50 euro për të rruar një person, bëmat e Tires nuk kanë të sosur

Të tjera dëshmi vijnë nga familjarë të pacientëve që kanë humbur jetën për shkak të koronavirusit në spitalin “Shefqet Ndroqi”. Mbaresa Crroj tregoi këtë të premte në emisionin “Stop” se ka harxhuar 4 mijë Euro për të shëruar babain, por ky i fundit fatkeqësisht ndërroi jetë.

Crroj mendon se babai i saj ka ndërruar jetë për shkak të pakujdesisë. Ajo pretendon se ai nuk është ushqyer dhe nuk i është dhënë të pijë ujë. Përveç kësaj sipas saj ai është lënë edhe i pa pastruar.

Ajo denoncoi një pjesë të stafit shëndetësor pasi sipas të cilës kërkonin para. Crroj tregoi se edhe ajo ka pasur kontakt me sanitaren Tire Alldervishi. Sipas denoncueses, sanitarja i ka kërkuar 50 Euro vetëm që t’i rruante babain.

Mbaresa Crroj: Ajo shoqja… Ani, që unë e respektoj si motrën time, aty tek hoteli jemi bërë si motër e vëlla pavarësisht, se nuk kam lidhje me asnjërin, të bënte vetë puna nga e keqja aty… Ajo vinte çdo ditë me portofolin plot me lekë. 

Dhe shoqja, që është arrest, ajo Tirja aty, një natë ka fol me mua dhe më kërkoi 50 euro për t’i rruar babit fytyrën edhe çfarë tjetër, mos e ki problem “ta laj unë, ta shpëlaj unë”. Shkoj e marr një batanije aty me 2 mijë lekë dhe ja ndërroj çdo ditë. 

Gjëja, që më jepte më neveri  është, që ato të sëmurët atje, marrin rrobat nga jashtë, batanije me sëmundje pa larë, t’ua vejnë të sëmurëve nuk është mirë, se neve po luftojmë Covid, meqë Covid është aty. Ne kemi harxhuar shumë lekë. 

Unë kam pasur  4 000 euro, plus të miat e të vëllait… Nuk jemi kursyer, nuk jemi kursyer për asnjë gjë, asnjë gjë vetëm, se të bëhesh babi më mirë kap e jep, se 5 000 lekshja dhe 10.000 lekshja o shpirti im, atje nuk janë asgjë. Aty nuk hante bukë, nuk hante bukë 5000 lekshe-10.000 lekëshe. 

Dinë infermierët, e dinë shumë mirë se kush, nuk dua t’i bëj dëm asnjë njeriu, po infermierët vetëm, vetëm ato e dinë, se kush ka marrë lekë, kush e ka parë babin tim. Babai im ka ik vetëm nga pakujdesia. Ai nga 98 kg burrë, 98 kg burrë, erdhi  40 kg. 

Këmbët e atij, pulpat e atij nuk shikoheshin. Është normal, që Covid e ka bërë atë punë, punën e saj, poooo… ai kishte vdekur edhe për bukë dhe për ujë… Aty brenda në spital, aty brenda vidhen ilaçe. Ne kemi blerë shumë ilaçe, shumë ilaçe, si unë edhe të tjerët…vidhen dhe ilaçet e të sëmurëve.

Unë babin një ditë e kam gjetur pa larë pa ndërruar,  i kishte hipur më fal për shprehjen, pisllëku deri në kapuç. Edhe kur e them këtë, e di ajo që e ka larë babin tim. Atë ditë, 5 herë ia kam  kërkuar pizhamet, të gjithë ndërresat të m’i nxjerrin përjashta. Po a rri njeriu, një i sëmurë me Covid me pulmone të copëtuar, me mushkëri të copëtuar, të rrijë në pisllëk dhe urinë deri në kapuç?  Ky është spitali i Covid..!

Crroj është gati, që versionin e saj ta dëshmojë para drejtësisë.

Nis në Itali, pajisja me pasaportë dhe kartë identiteti i qytetarëve shqiptarë

19:50 Sociale

Shqiptarët heqin dorë nga ‘dashuria’ për “Benz-in”, prej hallit zgjedhin “Volkswagen”

19:45 Sociale

Pilotja shqiptare në Dubai: Ëndrra ime më e madhe është hapja e shkollës së aviacionit në Shqipëri

18:35 Sociale

Covid-19 në 24 orët e fundit: 4 humbje jete, 641 raste të reja dhe 379 të shëruar

17:23 Sociale

Skeda e pasurisë së deklaruar: Ja si u rritën të ardhurat e ish ministres së Arsimit Besa Shahini

12:54 Sociale

Ilir Meta kujton ditëlindjen e Isa Boletinit: Amaneti i tij s'shuhet kurrë. Bacë, ke vetëm ditëlindje! Lavdi përjetë!

12:39 Sociale

Nis ndërtimi i apartamenteve, Rama me Pacollin inspektojnë punimet në Thumanë: “Baca” vuri në dispozicion 1 milion euro, pjesa tjetër me buxhetin e shtetit

12:12 Sociale

Për “inat” të pandemisë shqiptarët shpenzuan më shumë për festat e fundvitit se në 2019-ën

11:51 Sociale

Veliaj urim të veçantë për ditëlindjen e FRESSH: Sprint për fitoren më 25 prill për Shqipërinë e mirë

11:42 Sociale

Berati ndërton urë të re mbi lumin Osum: Rikostruktohet rruga anash lumit, harrohet premtimi i Peleshit për ishull

10:56 Sociale