Te fundit
Policia e Tiranës, rekord gjobash për automjetet: 120 të tilla vetëm në “Myslym Shyri”, për 12 orë
23 Tetor 2020, 10:53Kronika
TEMA
Policia Rrugore e Tiranës ka vendosur 120 gjoba përgjatë 12 orëve, vetëm tek “Myslym Shyri”.
Në rrugën “Myslym Shyri” mbetet shqetësim i përditshëm parkimi i mjeteve në korsinë e lëvizjes, që sipas policisë ka krijuar pengesa serioze në qarkullimin e mjeteve dhe duke u bërë rrezik për aksidente rrugore.
Por, shumica janë të detyruar të bllokojnë rrugën, pasi vënia e korsive të biçikletave ka ngushtuar rrugën dhe tani askush nuk ndalon dot, për çështje pune në atë zone.
Njoftimi i Policisë
Rrugoret e kryeqytetit, monitorim të dedikuar përgjatë 12 orëve, ndëshkojnë 120 automjete të pushuara në kundërshtim me dispozitat e Kodit Rrugor, në rrugën “Myslym Shyri”, e cila shërben si një arterie kryesore për lidhjen e unazës së mesme me unazën e vogël dhe qendrën e kryeqytetit.
Duke qenë se rruga “Myslym Shyri” njihet si një nga rrugët më të rëndësishme për njësitë tregtare në kryeqytet, mbetet shqetësim i përditshëm parkimi i mjeteve në korsinë e lëvizjes, duke krijuar pengesa serioze në qarkullimin e mjeteve dhe duke u bërë rrezik për aksidente rrugore, për shkak të manovrave që përdoruesit e rrugës kryejnë nga njëra korsi në tjetrën.
Duke konsideruar vështirësitë e lëvizjes, për shkak edhe të kantiereve të ndërtimit në disa prej akseve kryesore të kryeqytetit, shqetësimet dhe problematikat që adresohen herë pas here nga qytetarët, në lidhje me parkimet e gabuara, kryesisht ato në rresht të dytë, Policia Rrugore e Tiranës ka nisur zbatimin e një plani veprimi, mbi monitorimin dhe kontrollin e akseve rrugore të evidentuara si me problematiket në raport me mënyrën e qëndrimit dhe pushimit të mjeteve në rrugë, me qëllim disiplinimin dhe ndërgjegjësimin e drejtuesve të mjeteve mbi rrezikun dhe problematikën që ata shkaktojnë, me sjelljen e tyre në kundërshtim me dispozitat e Kodit Rrugor të Republikës së Shqipërisë.
Rrugorët e kryeqytetit do vijojnë patrullimet policore në funksion të planit të veprimit, me qëllim që përdoruesit e rrugës të kuptojnë dhe respektojnë detyrimet ligjore, kur përdorin rrugën si zonë për përdorim publik, e destinuar për qarkullimin e këmbësorëve, mjeteve dhe kafshëve, sipas sinjalizimit rrugor të vendosur nga enti pronar i rrugës.
Policia e Shtetit fton qytetarët dhe përdoruesit e rrugës të ndihmojnë në rritjen e parametrave të sigurisë, duke kontribuar të gjithë për ndërtimin e një ambienti më të sigurt.
#udhëtonitësigurt
#mosubëjpengesë
#ambulancakanevojëpërrrugën
1 komente në “Policia e Tiranës, rekord gjobash për automjetet: 120 të tilla vetëm në “Myslym Shyri”, për 12 orë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
korsia e bicikletave eshte me e rendesishme se makina qe ndalon per te pire kafe apo per te blere rroba. Njerezit duhet te mesohen qe nuk shkojne dot deri te dera e dyqanit apo deri te tavolina e lokalit me makine, do u duhet te parkojne diku me tutje e te ecin ca ne kembe se nuk treten.