Ferraj i Vetëvendosjes: Qeveria "Kurti" s'do ta njohë marrëveshjen Serbi-Kosovë në prani të Trump, as mini-Shengenin

Gjykata Kushtetuese në Kosovë nxori të hënën një aktgjykim  pro kërkesës së Lëvizjes Vetëvendosje për shpalljen të pavlefshëm votimin në Kuvendin e Kosovës për zgjedhjen e Qeverisë Hoti më 3 qershor.

Lidhur me këto zhvillime të fundit në Kosovë, profesori Hysamedin Ferraj, përfaqësues i LVV, është shprehur se nismën e mori partia e Albin Kurtit për të paditur rrëmbimin e shtetit, ndërsa çlirimtarja e shtetit në këtë rast ishte Kushtetuesja.

Në një bisedë me gazetarin Endri Xhafo në ABC, Ferraj tha se në zgjedhjet që e presin vendit VV do të arrijë 50 për qind të votave. Po ashtu, profesori u shpreh së në Kosovë vihet re një zhvendosje të elektoratit nga kalkulizmi drejt një etike të virtytit.

Dhe, këtë virtyt sipas tij krahas tipareve të tjera, elektorati e ka parë tek Albin Kurti dhe Vjosa Osmani.

“Kurti e ka provuar karakterin e vet, përballjet me premtimet, e ka pranuar që nuk pranon të qeverisë me çdo kusht, është i gatshëm të ruajë qëndrimet e veta, edhe duke e lënë qeverisjen…”

Ndërsa, duke folur për një qeveri të dytë të Kosovës me në krye LVV, Ferraj tha se ajo nuk do të jetë shumë e ndryshme nga qeveria e parë.

“E nisi seriozisht luftën kundër korrupsionit në gati dy muaj qeverisje, dhe ky është kushti themelor për integrim. Ndërsa, në politikën e jashtme, mbetet qëndrimi i vendosur përballë Serbisë.”

I pyetur nëse administrata e Joe Biden do t’i jepte më shumë lehtësi Kurtit për të vijuar politikën e reciprocitetit me Serbinë, Hysamedin Ferraj tha se nga SHBA nuk presin vetëm lehtësim por edhe mbështetje.

Ferraj theksoi se marrëveshja e 4 shtatorit, e firmosur në Uashington me Serbinë, nuk do të njihet nga qeveria Kurti.

“Ajo nuk është marrëveshje, është i zotim i Hotiit, çka do bënte ai nëse do të qeveriste, nuk angazhon askënd. Veç Avdullah Hotin.”

Por, a do të dalë edhe qeveria Kurti, ashtu si Vjosa Osmani kundër mini-Shengenit Ballkanik? Ferraj tha se, për mendimin e tij, nuk do duhej që Kosova të ishte pjesë e kësaj nisme.

“Problemet Kosovë-Serbi, janë politike jo ekonomike. Asnjë problem politik nuk zgjidhet mbi bazën e parimeve ekonomike. Duhet praktikisht që Serbia të njohë pavarësinë e Kosovës, të kërkojë falje për viktimat, të bëjë dëmshpërblimet…Të zgjidhen një herë problemet politike, pastaj vijnë ato ekonomike.”

Kurse, një mandat i tretë i Ramës, me një qeveri të kryesuar nga Albin Kurti në Kosovë nuk do t’i bënte dy vendet që të shkonin mirë në nivel qeverie, por, sipas tij, ndoshta mund të sillte një lloj tjetër uniteti.

"Ku*vë, thikën në fyt": Kërcënohet ambasadorja shqiptare

19:30 Rajoni

FOTOT: Qendër moderne logjistike në Kosovë, investimi i fundit i Balfin

18:35 Rajoni

Millorad Dodik, anëtari serb i Presidencës në Bosnje rezulton me COVID-19

18:54 Rajoni

Namik Dokle ndan situatën e pazakontë me gruan që priste rezultatin e testit: Çfarë t’u thuash njerëzve të tillë

18:08 Rajoni

ANALIZA/ Mali i Zi: Ligji i premtuar për lustracion mund të rezultojë një mision i pamundur

15:42 Rajoni

U rrah pas kritikave ndaj emigrantëve, reagon Arbana Xharra: Mendësi të tilla s'na dallojnë prej sojit të çeçenit që i preu kokën mësuesit në Francë

13:50 Rajoni

VIDEO: Sulmohet me grushte në mes të Prishtinës gazetari i njohur

12:54 Rajoni

Pa qeveri dhe president, Kosova në udhëkryqin më të madh që nga lufta

11:04 Rajoni

Ambasada amerikane në Kosovë, thirrje partive politike: Respektoni vendimin e Kushtetueses, zgjedhje të lira dhe paqësore

10:24 Rajoni

Si devijoi partia e Albin Kurtit drejt rrymave të Islamit politik në Kosovë dhe ish-Jugosllavi, dhe linçimi brutal ndaj Alma Lamas

10:07 Rajoni