PROFILI: Pse largimi i Nasip Naços është një goditje e rëndë për LSI-në

I lindur në Skrapar, Nasip Naço është “bashkëpatriot” me Ilir Metën, por ka një profil shumë më modest politik. Ai nuk ishte pjesë e themeluesve të LSI-së, por figura e tij është treguar mjaftueshmërisht me peshë që Lëvizjen Socialiste për Integrim ta nxjerrë forcë të parë në Qarkun e Beratit, ku e ka udhëhequr që nga zgjedhjet e 2009-ës.

Por, në zgjedhjet e 25 prillit Naço do të bëjë fushatë nën siglën e Partisë Socialiste, duke e cilësuar Lëvizjen Socialiste për Integrim një “eksperiment politik për të cilën shqiptarët nuk kanë më nevojë”.

Kulmin e karrierës së tij politike, Nasip Naço e pati në 2013-n, kur nga pakti Rama-Meta u zgjodh ministër Drejtësie në zgjedhjet e reja.

E merrte këtë detyrë vetëm 5 vite pas u përshi në politikë. Në 2008 ai la detyrën si prokuror në qytetin e Durrësit, duke dhënë dorëheqjen. U fut në politikë duke u anëtarësuar te LSI-ja dhe duke marrë drejtimin e kësaj partie në Qarkun e Beratit.

Në zgjedhjet e 2009-ës, shumë figura të njohura të LSI-së mbetën jashtë Parlamentit, por Nasip Naço ishte njëri nga katër deputetët që nxorri Lëvizja Socialiste për Integrim, e që më pas përcaktuan Qeverinë e re, pas marrëveshjes Berisha-Meta. Fillimisht nuk u përfshi në ekzekutiv, por u zgjodh nënkryetar i Kuvendit.

Pas akuzave publike të të ndjerit Dritan Prifti ndaj Ilir Metës në 2010-2011, Nasip Naço e zëvendëson në krye të Ministrisë së Ekonomisë dhe Energjisë. Këtë detyrë e mban deri në 2012, kur rikthehet si nënkryetar Parlamenti.

Në 2013, nuk u zgjodh deputet, por këtë herë pas marrëveshjes Rama-Meta, merr drejtimin e Ministrisë së Drejtësisë, nga ku do të drejtonte punën e ekzekutivit për reformën në këtë sektor. Por, në gjysmën e mandatit u zëvendësua nga Ilir Meta me emrin e Ylli Manjanit.

Ndryshimi u interpretua në atë kohë si presion i Ilir Metës ndaj Edi Ramës për të larguar nga Qeveria ministrat që akuzoheshin për korrupsion dhe lidhje me krimin nga ana e opozitës. Përflitej se përplasjen më të madhe Meta e kishte me Saimir Tahirin, që mbante postin e ministrit të Brendshëm.

Pa portofol ministri dhe pa mandat deputeti qarkulluan disa zëra se Ilir Meta po përgatiste Nasip Naçon për të marrë postin e prokurorit të Përgjithshëm. Por, kjo nuk ndodhi. Në 2017, Nasip Naço udhëhoqi LSI-në në Qarkun e Beratit duke e renditur parti të dytë, pas Partisë Socialiste me rreth 20 mijë vota dhe dy mandate.

PS nga ana tjetër merrte 4 mandate në këtë qark bastion të sajin, ndaj me këtë lëvizje të Nasip Naços, Blendi Klosi tha se tashmë socialistët do të kërkojnë pesë mandate në Qarkun e Beratit.(SI)

VIDEO+FOTO: Dita e dytë në Turqi, Rama viziton Muzeun Ataturk! Pritet me ceremoni zyrtare

10:24 Politika

Revoltohet Agron Gjekmarkaj: Rama s’ka respekt për Skënderbeun, si vete ai e iu përkulet otomanëve

10:16 Politika

Ironia e gazetarit: Merhaba Rexhep bej! Mbaj mend përurimin e tunelit të Kalimashit krah Berishës gjatë fushatës së 2009

10:10 Politika

Gramoz Ruçi uron udhëheqësit e rinj të Kongresit amerikan: Një Amerikë më e fortë, garanci për një botë më të mirë

09:55 Politika

VIDEO/ Largimi i të rinjve, Basha akuza Ramës: Unë do të kthej shpresën

09:22 Politika

Dëshmia e rrallë e ‘Kolonelit Bunker’: Kur ndërtoja tunelin anti-atomik poshtë vilës së Enverit në ‘Bllok’, ai vinte shpesh për të parë punimet dhe më thoshte…

09:17 Politika

Koçi: Berisha peshkaqen i korrupsionit! Me Metën po tentojnë sabotimin e reformës, ta harrojnë se e djegin prapë Shqipërinë

09:05 Politika

“Eh, Sali Berisha, ku je”! Artan Hoxha thumbon ish-kryeministrin pas protestës në Capitol: T’i kishe vendosur 5 snajperë në tarracë, të guxonte njeri të afrohej

08:56 Politika

Bindi Naçon t’i bashkohej PS e takimi me Fatos Nanon?! Lefter Koka flet për videon me Ramën: Bisedë miqësore, ishte koordinator i LSI në Durrës

08:46 Politika

Batuta për tensionet në SHBA: Të kishim çuar Sandër Lleshajn, do e kishte bërë tas për 10 minuta!

23:28 Politika