Misteri i zhdukjes së biznesmenit italian Davide Pecorelli, në Pukë

Davide Pecorelli, ish-arbitër futbolli në Itali dhe më pas biznesmen që është zhdukur pa lënë gjurme prej 12 ditësh në vendin tonë.

Makina e marrë me qira prej tij u gjet e djegur në 6 janar nga policia e Pukës pranë një hoteli. Makina Skoda ishte marrë me qira nga 45-vjeçari në aeroportin e Rinasit.

Ai rezulton se ka ardhur në Shqipëri më datën 3 janar, ku ka shkuar të takojë bashkëshorten shqiptare në Vlorë, me të cilën ka edhe një fëmijë.

Burime nga grupi hetimor thanë se në datën 4 janar ka shkuar në një hotel në Pukë, ku ka qëndruar deri mëngjesin e 6 Janarit.

Pikërisht në rrugën Gjegjan-Reps makina ka marrë flakë nga shkaqe ende të panjohura dhe brenda saj u gjetën, përveç disa sendeve personale të biznesmenit italian edhe mbetje kockore.

Për të zbardhur identitetin e tyre policia i ka dërguar eshtrat në Itali për një ekspertizë më të thelluar ndërsa pritet të kryhet edhe analiza e ADN-së.

Në makinën e djegur u gjet edhe një valixhe me produkte kozmetike, me të cilat Pecorelli kishte hapur biznese në Shqipëri dhe Itali.

Ai prej vitesh kishte planifikuar hapjen e biznesit të kozmetikës në vendin tonë dhe sipas bashkëshortes, të marrë në pyetje nga policia, kishte ardhur për të qëndruar gjatë.

Në makinën e djegur nuk ka shenja plumbash apo goditje. Disa janë pistat ku po heton policia duke nisur nga djegia e makinës për shkaqe aksidentale.

Po verifikohen edhe dyshimet e një ngjarjeje kriminale, apo një skenari të biznesmenit italian për të humbur gjurmët.

Ngjarja ka bërë jehonë edhe në mediat italiane. Televizionet e gazetat raportojnë se ngjarja është mbuluar me mister dhe të gjitha dyshimet të çojnë tek Davide Pecorelli.

Greqia dhe Shqipëria hapin qendër të përbashkët policore

18:14 Kronika

Rrezikoi jetën e tre personave dhe tmerroi kryeqytetin: Policia e Tiranës veç gjobë për aksidentin me 150 km/h në kryqëzim

15:12 Kronika

Mamaja e ‘fiksuar’ pas rregullit që i mori ‘në qafë’! Si u fundosën “pa dashje” vrasësit e Jan Prengës, Artan Hoxha: Kamerat i vuri nëna e Harajve, dyshonte se e vidhnin

14:34 Kronika

Rrëfimi rrëqethës i nënës së 3 fëmijëve: U detyrova të punoj si prostitutë, tek lokali kishte një dhomë dhe klientët vinin aty

14:25 Kronika

VIDEO/ “Kërcet shkopi kokës”: Prifti në Lezhë dhunohet nga punonjësi i firmës private

12:08 Kronika

Tek berberi nuk shkohet vetëm për t’u qethur: Ja ngjarja pranë Tiranës që vuri në lëvizje policinë

11:59 Kronika

Ishte i lidhur dhe bashkëjetonte me një grua, 58-vjeçari ‘i fiksuar’ dhe pas motrës së saj. Ajo bën kallëzim në Polici për përndjekje

11:59 Kronika

Vettingu në drejtësi: KPK shkarkon gjyqtarin e GJKKO Bib Ndreca

10:38 Kronika

Kërcënohet avokati i Emiljano Shullazit, depoziton kallëzim në polici

09:35 Kronika

Zbardhen detaje për zhdukjen e biznesmenit italian: Në makinën e djegur në Shqipëri u gjetën eshtra, do të ekzaminohen në Itali! Ja lëvizjet e ish-arbitrit

08:30 Kronika