Te fundit
Si do riparohet fusha e stadiumit “Air Albania”: Brenda janarit do instalohen llambat dhe sistemi i ventilimit
7 Janar 2021, 12:14Sport
TEMA
Pak ditë më parë Federata Shqiptare e Futbollit paralajmëroi klubet për terrenet e rënduara dhe rrezikun e penalizmit për këtë arsye.
Kryetari i Komisionit të Infrastrukturës pranë FSHF, Arben Dervishaj tregon më tepër rreth situatës së terreneve dhe arsyet.
“Koha e dimrit dhe rëndimi i situatës për shkak të stërvitjes që bëjnë klubet në stadiume. Një seancë stërvitore e rëndon shumë më shumë fushën se një ndeshje. Numri i pakët i fushave na detyron që të kërkojmë kujdes në mirëmbajtjen që për të thënë të vërtetën nuk është në nivelin e duhur kudo”, tha Arben Dervishaj, Kryetar i Komisionit të Infrastrukturës per Top Channel
Ndërkohë 28 marsi do të jetë ndeshja e fundit në “Air Albania”, përballja me Anglinë për eliminatoret e Botërorit me këtë tapet bari. Por deri atëherë çfarë do të bëhet për fushën e impiantit më të madh dhe më modern futbollistik në vend.
“Brenda datës 15-20 janar do vijnë llambat dhe sistemi i ventilimit për një terapi intensive që do t’i bëhet fushës së Air Albania pasi nuk na premton koha për ta ndërruar dhe të jetë gati për ndeshjet e marsit që janë eliminatoret e Botërorit”, tha ai.
Sa do të kushtojë ndryshim i tapetit të barit?
“Llambat dhe sistemi i ventilimit së bashku me tapetin kushtojnë 900.000 euro”, tha Dervishaj.
Ndërkohë të gjitha klubet nga viti i ardhshëm do të duhet të plotësojnë infrastrukturën sipas kritereve të UEFA-s edhe për pjesëmarrje në Superligë.
“Çdo lloj stadiumi tek ne do të licencohet në bazë të kritereve të licencimit të UEFA-s jo vetëm për pjesëmarrje në Evropë por edhe për superligë”, tha ai.
2 komente në “Si do riparohet fusha e stadiumit “Air Albania”: Brenda janarit do instalohen llambat dhe sistemi i ventilimit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
O profesor!
Fusha u prish pa filluar shirat, pastaj ajo rrugica e baltes ne fushe nuk eshte problem moti.
E rendesishme eshte si duket ne fotot e Timonierit. S’e ze dielli apo s’ajroset nuk i plas kari Atij.
Qytet me 250 dite diell ne vit perfundon me llamba!!! Ka popull me loqe se kaq?!