Fushatë politike dhe ekzagjerime, mesazhi i fundvitit i Armand Dukës nuk mund të ishte ndryshe

Presidenti i FSHF-së, Armand Duka, i ka “shpallur luftë” politikës dhe ndryshimet statutore sipas institucionit që drejton, janë bërë vetëm për ta mbajtur larg futbollit. Por në mesazhin e fundvitit për futbollin shqiptar, nuk ka ngurruar të vazhdojë linjën politike antiqeveritare të zakonshme të viteve të fundit, të cilëve i ka bashkëngjitur ekzagjerimet e zkaonshme që e kthejnë FSHF-në në shpëtimtaren e futbollit në vend.

Dy rrogat gjatë pandemisë që presidenti i Tiranës, Refik Halili pak kohë më parë i cilësoi “gjela deti” janë interperetuar su shpëtimtaret e futbollit në vendin tone. Gjithshtu edhe rezultatet e kombëtares, mes të cilave humbja me Lituaninë apo barazimi me Kazakistanin, janë vlerësuar si “edicion fantastic” duke marrë “maksimumin”. Me pak fjalë, një mesazh i zakonshëm ku kritikat nuk ekzistojnë e gjithçka shkon mrië në futbollin e vendit tonë.

MESAZHI I DUKËS

Të dashur miq!

Së pari uroj të jeni mirë dhe shëndet dhe pranë njerëzve tuaj të dashur në këtë fundvit. Po lëmë pas një vit të vështirë e me shumë peripeci për të gjithë shoqërinë e veçanërisht për futbollin shqiptar.

Uroj me gjithë zemër që viti 2021 të kthejë faqen e historisë dhe të jetë krejt ndryshe nga viti 2020. Ka qenë një vit kalendarik që e ka përballur edhe futbollin, ashtu si edhe çdo fushë të jetës, me sfida të panumërta. Sfida që ne i kemi përballuar me sukses, duke qëndruar bashkë dhe duke qenë si gjithmonë solidar. Në fillim tërmeti i nëntorit 2019 e më pas pandemia Covid-19 na sprovuan fort, por ne nuk u dorëzuam. Mblodhëm fonde dhe tani kemi nisur rindërtimin e katër shtëpive me donacione të siguruara nga federata partnere dhe skuadra kombëtare.

Në kulmin e karantinës së imponuar nga pandemia ne iu gjendëm pranë komunitetit të futbollit, që u braktis në mënyrën më të dhimbshme nga qeveria, duke siguruar dy paga për punonjësit e futbollit kudo në Shqipëri përmes paketës së solidaritetit futbollistik. Rifilluam të gjitha garat dhe treguam se jemi të aftë të menaxhojmë çdo aktivitet futbollistik duke respektuar protokollet sanitare. Kombëtarja mbylli një edicion fantastik sa i takon rezultateve, duke marrë maksimumin në Nations League. Klubet shqiptare gjithashtu bënë një paraqitje mjaft të mirë në kompeticionet evropiane.

Ky vit i vështirë në fakt u mbyll me një lajm fantastik për shqiptarët. Komiteti Ekzekutiv i UEFA-s vendosi që finalja e parë e kompeticionit më të ri evropian për klube Conference League të luhet në stadiumin “Air Albania” të Tiranës në maj të vitit 2022. Një arritje historike që na bën krenarë e për të cilën duhet të gëzojmë të gjithë. Mezi presim t’i tregojmë botës një nga tiparet më dalluese të shqiptarëve, siç është mikpritja.

Uroj me gjithë zemër që pasojat e pandemisë të vijnë duke u zbehur dhe bota e qytetëruar të triumfojë mbi këtë të keqe të padukshme që i krijoi kaq shumë probleme njerëzimit.

Kjo është dëshira ime më e madhe për këtë vit ri. Me rikthimin e situatës në normalitet ne do t’u rikthehemi më në fund edhe të gjitha aktiviteteve për të çuar përpara zhvillimin e futbollit.

Ju uroj të gjithë gëzuar vitin e ri 2021! Qoftë një vit sa më i mbarë dhe i begatë për të gjithë shqiptarët dhe për futbollin! Gëzuar!

Superiore 2020: Tirana, skuadra që ka bërë më shumë pike gjatë vitit. Surprizë në vendin e dytë

21:00 Sport

Postimet më të pëlqyera të vitit 2020, kryeson mesazhi i Ronaldos për Maradonën

18:12 Sport

Dhimbje dhe trishtim, 2020-a viti i lamtumirës së legjendave

16:51 Sport

Levandovski, mbreti i vitit 2020! Foto e tij në shtrat me trofetë pushton rrjetin

15:16 Sport

Sportistët shqiptarë që humbëm në 2020

19:00 Sport

Nga Balaj te Kumbulla, ja urimet e lojtarëve të Kombëtares për shqiptarët

13:02 Sport

Edy Reja: 2020, vit i vështirë dhe jo normal, por pozitiv në futboll

19:42 Sport

Teuta leksion Kukësit në “Elbasan Arena”

18:53 Sport

Klasike pa fitues, Laçi thyen Partizanin. Festojnë Skënderbeu e Apolonia

16:01 Sport

Lë topin e futbollit dhe merr dorezat e boksit, Mërgim Mavraj zbulon pasionin e tij të ri

13:30 Sport