15:12 Politika

Eleminimi me 5 vota i Ervin Salianjit, Bujar Nishani i jep kurajo: Tani i takon institucioneve të tjera për të përcaktuar se cila do të jetë lista përfundimtare

15:19 Politika

Bujar Nishani beson: Shqipëria ka nevojë për një tronditje të fortë pas 25 prillit, PD ka një mision

15:09 Politika

Batutat/ “Kokën time vetëm PS e nxë, jo gjë tjetër”! Ramës i dhurojnë maska në Lezhë, një mesazh për “burrin që më vuri në pozitë të vështirë”

15:04 Politika

Kryemadhi, thirrje banorëve të Kombinatit, Vorës e Shijakut për rebelim: Mos dilni nga shtëpitë pa kontratë me shtetin, kërkoni t’ju rindërtohet në të njëjtin vend

14:58 Politika

VIDEO/ Rama publikon pamje nga landfilli i Sharrës: Nuk ka shërim kush i ka sytë dhe s’do të shikojë

14:57 Politika

Rama ironi me Metën nga shtëpia-muze e Gjergj Fishtës: Jep dekorata për t’i dhënë vetes një fuqi imagjinare mbi të tjerët

14:29 Politika

“Viktimë e mençurisë së tij”, Genc Ruli i përgjigjet Berishës pasi i kërkoi të mbyllë karrierën: Misioni vazhdon edhe jashtë politikës aktive, angazhimi yt s'është më i nevojshëm

14:20 Politika

Dërgimi i çështjes së detit në Hagë, Ilir Meta: Rama nuk është konsultuar me mua, nuk e ka marrë vesh akoma që president jam vetëm unë në këtë vend

13:55 Politika

"Sheriat për hajdutët", Ilir Meta propozon masën ekstreme: Kush vjedh t’i pritet dora

13:41 Politika