Ligjvënësit republikanë e demokratë bllokojnë ndryshimet e kërkuara nga Donald Trump

Republikanët dhe demokratët në Dhomën e Përfaqësuesve të Shteteve të Bashkuara bllokuan të enjten përpjekjet për të bërë ndryshime në paketën prej 2.3 trilionë dollarësh për ndihmën për koronavirusin dhe paketën e shpenzimeve qeveritare, duke e lënë statusin e saj të paqartë pasi Presidenti Donald Trump kërkoi ndryshime të gjera në legjislacion.

Demokratët kërkuan të rrisnin pagesat e drejtpërdrejta për amerikanët parashikuar në paketë nga 600 në 2,000 dollarë për person si pjesë e një nisme për ndihmë ekonomike për koronavirusin, pasi presidenti Donald Trump e kërkoi një gjë të tillë. Republikanët, që janë kundër një pagese më të madhe e bllokuan atë kërkesë.

Më pas republikanët kërkuan uljen e shumës për ndihmën e huaj të përfshirë në paketë, në përpjekje për të plotësuar një nga kërkesat e tjera të zotit Trump. Demokratët e bllokuan atë përpjekje.

Kryetarja e Dhomës së Përfaqësuesve Nancy Pelosi tha se ligjvënësit e kësaj dhome do të votojnë për kërkesën e rritjes së pagesave personale të hënën.

Intensiteti i aktivitetit në Kongres, nuk bëri asgjë për të shmangur bllokimin që kërcënon ndihmën e domosdoshme për miliona amerikanë dhe shton gjasat e një mbylljeje të pjesshme të qeverisë në një kohë kur zyrtarët po përpiqen të shpërndajnë dy dozat e vaksinave të koronavirusit.

I indinjuar nga humbja ndaj demokratit Joe Biden në zgjedhjet e nëntorit, Presidenti Trump po i bën presion Kongresit për të ndryshuar në mënyrë dramatike paketën, e cila u miratua me mbështetje të gjerë dypartiake të hënën. Zoti Biden merr detyrën në 20 janar.

U deshën muaj negociatash për të miratuar projekt-ligjin prej 5,500 faqesh që kishte mbështetjen e administratës së Presidentit Trump.

Mbetet e paqartë nëse zoti Trump do ta nënshkruajë paketën duke e kthyer në ligj apo do të marrë masa për veprime të mëtejshme.

Pa nënshkrimin e tij, përfitimet e papunësisë për ata që largohen nga puna nga pandemia do të skadojnë që të shtunën, dhe qeveria amerikane do të detyrohej të mbyllej pjesërisht duke filluar nga e marta.

SHBA, deklaratë për Navalny-n: Ja kush e helmoi

22:10 Bota

Eksperti i njohur amerikan: Imuniteti i turmës kërkon nivele të larta vaksinimi

22:00 Bota

Tel Avivi nxit enigmën: Cili vend mysliman do të vendosë më tej marrëdhëniet me Izraelin?

21:50 Bota

Krishtlindje të pazakonta në Betlehem, me kufizime e pa vizitorë

21:40 Bota

Papa mban meshën për Krishtlindjet: Ndihmoni të tjerët në vend që t’iu vijë keq

21:30 Bota

Shilavert, ish-portieri golashënues, kandidat për president i Paraguajit

21:12 Bota

Çfarë qëndron pas faljeve të Donald Trump, për miqtë e tij që rrezikonin dhjetëra vite burg?

20:22 Bota

Varianti i ri i koronavirusit identifikohet edhe në Gjermani

19:22 Bota

E rëndë: Pacienti vret me bombol oksigjeni të moshuarin me Covid në dhomën e spitalit

18:43 Bota

Varianti i tretë mutant i Covid-19 zbulohet në Nigeri, pas atyre në Britani dhe Afrikën e Jugut

18:18 Bota