Te fundit
FOTOT: Dy arkitektët stimulojnë kushtet e vështira të Hënës, jetojnë 2 muaj në temperaturë... -16 gradë celsius
28 Dhjetor 2020, 12:28Lifestyle
TEMA
Dy arkitektë nga Danimarka kanë përfunduar qëndrimin 2-mujor në një pjesë të largët të Groenlandës për të stimuluar kushtet e vështira në Hënë.
Sebastian Aristotelis dhe Karl-Johan Sørensen, të cilët janë pjesë e një firme dizajni, SAGA Space Architects, qëndruan në një zonë me kushte mjaft të vështira atmosferike, ku temperatura mesatare ishte -16 gradë celsius, ndërsa nuk kishin as internet dhe as “smartphone”.
“Lunark”, një kapsulë nga e ardhmja, i lehtësoi atyre qëndrimin në këtë zonë të vështirë të botës, me kushte klimatike në ekstrem. Kjo kapsulë mund të paloset për të zënë sa më pak vend në raketat në Hënë. “Lunark” përballon temperaturat e ulëta deri në -45 gradë celsius, si dhe erën deri në 88 kilometra.
Ekipi, prej 2 personash, ishte i pajisur me telefona satelitorë dhe pushkë, në raste të ndonjë sulmi të rrezikshëm me jetën e egër.
Qëllimi kryesor i këtij qëndrimi, sipas “Daily Mail”, ishte për të përcaktuar nëse njerëzit pa trajtim te specializuar, mund të mbijetonin në një habitat të tillë, në pritje të një epoke të re të “turizmit hapësinor”.
“Struktura na krijoi kushte të mira dhe ne arritëm të mbanim një klimë të brendshme të rehatshme edhe në fund të ekspeditës, e cila u bë disi më e ftohtë dhe me erë më të fortë”, u shpreh Sebastian Aristotelis.
Kompania daneze, “SAGA Space Architects”, planifikon të ndërtojë struktura të ngjashme për turistët e ardhshëm të hapësirës dhe astronautët në Hënë.
4 komente në “FOTOT: Dy arkitektët stimulojnë kushtet e vështira të Hënës, jetojnë 2 muaj në temperaturë… -16 gradë celsius”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
SIMULOJNË JO STIMULOJNË!!!! OSE PËRDORNI FJALËN SHQIP ” PËRSHTASIN”!
Pershtatje dhe simulim jane dy gjera te ndryshme. Kopjim ndoshta eshte me afer per nga kuptimi. U perpoqen te kopjojne lushtet atmosferike te Henes. Sidoqofte jo stimulim, por ju falet se s’e kane mbaruar klasen e gjashte.
keta do jene nga ata qe thone koalidimi ne vend te kolaudimi
ose moster per monster ???
tamam klase e gjashte
Ngaqe jane fjale te huaja ka gabuar i shkreti