Te fundit
Gati 6 pika në kryeqytet për kryerjen e testit të shpejtë Covid: Rastet do të referohen nga mjekët e familjes
20 Dhjetor 2020, 15:52Sociale
TEMA
Prej kësaj të hënë 6 qendra shëndetësore në kryeqytet do të kryejnë testet e shpejta.
Në udhëzuesin e siguruar testi i shpejtë do të kryhet në qendrat shëndetësore numër 2, 4, 6, 9, Kodër Kamza dhe Qyteti Studenti.
Brenda një pike testimi do referojnë mjekët e familjes të 3-4 apo më shumë qendrave shëndetësore të ndara sipas udhëzuesit të Operatorit të Shërbimeve të Kujdesit Shëndetësor.
Kështu tek pika e ngritur për testin e shpejtë tek qendra shëndetësore nr. 4 do të kryejnë “rapid” test pacientët e qendrës shëndetësore nr.3, 4 dhe 7.. Ndërsa banorët e Paskuqanit, Kamzës, Bathores, Kodrës Kamëz, Bërxullës, Prezës dhe Vorës duhet ta kryejnë tek Qendra Shëndetësore e Kodër Kamzës.
Të 6 qendrat shëndetësore që do të kryejnë testin e shpejtë do të kenë një dhomë të veçantë me logjistikën e duhur si dhe hyrje më vete për pacientët e dyshuar me Covid.
Testi i shpejtë do të kryhet nga një infermier dhe një mikrobiolog. Ky test mund të kryhet 5-7 ditët e para të shfaqjes së shenjave klinike. Në rast se një person i dyshuar Covid ka më shumë se 7 ditë, ai do të referohet për tampon.
Çdo pikë e testit të shpejtë do të kryejë afro 30 deri 70 të tilla në ditë nga ora 10:00-14:00.
1 komente në “Gati 6 pika në kryeqytet për kryerjen e testit të shpejtë Covid: Rastet do të referohen nga mjekët e familjes”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ska pse te referohen nga mjeku familjes. Kush ka shenja, prenoton online, jep emrin qendres shendetesore ku vizitohet, adresen dhe zgjedh, ne varesi te qendres se banimit, qendren e testimit. Jashte, kë nuk e ka zene korona, shkon te testohet sa here ka shenja, madje testohen edhe ne perdundim te infektimit, per te pare a janë ende pozitive apo negative.